*لِحُزني حكايه...YARA YACOUP*
الجزء العشرون
الاسبوع الجاي امتحاناتي النهائيه لي سنه اوله طب السنه المشت زي لمح البصر السنه العرفتني علي ناس اولاد حلال الحمدلله السنه التعبتني وفي نفس الوقت فرحتني خلاص هانت وبعد كدخ تجي الاجازه وافضي نفسي لي قضيه ابوي الحدي الان انا واعده نفسي لو ما عرفت عنها اي شي ما حسامح نفسي ما دايرا أأذي زول لا والله بس دايرا اعرف القلبو طاوعو عشان يقتل ابوي بي شكل مرعب زي ده منو اي ده السؤال ما كان بفارقني ودايما بدعي يارب ريح بالي بي معرفت قاتل ابوي.
******************
خلال الفتره دي علاقتي بي عمر بقت حاجه فوق الصُحبه بقيت مستحيلللل اقدر انوم قبل ما اتكلم معاهو عمر كان اول زول بفكر فيهو لمن اصحا انا بيني وبين نفسي عارفه ومتأكده اني بحبو وما بحبو بس انا بحبو شديد شديد بس ما كنت بظهر الشي ده ابداً وهو كمان ما كان بظهر لي مشاعرو نهائي .
علاقتي بي ياسمين بقت حلوه شديد يعني من اخر موقف داك المر عليهو حاليا اربعه شهور بقينا صحبات ودايما بنقعد مع بعض
هي كانت بتثق فيني شديد وبتحكي لي اي شي وانا كنت بحبها والله لانه دمها خفيف وما نوع البنات البحبو القطيعه ونقل الكلام وكده فيعني شخصيتها لطيفه❤️❤️
المهم بس برضو ما حصل حكيت لي ياسمين عن مشاعري اتجاه عمر ولا عن قصه ابوي بس لمن تسالني بقول ليها ابوي متوفي وبس.
******************
الليله الاحد انا بدرس اليوم كله عشان احافظ علي مستوياي وكده وكل زول حوليني كان بشجعني
وطبعا مازن ومؤيد بقو مشغولين شددديييييددد يعني مرات بكون دايرا اسالهم اذا شغالين بي قضيه ابوي او لا بس برجع وبقول هم هسا مشغولين ما صح اشغلهم وده الشي المخليني اوقف القضيه والتفكير لي حين انتهائي من الامتحانات واعتمد علي نفسي واجتهد وان شاءالله يارب عندي ثقه في ربنا سبحانه وتعالي وفي نفسي اني ما حطلع من السودان بدون ما اعرف شي عن ابوي.
ومن ناحيه تانيه قلت هسا ده وقت التفكير في القرايه يا اسيل لازم تخلي اي زول يأشر عليك ويقول دي بت ايهاب تخلي اي زول يقول ايهاب الله يرحمه عرف يربي شدي حيلك يا اسيل عشان تخلي الناس تفخر بيك وقبل اي شي تكوني انتي فخوره بنفسك
قمت اخدت لي شور سريع فتحت باب البلكونه ختيت التربيزه والمكتب وقبل ما اقعد ختيت في راسي انه اسيل ما بغلبها شي وقعدت
انا تقريبا لمن بديت كانت الساعه تسعه صباحا قمت من الكرسي الساعه اتنين ظهر وحرفيا ما حسيت الا لمن لقيت نفسي بقلب اخر صفحه من الشيت قبل ما اقوم جهزت كل حاجه قريتها في شكل معلومات وملاحظات وقمت مشيت شلت تلفوني الانا اصلا عاملهو وضع طيران فتحت التلفون لقيت سبعه مكالمات من عمر قلت بسم الله د مالو رجعت ليهو
عمر....انتي يا بت تلفونك ده بتكرهيهو للدرجه دي سبعه مكالمات كنتي وين
قلت ليهو اسكت حبه عشان اجاوب كنت بدرس والله
عمر.....دي المشكله لمن تصاحب ليك زوله حفاره
قلت ليهو حفارة د شنو
عمر....حتتمي سنه وكسر في السودان ما عارفه حفاره يعني شنو؟؟
قلت ليهو ده ما مجال اختصاصك ومتصل لي ليه جنك ازعاج
عمر....الله يسامحك تقولي لي صحبك كده ؟؟
قلت ليهو عمر انجز داير شنو؟
عمر.....والله زهجان ياخ دايرك تتونسي معاي حكون داير شنو يعني
قلت ليهو اهاا كيفك يا سكر
عمر....لالا ياخ بخجل والله
قعدت اضححححكككك😂😂😂😂😂😂😂😂😂😂😂😂😂😂
عمر.....انا ما فاهم كيف اي زول شايفك متكبره كيف؟
قلت ليهو لاني ما بتكلم مع اي زول بالطريقه البتكلم فيها معاك😉
عمر.....انا حاله خاصه مش
قلت ليهو مش كده بس انت صحبي وانا اذا صاحبتني بتشوف جزء من شخصيتي ما بظهرو لي زول تاني
عمر.....الفيسلسوفه قامت خلاص
قلت ليهو د حقيقه يا ود
عمر....اها يا قلب خلصتي قرايه لازم تقري كويس عشان لمن اجي استلم شهادتك ارفع راسي فيك
قلت ليهو اول شي انا مش حزرتك ما تقول لي قلب
عمر....مالها عيبيها لي؟
قلت ليهو بتقرف زيك
عمر...😂😂😂😂😂😂😂صريييييحححه وواضحه
قلت ليهو خلاص نتكلم بالليل عشان هسا امشي ارتاح وافطر ويمكن ابدا في الماده حقت اليوم التاني
عمر.....هم ما عاملين ليكم قابات؟
قلت ليهو اتخيل يا عمر ما عاملين
عمر....ديل متخلفين اصلا اقري بس اضغطي نفسك
قلت ليهو ان شاءالله كمان اول امتحان حق الدكتور الحكيت ليك عنو الثقيل داك
عمر.....هو تاني عمل شي صحي؟
قلت ليهو زي ما قلت ليها كل ما اسأل سؤال ما برد او بقول بعدين او سؤالك ما مهم مع انه يا عمر السؤال بكون مهم وشديد كمان
عمر.....يلا الزي ديل بكون عندهم حقد او غيره من الطلاب ليه لانه هو كأستاذ او دكتور ما بحب يشوف طالب اشطر منك وهو شايف الشي د فيك لكن اناي ما تهتمي ليهو اصلا السنه الجايه بطيروهو ليكم
قلت ليهو طيب ما ممكن يسوي لي حركات في التصحيح؟
عمر....اسيل انتي لي بتفكري كده ما بقدر يعمل شي حركات شنو كمان والله ادقو دقه
قلت ليهو جاري للدق انت بس😂😂
عمر...المهم مارق انا لحدي بالليل كده
قلت ليهو وين ماشي؟؟
عمر....مارق مع صحبتي بتعرفيها رغد
قلت ليهو Oh Okay
(وطبعا عمر عارفني لمن اتغاظ من شي لساني بقلب انجليزي طوالي)
عمر.....ضحك ضحكه عاليه كده
قلت ليهو مالك؟؟
عمر....ولا شي وبالمناسبه مارق مع رامي عشان ما تفكري ساي
قلت ليهم ما بهمني انا
عمر....واضح انه ما بهمك😂😂😂😂
قلت ليهو يلا
عمر...بايات يا قلب
قفلت
وقعدت اقول بالجد انا لي اتغظت لمن قال ماشي مع رغد لكن بالجد ياخ انا بضايق لمن يمشي مع وحده تانيه اف منك يا عمر بقيتني اتكلم براي ومشيت
******************
عمر بعد ما قفل قعد يضحك وقال اخخ بس منها واضح الحب في كلامها ومن غيرتها بس كيف يعرفوها اسيل لو ما عاندت بحبها ياخ والله
امه دخلت وسمعتو وهو بقول كده
قالت ليهو دي من البتحبها؟
عمر... شنو لالا كنت بتزكر في شي
امه...اممم واضحح
بقيت تخبي عن امك يا عمر
وقعدت في السرير عمر مشا رقد في رجولها ومسك يدينها وقاليها والله ما كده يا امي لكن ما عارف انا حاسس بشنو الشي الوحيد الانا متاكد منو اني بكون مبسوط وانا معاها وبسمع صوتها
(عمر ما بقدر يخبي شي عن امو لانهم قريبين شديد لي بعض)
امه....ودي من سعيده الحظ؟
عمر بدون ما يحس قاليها اسيل
امه....واسمها زاتو سمح ان شاءالله تكون زي اسمها
عمر.....واسمح من اسمها يا امي
والله يا ولدي دي اول مره انت تتكلم معاي عن بت وكده لو بالجد بتحبها ربنا يكتبها من نصيبك ومسحت علي راسو ومرقت
عمر فضل سرحان وبفكر في اسيل لمن نام
انا بهناك مشيت فطرت وقعدت اتونست مع ناس البيت وبعدين طلعت لي منى فوق اتونست معاها كتير وقعدنا نضخك ونحكي لي بعض وكده بعدين سمعت تلفوني ضرب شلت التلفون كان مؤيد
الووو يا مختفييي
مؤيد....قلبي انزلي لي الجنينه تحت
قلت ليهو لي مالك
مؤيد....دايرك في موضوع يا زق تعالي
قلت ليهو جايه ويت ويت
منى...علي وين
قلت ليها ماشيه لي مؤيد العوير ده وجايه
نزلت ليهو لقيتو قاعد فالجنينه
سلمت عليهو وقعدت
مؤيد....دايرك في موضوع او خدمه
قلت ليها اها يا مصلحنجي
مؤيد...ما داير شي هسا بقيت مصلحنجي
قلت ليهو.. oh sorry just kidding with you😭😭
(اوه اسفه كنت امزح معك فقط)
مؤيد.... I am also kidding you idiot
(وانا ايضا امزح ايتها الغبيه)
قلت ليهو المهم اها وش تبغي؟
مؤيد....بغض النظر عن لهجاتك الكتير د اسيل انا لي فتره كده متواصل مع تالا صحبتك وصراحه انا دايرها
قلت ليهو وتتتتتتتتتتتت؟؟؟؟؟؟؟ مؤيييييييددددد من متين وكيف
طبعا مستغربه تالا مؤيد مع بعض الفكره ابت تدخل راسي
مؤيد....طيب متزكره لمن اديتي مازن رقم عمو خالد وبقا بتواصل معاهو وكده يلا انا برضو شلت الرقم ومرات كتير لمن اتصل بترد علي هي ومن المرات د اتونست معاي وكده وبعدين شلتا رقمها وبقينا متواصلين
استغربت تالا ليه ما ورتني
مؤيد....ولو بتفكري تالا ليه ما جابت ليك سيره انا القلت ليها ما تجيب ليك سيره
قلت ليهو لييي؟؟
مؤيد....خفتك تزعلي مني
قلت ليهو مؤيد rely؟؟
ازعل منك عشان تتكلم مع تالا بالجد زعلت منك كيف تفكر فيني كده بالعكس اذا حصل بينكم اي نصيب حكون اكتر انسانه مبسوطه لانه اغلا اتنين علي قلبي حيبقو سوا
مؤيد.....يا قلبي انتي المهم انا دايراك تفتحي معاها الموضوع وتشوفي لي ردها وكده
قلت ليهو دنننن خلي الموضوع علي اختك وبفيت اكفكف اكمامي
مؤيد....😂😂😂😂هوي يا شبر ونص ما تعملي لي فيها وحدخ من الجاسوسات
قعدت اضحك واتونسنا شويه كده وبعدين مشا
انا بالجد كنت مبسووووووطططططهههه شددددديدددظ مؤيد وتالا الله شي حلو الف بس طبعا لازم اعرف رأي الاخت الانا اصلا مفروسه منها شدددييييد
******************طلعت فوق كملت قارايتي والماده د خلاص تاني بس اراجعها من فوق لي فوق يوم الامتحان لاني نكتها عديييللل
شلت التلفون ضؤبت لي عمر ما رد قلت اكيد لسا ما رجع خليني اشوف تالا
جبت اللابتوب وضربت ليها
تالا.....Hello, I missed you so much
قلت ليها...Oh really?? It is very clear that you missed me(بالجد واضح شديد انك اشتقتي لي)
تالا....وتتتت في شنو في شنو
قلت ليها اسمعي لي ما وريتيني انك بتتكلمي مع مؤيد
تالا...اااا لالا هو طلب مني واي يا اسيل 😭
قلت ليها😂😂😂عويره المهم مؤيد ده انتي عاجباهو وهو دايرك
تالا....موافقه
قلت ليها يا بت اتقلي حبه
تالا...التقله جابت لينا شنو غير البورة
قلت ليها طيب حقول ليهو كده اصلا انتي خفيفه ولفيفه😂😂😂😂😂😂
تالا....اوعك يا بت بهظر اسيل انا بحبو وشخصيتو بتعجبني شديد لكن مؤيد صعب يا اسيل😭😭
قلت ليها كيف صعب؟
تالا....يعني لازم البس طرحه وامشي كويس واتكلم بي صوت واطي وووووو
قلت ليها هو بحبك فطبيعي يغير عليك يا تالا وانتي لو شايفه نفسك ما بتقدري تستحملي الشي د وريهو من هسا
تالا....ما كده انا عارفه انه هو بحبني لكن
قلت ليها اسمعي مؤيد لو بحبك راسو الناشف د انتي بتقدري تلينيهو ليهو ممكن يتخلى عن اي شي عشانك فهمتي ومؤيد انا شفت الحب في عيونو وهو بحكي عنك❤️❤️
تالا.....واااااااااااايييييييييي ماةتقولي كده بخجل
قعدت اضحك قلت ليها خلاص فكري كده واديني رأيك
تالا...طيب يا حب
وقفلت علي كده ضربت لي مؤيد
مؤيد...اها
قلت ليهو قالت بتفكر
مؤيد....ما حسيتي شي من كلامها
قلت ليهو والله شكلها هي زاتها بتحبك كدي بنشوف ان شاءالله خير
مؤيد....الله يفرحك ياخ خلاص يلا يا قلب
قلت ليهو يلا
بس فصلت كده عمر خشا لي في الخط
قلت ليهو وين انتي يا عمر
عمر....والله صحيت هساااا
قلت ليهو كيف يعني ما طلعت؟
عمر....لا والله امي جاتني قبيل وبتكلم معاها قعدت افكر فيك ونمت
قلت ليهو تفكر فيني؟؟
عمر....اي
قلت ليهو ليه فشنو
عمر....اي شي في وقتو حلو
المهم حمشي استحما وكده ياخ مسخن وميتيني طالع
قلت ليها حاضر امشي
وقفلت بقيت سرحانه في كلامو الاخير ده يعني بالجد عمر بفكر فيني زي ما بفكر فيهو وكده فرحت شددديددد بعد كلامو ده
#وقفتنا حقت الدردشه😂❤️
تالا قالت مؤيد صعب لانه بقول ليها البسي طرحه وامشي كويس وسوي وافعلي
طيب سؤال منطقي انتي كبت او كأنثي عندك راجل بحبك وخاتيك في عيونو ودايرك بالحلال وبغير عليك ياخ هو راجل لو ما كان فيهو عرق الغيره ما بكون راجل عارفين ليه؟؟
الراجل الحقيقي ما بحب زول يشوف شعره من راسك
ما بحب زول يشاركو الضحكه حقتك البتضحكيها في مكان عام وهو بمنعك
الراجل الحقيقي اللو زول عاين ليك مزاجو بتعكر
هو كده ما بخنقك بالعكس والله هو كده بحافظ عليك زي الجوهره حقتو الداير يكون بعاين ليهو هو بس ما زول تاني
الغيره سمحه والله لمن تجي من زول بتحبو
ونحن زاتنا البنات بنغير وغيرتنا كعبه ولا شنو
المهم النقطه الدايره اصل ليها انه في بنات او زوجات بيشكو من انه راجلي او حبيبي ما بغير علي عشان كده لمن تلقيهو بغير عليك اعرفي انه د نعمه وافرحي لانه ما حيتخلي عنك❤️
#يتبع
في امان الله
ما تنسو التصويت
الليله دايرا اشكر نهله العسل علي تواصلها الدائم معاي❤️❤️❤️❤️❤️❤️❤️❤️
