الجزء الثاني والثلاثون....
جوان اتصلت لي وائل وقالت ليهو تعال سريع وقفلت عشان يجي سريع
فعلا ربع ساعه او اقل وائل اتصل قاليها قدام الباب انا
جوان.....تعال بيت ناس اسيل ما بيتنا
وائل جانا وجوان قعدت معاهو حكت ليهو اي شي ما عارفه ملامح وائل اتغيرت شديد وبقا ما عارف يقوم ولا يقعد ولا يعمل شنو
وائل جاني وقالي اسيل انتي عارفه شنو عن عيلة عمر
جوان....وائل هي لو عارفه ما كان وريناك
وائل....جوان انا عمر صحبي من سنه ونص تقريبا عمرو ما جاب لي سيره عن اهلو عمر اي كتوم لكن عن اهلو اصلا ما بتكلم.
قلت ليهم انا عمر عارفه انه ابوهو متوفي من فتره تقريبا وامو واختو عايشين في السودان وبعرف دنيا اختو وخالتو رحاب لكن ما حكا لي كتير عن ابوهو الله يرحمو.
جوان....هو اسمو منو ابوهو؟
قلت ليها ضياء
وائل....ايوا وفي الشغل كان مشهور بي انور
انا هنا وقفت علي حيلي قلت ليهو منو قلت شنو يا وائل متاكد انت؟؟
وائل....والله تقريبا كده لانه عمو ضياء د اشتغل مع ابوي فتره وكان معروف في الشغل بي انور
جوان....اسيل معقوله؟؟
قلت ليها جوان لا ان شاءالله لا يا الله د اخر زول باقي لي ما تخلق سبب يبعدنا من بعض يارب انا كنت منهاره شديد جوان كانت بتبكي ووائل واقف جمبها ما عارف يعمل شنو اصلا
وائل قال لي جوان تعالي شويه بره
جوان....نعم
وائل....خلي بالك منها حبيبتي ححاول ااخر عمر عشان ما يحس بي شي وانتي خليك معاها وخلي بالك من نفسك
جوان كانت مستغربه وائل لي بتعامل معاها كده اصلا
#وقفه✋
جوان كانت بتحب واحد ولمن جا اتقدم ليها وضعو المادي ما كان كويس فعشان كده ابوها رفضو وعرسها لي ود صحبو الهو وائل
في البدايه وائل كان بحب جوان ونفسو يخليها تحبو لمن هي بقت تصدو شديد وما تخليهو يقرب منها غرورو غلبو بقا بضربها وبشرب وبسهر للفجر وبطلع مع الف بت وجوان اصلا بقت قرفانه منو شديد دي هي قصه جوان ووائل💔💔
#نرجع👆💓
جوان دخلت لي جوه انا طبعا قاعده وسرحانخ بس
جوان....قومي معاي
قلت ليها جوان خلاص امشي دايرا اكون براي انا
جوان...بي صوت عالي....اسيل فوقي علي نفسك د شنو الضعف الانتي فيهو د من متين انتي بتكوني ضعيفه كده اسيل انتي قربتي من الحقيقه ولا لمن لقيتي انه اهل عمر ليهم علاقه دايرا تسامحي القتلو ابوك؟؟؟؟
قومي وغسلي وشك وخليك طبيعيه لو الموضوع ما زي نحن متوقعين حتظلمي عمر وحتظلمي نفسك؟!
وين اسيل الكلنا بنعرفها اسيل القويه الما بتتهز وينها هسا لمن مفروض تكوني قومي دايرا تضعفي
انا اي ماشيه مخلياك لمن تقومي وتعرفي تتصرفي طريق بيتي بتعرفيهو يلا سلام
وطلعت خلتني
بعد ما جوان طلعت اي كلمه قالتها كانت بتتردد لي في اضاني قمت مشيت غسلت وشي وغيرت هدومي ووقفت قدام المرايه
اسيل ايهاب ربيتي نفسك علمتي نفسك ماف زول ختا يدو في كتفك قبل كده كنتي اي شي بتعمليهو براك ربنا معاك ما تضعفي انتي اكبر واقوى من كده بي كتير اخدت نفس طويل ولبست ةطلعت لي جوان لقيتها في الجنينه خاته شاي وكيك اول ما شافتني قالت لي عارفاك حتجي تعالي💛💛
مشيت حضنتها وقعدنا نتونس انا كنت بتكلم عن مواضيع كتير وهي مرات بتشرد مني شويه
قلت ليها زفت مالك بتشردي كده؟؟
جوان.....لا ولا شي
قلت ليها ايواا تمامم
جوان...ياخ والله في شي محيرني ومفرحني في نفس الوقت
قلت ليها خير فشنو
جوان....الصباح لمن وائل جا واتكلم معاي بره قالي خلي بالك من نفسك حبيبتي
قلت ليها اها ووين الحاجه المخلياك تستغربي يعني؟
جوان....اسيل الكلمه د اخر مره سمعتها من وائل تقريبا تاني يوم في زواجنا
قلت ليها جوان انتي مخبيه عني شي في شنو ؟؟؟
جوان...اسيل انا زي ما قلت ليك وائل د ما اختياري اختيار ابوي انا لمن اتزوجتو ما بنكر كان بعاملني معامله حلوه شديد وبهتم بي وبي ادق تفاصيلي لكن الاهتمام لمن يجيك من الزول الغلط بكون ما ليهو طعم انا دايما كنت بصدو دايما بكورك فيهو ما كنت طايقه اشوفو يا اسيل
كانت بتبكي وبتتكلم
لكن شكلها كاتمه من زمان
قلت ليها كملي طلعي الكاتماهو في قلبك د💔💔
جوان.....كرهي ليهو ما كان بي يدي يا اسيل لكن انا كنت بحب غيرو انتي فاهمه مره النقاش بيناتنا بقا قوي وقمت وريتو اني بحب غيرو ود كانت اول مره انضرب فيها منو يا اسيل وهي اصلا جوان ما محجبه عادي بتلبس نص كم وكت وقصير وكده قالت لي شايفه العلامه الفي رقبتي د منو هو د كانت اول مره انضرب فيها بالطريقه د ومن اليوم داك انا حياتي كلها بقت سواد
وائل بقا ببيت بره البيت بالايام برجع سكران طبيعي بتكلم مع بنات في التلفون
اتخيلي راجلك جمبك وبتكلم مع وحده غيرك
وبسمعها كلام مفروض يكون ليك انتي💔💔💔💔💔💔💔
قلت ليها جوان لكن وائل بقا كده بي سبب كرهك ليهو
جوان....عارفه والله عارفه لكن خلاص انا مقادره اتحمل الحياه د
مع كلامها د عمر ووائل جو داخلين جوان طوالي مسحت دموعها وقالت اهلين
عمر جا سلم علي وباسني من راسي قلت ليهو حبيبي كيفك تعال اقعد
وائل كان واقف وبعاين لي جوان الكان باين علي عيونها انها بتبكي حسيتو نفسو يقول ليها يسالها مالك لكن ما كان قادر
جوان....عن اذنكم يا جماعه
عمر....يلا نحن زاتنا نمشي
سلمنا عليهم وطلعنا
عمر.....انا ميت من الجوع وفي النفس الوقت ما نفسي اطلع بره
قلت ليهو عندنا بيرقر ونقتس وحاجات جاهزه كده استحمي بكون سويت ليك سندوتشين
عمر...طيب يا عمري
سخنت الصاج والزيت وبديت اسوي ليهو بعد ما خلصت شلت القلايه الفيها الزيت دايرا اختها بعيد ما عارفه كيف فقدت التحكم فيها نص الزيت جا في يدي والله انا صرخت صرخه اظن بتكون وصلت لي دول الجوار💔💔😂😂😂
عمر جا نازل من فوق زي المجنون
فشنووووو د شنو مالكككككك
قلت ليهو يدي حمممموتتتت ؟؟
عمر....اصبري اصبرييي الحرق كبير
وطلع جري جاب علبه الاسعافات وجا ربطها لي بالجد الحريق د اشد انواع الالم بعد وجع الضرس الحمدلله بس
عمر....ماف انتباه نهائي انا ما عارف راسك د بكون وين يا اسيل كويس جات في يدك بس
قلت ليهو عمر ما تبدا بالله ما ناقصاك انا هسا!
عمر....لازم كمان لو ما ناقشتي ما بتكوني اسيل ايهاب ما تتحركي كتير عليك الله اثبتي
ومشا يتم باقي لبس هدومي قلت ليهو السندوتشات
عمر....ما داير نفسي اتسدت
قلت ليهو عمرررر ليييههه انا العملتهم ليك وعاين اتحرقت كيف
عمر....طيب طيب هسا حتعملي لي فيها مسكينه حاكل والله
ضحكت قلت ليهو بحبك يا جزمه
عمر....وانا زاتي يا رمه
كنت بعاين ليهو وبتزكر الحصل وخايفه من الحيحصل💔💔💔
************************************
جوان كانت في الغرفه قاعده وماسكه تلفونها جا وائل دخل الغرفه استحما وهو طالع هي حاولت تتكلم معاهو
جوان....وائل؟
وائل.....ايوا وهو بتكلم بسرح في شعرو
جوان...ماشي وين؟
وائل....عفوا!!! علاقتك بشنو؟؟
قبل ما ترد عليهو تلفونو اتصل ردا..اي حبيبتي طالع خلاص هههههه وانا كمان مشتاق ليك
وطلع بدون ما يعاين لي جوان حتي💔💔💔
************************************
عمر....حبيبي انا طالع تجي معاي ولا رايك شنو
اسيل....ماشي وين؟؟
عمر...عاملين قعده في كافي ارح البسي
قلت ليهو خليني اليوم لانه حاسه جوان ما علي بعضها
عمر....خلاص ارح نطلع سوا
طلعنا وقفت معاهو بره مسافه شفنا وائل ركب عربيتو ومشا
عمر....متاكده ما ماشيه؟؟
قلت ليه لا
عمر...خلي بالك من نفسك وختي تلفونك جمبك
قلت ليهو حاضر
اتحرك شويه كده وانا داخله سمعتو بضرب لي بوري
اتلفت ليهو
عمر...متاكده ما ماشيه
قلت ليهو عمر لو وصلتك ما تلوم الا نفسك
ضحك واتحرك بي سرعه
وانا دقيت لي جوان عشان تطلع لي بره في النجيله وقعدت في الكراسي حقت الجنينه ما كانت بترد
رسلت ليها مسج في الواتس كانت فاتحه نت
وبقيت حايمه في الانستا
لمن لقيتها اتاخرت وللان ما قرت المسج دخلت ليها جوا وبقيت بنده ما كان في زول برد
طلعت غرفتها حقت النوم برضو ما كان في زول برد والباب فاتح دخلت ما لقيتها جوه دقيت علي باب الحمام كان مقفول انا هنا حسيت كانو في شي غلط بقيت جاريه في الغرفه زي المجنونه بفتش علي نسخه بتاعت مفتاح لمن لقيت وحده وفتحت الباب بقيت واقفه لا قادره اتكلم ولا قادره اقيف اصلا ما عارفه كيف استجمعت قوتي ونزلت لي تحت ناديت السكيورتي والحارس من بره طلعو نزلو جوان الكانت قاطعه شراينها بي موس وعايمه في دمها وهم نزلو وانا وراهم لفت انتباهي ورقه في التسريحه شلتها معاي ومشينا العربيه سريع وديتها اقرب مستشفي بعدين نزلت العربيه عشان اجيب التلفون اتصل ليه عمر ووائل
اتصلت لي عمر وريتي قالي خمسه دقايق واجي
فعلا ما اتاخر جانا طوالي وكان بضرب لي وائل ما برد نهائي
عمر....مالها ولي عملت كده هي اساسا؟؟
قلت ليهو انت بعد ما وصلتني انا مشيت لقيتها بالحاله د
عمر....ياخ د تخلف والله
قلت ليهو عمر كيف تقول كده من متين اصلا بتفكر كده هي لو ماف سبب لي حتقرر تنهي حياتها
عمر....اسيل ما كده لكن انا هما اتزكرت الرساله اللقيتها قلت ليهو دقيقه يا عمر اتزكرت حاجه ونزلت تحت عشان اجيبها من العربيه
شلت الرساله كانت كالاتالي
وائل💔
الرساله د لمن تلقاها يمكن يكون فات الوقت لي اننا نتكلم ونتفاهم
لكن اي شي نحن مفروض نقولو انا حكتبو فالورقه د
وائل انا بعترف اني ما حبيتك من الاول ود شي طبيعي بالنسبه لي اني شفتك مرتين بس مره يوم الخطبه ومره يوم العرس
انت ما اديتني فرصه اصلا افكر اني احبك
غرورك كاني عاميك عن اي شي تاني
وائل انت قايل نفسك ما فارق معاي؟ اهتمامك حق زمان ما فارق معاي؟
الحاجه الانت ما عارفها انك لمن تبيت بره بالايام انا بكون في الغرفه ما بقدر انزل تحت لاني بخاف اني اكون براي في بيت ما بنوم بالليل براي عشان بخاف وائل انا كنت محتاجاك كتير وما لقيتك ما حصل جربت تسالني انتي بتحبيني ولا لا
ما حصل جربت تسالني كيفك؟ محتاجه شي ؟
ما حصل جربت تسالني بتنومي كيف براك في بيت بالمساحه د لمن اكون ماف؟
د كله انت ما عارف عنه شي؟
وائل انا لمن صارحتك اني بحب زول تاني ما عشان شي انا كنت دايراك بي اسلوبك وشخصيتك تنسيني ليهو مش تضربني وتخلي لي علامات في كل حته فجسمي💔
بالرغم من د كله بحبك يا وائل وان شاءالله تلقي الاحسن مني
حبيبتك جوان💔
انا بعد ما قريتها كنت ببكي بي صوت جوه العربيه ما عارفه اذا جوان حتصحا او لا بس كل العارفاهو اني ما دايراها تمشي وهي مكسوره ما دايرا تمشي وهي زعلانه شبت تلفوني اتصلت لي وائل ولحسن الحظ ردا علي كان جمبو ونسه وضحك واصوات بنات قلت ليهو وائل وانا كنت ببكي
وائل.....اسيل ما سامعك في شنو
قلت ليهو بي صوت عالي جوان يا وائل جوان في المستشفي
سكت زي خمسه دقايق وبعدين صوت الجوطه الجمبو خفا زي كانو طلع سريع من المكان
وائل....مالها في شنو ياتو مستشفي ولي ما وريتيني
قلت ليها نحن في مستشفي**** تعال سريع يا وائل
وقفلت
بالرغم من انه ما كان نفسي اشوف وائل لكن خفت انه جوان تمشي وهي زعلانه منه💔
طلعت فوق لقيت عمر ماف
سالت الممرضه قالت لي جوه بتبرع بي دم
قلت ليها لي في شنو؟؟؟؟
الممرضه....المريضه احتاجت دم كتير لانها فقدت شديد ادعو ليها بس
انا هنا كمان بقيت ماشيه وجايه عمر بعد شويه كده طلع جا قعد جمبي ومسك يدي
عمر....ما تتوتري كله حيمر حبيبي انا هنا
ختيت راسي في كتفو قلت ليهو خايفه تمشي يا عمر اتعلقت بيها انا
عمر....لا حبي جوان حتبقا كويسه وحترجع ليك ان شاءالله
بقينا قاعدين كده فجاءه شفت وائل جاي جاري من هناك بي طريقه غريبه
عمر طوالي مشا بي اتجاهو واداهو كف انا لمن صرخت ومسكو من فلينتو جراهو بره
وانا جاريه ورى عمر
عمر....كنت في جمعاتك القذره ومرتك هنا بتموت صح؟؟؟
عامل ليها شنو عشان تصل للمرحله د قول عامل فيها شنو؟؟
د امانه ربنا اداك ليها في رقبتك لو حصلت ليها حاجه يا وائل وعزته وجلالته ما اخليك تعيش بي خير وانا وريتك
عمر قبل علي وجراني قدامو قاليهو ديل ربنا خلقهم عشان نحميهم ما نخوفهم عشان نكون سند ليهم ديل بالنسبه لي ناس غيرنا حلم عارف يعني شنو حلم تفو عليك ياخ تفو
طبعا د كله وائل منزل راسو في الارض وما فتح خشمو ولا بي كلمه عمر مشا دخل المستشفي
د كانت اول مره اشوف وائل مكسور وضعيف كده كان حاجه صغيره شديد قدامي طلعت الرساله واديتها ليهو قلت ليهو من جوان
هو لمن سمع انها من جوان جراها طوالي وقعد في العتبه كان بقرا وببكي بي صوت💔💔
انا كنت واقفه بعاين ليهو وكل ما يبكي ابكي معاهو يعد ما خلص
جا وقف قدامي قالي داير اشوفها يا اسيل عليك الله يا اسيل والله د طلبي الوحيد خلوني اشوفها
قلت ليهو طيب يا وائل قش دموعك عشان ما تلقاك كده
طلعنا فوق عمر شافو قالي لا ما يخش ليها
قلت ليهو عمر خليهو
عمر... لا ما حخليهو
وائل....عمر خلاص انا عارف اني حيوان وغلطت عارف بس انا داير اشوفها انا لو حصل لي شي ما حسامح نفسي
وكان بتكلم بي صوت عالي شديد
مع كلامنا د طلعت الممرضه قالت وائل د منو ؟؟
وائل.....انا في شنو؟؟
الممرضه....المريضه بتنادي في اسمك كتير تعال عشان نجهزك تخش ليها البت د كانت في مرحله الخطر وبي صعوبه قدرنا نرجع الشريان مكانو تاني خلوكم معاها
وائل طوالي مشا ورى الممرضه دخل لي جوان وانا قلت ليها بنقدر نخش؟
قالت لي بس خمسه دقايق ما اكتر
وائل.....د شنو العملتيهو د يا مجنونه وكان ماسك يدها وببكي
جوان بي حس منتهي عديل..وائل انا اسفه انا بحبك
وائل....وانا بموت فيك يا عمري
عمر طوالي طلع وانا وراهو
قلت ليهو عمر فشنو
عمر....مزعلاني الحاله الخلاها تصل ليها الحيوان د
قلت ليهو يعني انت ما حتوصلني ليها😏
عمر....اسيل د شنو البتقوليهو د انا لو راسك واجعك ما بقدر انوم اجي اخليك تاذي نفسك ولا ارفع يدي عليك في يوم انتي اغلا شي في حياتي كيف اعمل كده؟
قلت ليهو حياتي انتت
عمر...ارح ارح عشان الهندي مؤثر عليك
قلت ليهو سبحان مغير الاحوال
عمر....بحبك اسكتي😂😂😂😂😂😂😂😂😂😂😂😂😂
#دردشتنا
يا جماعه الزول لمن يحب شخص والشخص د ما يتوفق معاهو او يخليهو او الظروف تبعدكم من بعض كده ما معناها الدنيا انتهت ما تقفلو نفسكم لو كان خيرا لبقي
ربنا عمره ما بزح منك شي الا لو كان فيه شر ليك
حيجيك الشخص المناسك البخليك تحبو رغم عيوبه
عاينو جوان حبت وائل بالرغم من انها اتعرضت للاذي منه
لكن هو لمن شافها في حال زي د عمل شنو اكيد انكسر
الدنيا ما بتقيف علي زول والله
*رفقاً بقلوبكم...فلم يخلقها الله للشقاء*
#يتبع
ما تنسو التصويت
في امان الله
اكتبو لي تعليقاتكم
💓💓💓💓💓💓💓💓💓💓💓💓💓💓
