*لِحُزني حكايه...YARA YACOUP*
الجزء الخامس والعشرون
عمر....اسيل انتي هسا خلصتي خلاص اصلا باقي ليك اخر سمستر وتنتهي من الطب
قلت ليهو عمر والله ما قادرة اصدق ياخ اخيرا حنتهي وحكون معاك
عمر....معاي طول العمر يقلبي ان شاءالله بس هسا دايرك تفتحي الموضوع مع عمك لاني حجي يوم الجمعه
قلت ليهو عمر خليني اتخرج اصبر
عمر.....دي خجوبه اصلا ما شي حيمنعك من التخرج واصلا انا ما برضا انه اعرسك لو ما شهادتك في يدك اتطمني
قلت ليهو فديتو الفاهم انا😭❤️
عمر....المهم اقري كويس يا قلبي يلا وده شنو الازعاج الجمبك د
قلت ليهو ولد مؤيد كرستيانو قاعد بغني
عمر....زحيهو ياخ اسمو الشين د
ضحكت قلت ليهو اخرس يلا حبي باي
وقفلت
#فلاش بااااكككك
الحمدلله انا باقي لي اخر سمستر في سنه خامس واخلص مؤيد وتالا اتزوجو وجابو حبيبي كرستيانو❤️❤️❤️❤️❤️
محمد خطب وحده بت اهلهم اسمها لينا طيبه وحلوه شديد
مازن سافر دبي وشغال هناك
انا الفتره د بس بقرا عشان اخلص من الطب واشيل شهادتي في يدي ولحدي اخر سنه اكون اوله الدفعه❤️❤️❤️
عمر اتخرج وهسا شغال ومكتب المحاماه حقو اتوسع شديد وما شاءالله وضعو المادي فوق الريح❤️❤️❤️
وبقا منتظرني اخلص عشان يجي يتقدم لي وكان داير يعمل خطبه بس انا قلت لا اي شي يكون بعد ما اتخرج ما كنت حابه اخطي اي خطوه فالموضوع د
**************************
فضلت مستمره في التحقيق عن القاتل والبحث في قضيه ابوي عمر كان معاي لحظه بلحظه ما خلاني ابدا وكان مجتهد معاي فالموضوع د شددددديييييييد شددددييييييييدددد لحدي في يوم عمر قالي اسيل انا داير اطلع اتعشي معاك وفعلا طلعنا وكده
عمر.....اسيل كلامي الحقولو ليك ما تعتبريهو تخلي عنك ولا كده لكن يا اسيل قضيه موت ابوك معقده شددددديييييييد انا المحامي الشاطر ما قدرت ليها فانا بقول احسن تقفليها لانه ما حتجيب ليك غير وجع القلب والهم
انا بقيت مصومه في جهة من عمر الكان متحمس اكتر مني للقضيه وشويه بقول هو كلامو صح بالجد يعني انا بضيع في زمني؟؟
بقيت بفكر وبتزكر اليوم د انا فضلت اقول عمر الكنت قايلاهو هو الوحيد الحيساعدني يعمل كده ولا انا مستحيل اتخلى عن الشي د بس حخلي عمر يروق كم يوم وارجع افتح معاهو القصه تاني وفعلا انتظرت كذا يوم وبعدين جيت قلت ليهو عمر انا نا نفسي اتخلى عن قضيه ابوي انا لو ما عرفت منو القاتل ما حرتاح يا عمر
حسيت عمر اتضايق اني تاني رجعت فتحت الموضوع لانه هو كان دايما بحاول يبعدني عن التوتر وكده وده الشي الانا فهمتو من خلال تصرفاتوو
الفتره ديك عمر بقدر الامكان كان بحاول يبعدني عن قضيه ابوي وما بخليني افتح الموضوع ودايما بنصحني وبقول لي كلام يدعمني بيهو وكده
بس انا كنت بقول قضيه ابوي لو ما اتحلت انا ما حرتاح وده الشي الما قدرت اطلعو من راسي لحدي اللحظه د بقيت قدام عمر ما بفتح السيره نهاااائي لكن بشتغل براي وكده المشكله انه القرايه كانت مردومه ومازن سافر ومؤيد هسا مشغول ما كان معاي زول يساعدني ود الشي الخلاني ما اجتهد فيها كتير بس عمر الحر ما بنسا وعد وعدو لي نفسو
قضيه ابوي لو ما حليتها ما حقدر اخت راسي فالمخده وانا مرتاحه
قررت اني حتى لو هسا اتكاسلت بس لا فالنهايه حعرف حتى لو ما السنه د السنه البعدها وان شاءالله اذا بعد عشره سنه انا حعرف يعني حعرف
#نرججججعععع
بقيت مركزه في قرايتي عشان اتخرج وكده وبفكر كيف افتح الموضوع مع خالتو هاجر وعمو يوسف لانه الليله الاتنين وعمر مُصِر شديد انه يجي يوم الجمعه وانا بالجد طوالي بقول ليهو ما هسا ما هسا حسيتو كده حيزعل فعشان كده وافقت المهم طلعت من غرفتي نزلت تحت لقيت عمو يوسف وخالتو هاجر ومنى قاعدين
قعدت وساكته كل شويه اقول اتشجع اقوم اتراجع
بالجد موقف صعب شديد خصوصا اني ما عارفه ردت فعلهم حتكون شنو
عمو يوسف.... يا بتي مالك حاسي زي في خشمك في كلام
قلت ليهو صراحه اي بس ما عارفه كيف اقول
عمو يوسف.... تعالي جمبي
مشيت عليهو وقعدت جمبو الحمدلله انه عمو يوسف ما حصل اتغير علي ابداً❤️❤️
قلت ليهو عمو صراحه دايراك تقابل زول
عمو يوسف.... والزول د منو؟
قلت ليهو والله يا عمو هو شب اتعرفت عليهو لي اربعه سنه تقريبا وهو جاي يقابلك يوم الجمعه
عمو يوسف.... تمام يا بتي عديله خليهو يتفضل مرحب بيهو
وعلي كده طلعت غرفتي وانا ميته موت من الخجللل🙈🙈❤️❤️❤️❤️❤️❤️
طوالي اتصلت لي عمر
ردا طوالي قالي قلبي
قلت ليهو عمر انا فتحت الموضوع مع عمو يوسف وقاليك اهلا وسهلا
عمر....تمام يلا انتي امتحاناتك الاحد اقعدي اقري عشان ترفعي راسي وبعدين موضوعنا د ما تشيلي ليهو اي هم
قلت ليهو حاضر
فعلا انا كنت طول الوقت بقرا مرات بنزل تحت بساعد في شي وبجي راجعه الجمعه بتاعت العيله حقت كل خميس اتلغت ناس عمو حسين بقو نا بجونا وبعاد مننا كده وكمان مؤيد بعد ما بقا عندو بيت ومازن سافر ومحمد مشغول ما كان في اي شي يدخل الفرحه علي البيت
انا ومنى ممكن نكون زي الاخوات بقت صحبتي لي درجه ما كنت بتوقعها وبقيت بحكي ليها اي شيييي
وطبعا تالا برضو لكن تالا عشان مسؤلياتها وجامعتها كمان وولدها مسكينه تعبانه تعب رهيب😂
😂😂😂
ما كنت دايرا يوم الجمعه يجي سريع ما عشان اني ما حابه لكن كان في خوف جواي من شي انا ما عارفاهم شنو بس دايما بتزكر انه حمون مع عمر والخوف د تلقائيا بتلاشي من قدامي
الحمدلله علي وجودو في حياتي وعلي خوفو وغيرتو علي الحمدلله علي اي شي فيهو ما كنت متوقعه انه بالجد الدنيا د فيها حب كده الا لمن جربت❤️❤️❤️❤️❤️❤️
**************************
يوم الجمعه جا صحيت من الصباح استحميت ولبست فستان ونزلت لقيت خالتو هاجر بتجهز وبتنضف والناس د ملبوشه شديد
خالتو هاجر.... د شنو اللابساهو لي د يا بت سريع قدامي
قلت ليها فشنو يا خالتو
خالتو هاجر....تلبسي فستان يقولو خالتها ما بتعرف في التقاليد والعادات تعالي
ساقتني وانا ميته ضحك عليها وجابت لي توب بي حاجاتو كلها
قلت ليها لا ما بحب ياخ وبعدين د توب منو
خالتو هاجر.... حق تالا جبتو منها وهي زاتها جايه لبست التوب قلت ليها ما عندو طرحه طيب؟
خالتو هاجر.... يا بتي البجو يشوفوك ديل حريم خلاص ما في داعي للطرحه
قلت ليها طيب لبست التوب كانو حلو شديد وبسيط وشعري لانه طويل طول مبالغ كده خليتو فاكي زي ما هو وعملت ميكب وقعدت
بعد الصلاه كده الباب دق وطبعا انا واقفه في المطبخ
منى....ما حصل شفت لي عروس بتقيف في المطبخ
قلت ليها اخرسي انتي
عمو حسين وعمو يوسف ومعهم مؤيد قاعدين في الصاله
الخدامه فتحت جو داخلين نسوان كتار اظن سته ومعاهم بت كده وعمر
اتخلعت ما قايله عمر جايب لي القبيله كلها كده
المهم قعدو يتكلمو مساااااافففففهههههههه بعدين سمعت عمو يوسف بقول اسيل
انا هنا قلبي وقع في يدي وحلفت ما امرق وخايفه شديد وخالتو هاجر بتلز فيني وانا بقول ليها وعمر القاعد د مش قلتي حريم بس والطرحه
لزتني ومشيت وطبعا ممكن يكون اكتر موقف محرج والبت بتحس بيه بالخجل في الدنيا والله بس احلا موقف لمن تشوفي حبيبك قاعد مع ناس بيتكم وجاي عشان يطلب يدك وتبقي حلالو❤️❤️❤️
مشيت براحه وسلمت علي المره الاوله عادي باليد وكل وحده تقول لي عمتو سميره خالتو اشراقه لمن سلمت علي وحده فيها ملامح من عمر قالت لي امه سماهر انا لا اراديا نزلت عشان اسلم عليها بالحضن المره لمن سلمت علي بكت ما عارفه لي وانا كمان لمن شفتها بكت دموعي جات نازله مع اني ما بعرفها بس من حكاوي عمر عنها وهي شنو بالنسبه ليهو حبيتها❤️❤️❤️❤️
بعد ما قعدت عمو يوسف قالي طبعا يا بتي الولد د دايرك علي سنه الله ورسوله ونحن دايرين رأيك
قلت ليهو البتشوفو يا عمو
عمو حسين.... هههه الخجل خلاص يا جماعه نقرا الفاتحه علي بركه الله
وقرو الفاتحه والنسوان زغردتو بعدين اتونسنا كتير واتغدو و النسوان قعدو معاي ويتكلمو وكده حسيتهم ظريفين بس ما كان في زول بهمني في اللحظه د كنت فرحانه اكتر من اي شي
اما بهناك الرجال عمو يوسف حبا عمر شديد وقعد يتونس معاهو اما عمو حسين كان بعاين ليهو عين عرفه كده بعدين عمو يوسف ومؤيد قامو وخلوهم
عمو حسين اتونس مع عمر وكده
لمن عمو يوسف ومؤيد جو راجعين لقو عمو حسين بقول لي عمر متخاف كل شي بيناتنا بس انت عزني
عمو يوسف.... هو شنو البيناتكم ودايرو يعزك كيف
عمو حسين.... هههههه لالا بس الولد د نحنا اتعاملنا معاهو قبل كده فالشركه وقلت ليهو لو تاني احتجت شي شركتنا قاعده وكده
عمو يوسف.... اهااا لالا تمام
بعد المغرب ناس عمر طلعو مشو وقعدنا نلم الحاجات وكده بعدين عمو يوسف ناداني في الجنينه بره مشيت ليهو
عمو يوسف....تعالي اقعدي يا بتي
مشيت قعدت
عمو يوسف... طبعا يا اسيل انتي عارفه مكانك عندي والله يا بتي الولد ما فيهو كلمه خلقه واخلاق ورجوله وشهامه ما شاءالله تبارك الله
لكن يا بتي العرس د مسؤليه كبيره لازم تقيفي جمب راجلك وهو يقيف جمبك وتسندو بعض الدنيا ما كلها ايام سمحه وما كلها ايام كعبه
بيتك د البحصل فيهو يكون بينك وبين راجلك بس والله ما يجيب الشينه بينكم دايرك تكوني عاقله ورزينه زي ما متعودين عليك دايما
والولد د قال العرس بعد تخريجك طوالي اما الخطوبه دايراها اخر يوم في امتحاناتك
قلت ليهو شنوووو مالو استعجل كده
عمو يوسف.... والله يا بتي اساليهو بس😂😂😂😂
قلت ليهو طيب علي العموم كلامك كله حيكون في بالي وربنا ما يحرمني من وجودك في الدنيا يا احلا عم❤️❤️❤️❤️❤️
طلعت غرفتي وطوالي ضربت لي عمر
عمر....مرتييييي
قلت ليهو لسا ما بقيت مرتك وتاني شي الخطوبه بدري والعرس بدري ليه كده استعجلت وحددت بدون ما تستشيرني
عمر....ما موافقه طوالي هسا بأجلو
قلت ليهو عمر لا كيف يعني ما موافقه انا بس حسيتك استعجلت
عمر....استععجلت لاني دايرك تكوني معاي في بيت واحد منتظر اربعه سنين وتقول لي مستعجل اسيل انا داير اصحا من النوم اشوفك جمبي وارجع من الشغل تعبان ارتمي في حضنك
كلامو سكتني شديد
قلت ليهو طيب حبي ما تزعل اها كيفك عماتك وخالاتك جيش ما شاءالله😂😂😂
عمر....من رجعنا بقولو متكبره وشايفه نفسها غير امي ماف زول حباك
قلت ليهو هههههههه د الطبيعي حبي وبعدين اشوف نفسي مالهم هم
عمر....اصلا انا دايرك كده
قلت ليهو طيب طيب يلا ماشيه ادرس انا
عمر... حاضر حبي يلا
قفلت التلفون وانا الفرحه ما سايعاني بالجد❤️❤️❤️❤️❤️❤️❤️❤️❤️❤️❤️
#دردشتنا
شايفين قصة حبهم قعدت كم سنه اربعه سنه ونهايتها كانت شنو انه جا لحدي البيت زي ما وعدها لانه راجل لانه قدر كلمتو
لانه بخاف علي اختو الفي البيت د يجي زول يلعب بيها زي ما هو بلعب بي بنات الناس
عمر لو ما حبا اسيل واتاكد ما بجي يطلبها صح
طيب انت البتوعدها وبتعلقها فيك ياخ قبل ما تخاف علي زعلها ما خايف من ربنا💔
كيف بتخت راسك كل يوم علي المخده وتنوم وانت كاسر قلب زول كيف؟؟
لو ما قدر كلمتك ما تقولها لو ما حتتزوجها ما تحبها ما تعلقها فيك ياخ
وانتي عليك الله العوارة خليها ما اي زول تصدقيهو وتبقيهو محور حياتك وتخاي عشمك كلو فيهو ارتقو يا جماعه ارتقو بي عمايلكم بتشوهو صورة الحب والله
#يتبع
في امان الله
ما تنسو التصويت
برضو معليش علي التاخير❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
