[٨/٧ ١٢:٥٦ ص] ...: [٨/١ ١:٢٧ ص] ...: [٧/٢٧ ٩:٥٤ م] ...: *لِحُزني حكايه....YARA YACOUP*
الجزء الثلاثون
وصلنا دبي والحمدلله انه البلد ما غريب علي ولا علي عمر المهم نزلنا في فندق عمر قالي ما ننزل في بيتكم وكده المهم نزلنا في فندق كان حلللللللووووو شددديييييددد واصلا نحن حاجزين سلفا جناح كامل وطبعا فنادق دبي غنيه عن الوصف😔❤️❤️❤️❤️❤️❤️❤️❤️
دخلنا جوه انا كنت تعبااااننهههه شديدددد وعمر قاعد بلف بعد ما خلص لف جا قالي امم ما بطال يعني غرفتي الفي البيت اسمع منو
قلت ليهو والله انت داير ليك كف😂😂😂😂
قعد يضحك ودخل استحما وبعديهو انا دخلت استحميت لبست فستان فوق الركبه بي كتير ومن فوق كت لونو وردي وغسلت شعري وطلعت وانا خجلانه شديد
طوالي مشيت قدام المرايه وقعدت اجفف شعري
وانا مقبله المرايه قلت لب عمر جيب لي المجفف حقي من الشنطه
قبلت اشوفو لقيتو قاعد ما قام
قلت ليهو الله يصبرني عليك وقمت براي جبت وجففت شعري زجيت قعدت جمبو قلت ليهو مخططاتك شنو اها
عمر.........
ضربتو قلت ليهو عممرر
عمر....ياخ اسكتي ما تزعجيني
قلت ليهو ازعجك فشنو؟؟ وانت راقد
عمر....اسيل د اول مره اشوف ملامحك بالقرب د اول مره اعاين ليكي كده ومافي اي هم او قلق في قلبي لانك خلاص بقيتي ملكي ما مصدق انك حتفضلي معاي طوالي
قلت ليهو حبيبي انت وانا كمان مبسوطه ربنا يخليك لي يعمري
عمر....فالحه حبيبتي قومي اطفي النور د وشغلي لينا المكيف وتعالي ننوم عشان بالليل نحوم كتير
قلت ليهو وانت مكسح قوم براك ورفعت رجليني واتغطيت
عمر....خلاص ارح حجر ورقه مقص البخسر بمشي
قلت ليهو ارح ون تو سري وهو الربح
عمر....هيهيهي يلا امشي
قلت ليهو والله يا عمر تعبااااننهه ما بقدر معليش حبي
عمر....يا الله د شنو الحركات د ياخ خليك زوجه صالحه وقام طفا النور وشغل المكيف ورقد
قلت ليهو عمر كان تخلي نور واحد كده ما بقدر انوم انا ياخ
عمر....بالعكس د الجو المهيء للنوم وبعدين بتخافي وانا معاك تعالي قريب
جيت عليهو وبقيت راقده علي يدو وبالجد ما عدت خمسه دقايق نمت طواااااالللللييييييييي ود كانت احلا نومه انومها وانا مطمنه من سته سنه لي ورى الحمدلله علي كل حال❤️❤️
[٨/١ ١٢:٥٩ ص] ...: *زي الساعه سته مسا انا صحيت فجاءه وطبعا الغرفه مضلمه شديد ما معروف الليل من النهار شلت تلفوني لقيت الساعه سته قمت طوالي استحميت ولبست فستان مع الجسم فنايلي كده لونو منقاوي وجكت جينز وسبورت ابيض وطرحه مشكله واتمكيجت بعدين فتحت الانوار كلها وطفيت المكيف وقعدت اصحي في عمر بعد تحنيس قام خمسه دقايق بس استحما ولبس شورت لونو ابيض لحد الركبه وفلنه نفس لون فستاني وطلعنا مشينا مطعم اكلنا وقعدنا نتونس ونتصور وكنت مبسووووووطططططهههه شددددديييييييد واحنا قاعدين في جمبنا عيله والظاهر انهم سودانين من حنه المره يعني ومعاها بنتها كبيره ومعاهم شفع
وكان في بت صغيره بتصرخ شددييييد حتى انها لفتت نظر كل الناس الفي المطعم والمره الكبيره بتقول لي بتها قومي حومي بيها بره والبت بتقول ليها بتسكت يا امي اصبري
عمر طوالي قالي دي مالها ما تقوم بره البت شكلها مسخنه ولا شنو
قلت ليهو شكلها عان ملبساها كم حاجه
انا وعمر حاولنا نتجاهلهم لكن الصوت بتاع بكا البت خلا السيرفيس يجي يتكلم مع امها وكده
وبما انه انا دكتوره ما بقدر اسكت علي شي زي د طوالي قمت ومشيت علي اتجاه المره قلت ليها دقيقه اديني ليها
اول شي زحيت للشافعه الهيد باند الفي راسها وفتحت ليها زراير هدومها كلها وقعدت في الكرسي وبقيت مرقداها علي بطنها وبضرب ليها براحه علي ضهرها خمسه دقايق بالضبط البت نامت وبالجد ماشاءالله عسل شددددييييييييدددد البتتتتتتتتت❤️❤️❤️❤️❤️❤️❤️❤️❤️
امها طوالي وحبوبتها جو قعدو معانا ويسالوني عرستي متين وكده
المره الكبيره قالت لي الصغيروني د راجلك
طبعا عمر زي الصنم مع الناس
انا ضحكت قلت ليها اي والله يا خالتو
قعدت تتونس في النهايه قالت لي مالو راجلك ما بتكلم وانا طبعا الضحك حيشرطني لانه عارفه كويس عمر ما بتكلم مع زول من اول مره كده
قلت ليها بكون خجلان بس عمر مالك
عمر...مالي؟ اقول شنو يعني
المره طوالي قالت لي بري يا بتي راجلك ما بتهضم وقامت
انا ضحكت ضححححككك والله لحدي ما رجعنا البيت انا بضحك في كلامها
[٨/١ ١:٢٧ ص] ...: لمن رجعنا الفندق وانا لسا بتزكر كلام المره وبضحك
عمر....والله يا اسيل ما تبطلي ضحك ما اخليك
قلت ليهو لكن ما قادره انسا شكلها وكلامها😂😂😂😂
عمر....قال ما بتهضم قال علي اساس عي المهضومه
قلت ليهو عمر خلااااص بطنيييي😂😂😂😂😂😂😂😂😂😂😂😂
بعد ما رجعنا وقعدنا نتونس الساعه كانت جات تمنيه كده
شلت تلفوني رسلت للبنات وكده وقعدت اشوف الاستوريات شفت عمر خاتي فيديو لي وانا بسكت في الشافعه ديك وكاتب BEST MOM IN THE WORLD
(افضل ام في العالم)
رديت ليهو قلت ليهو حبيبي المهضوم😂😂😂
فجاءه لقيت البروفايل والحاله اختفو واتخيلو د كله وهو جمبي في السرير
طوالي فكيت التلفون قلت ليهو بلكتني؟؟؟؟
عمر...اييييي وما حفكو تاني
قلت ليهو خلاص ارح نعمل موضوع ياخ انا ما نعسانه
عمر......اي ارحح
قلت ليهو اها
عمر.....نسال بعض اسئله ونشوف الاجوبه كيف
قلت ليهو ارح ابدااا
عمر.....اول ما شفتيني قلتي شنو
قلت ليهو عادي ما شفت فيك شي مميز
عمر....كضابه والله
قلت ليهو والله ما كنت بتستاهل القومه والقعده العاملنها ليك البنات
عمر......د لعبه عفكرا ما اهانه😂😂😂😂😂😂😂
قلت ليهو اها دوري يلا
متين اول مره حسيت نفسك بتحبني؟
عمر........امممم دقيقه هو اصلا
من يوم الكفف انا ختيتك في راسي
قلت ليهو كيف؟😂😂
عمر....يعني حسيت اني داير وحده قويه كده تكون في حياتي
قلت ليهو يا رمههه ووين الحب والاعجاب
عمر.....ديل بجو في النهايه يا قلب
تمينا لعبتنا الضاربه د ونمنا تاني يوم الصباح عمر صحاني وهو لابس
قلت ليهو بسم الله فشنو؟
عمر....قومي يا كسلانه عشان نحوم حبه ونمشي نفطر بره
قلت ليهو طيب قايمه
قمت استحميت واخترت فستان وطقمتو ود كله عمر منتظر لمن حنيت عليهو لبست سرؤع ووقفت اتمكيجت وخلصمشيت قلت ليهو اها كيف
عمر.....خففي لون الروج او امسحيهو اصلا ما محتاجه
قلت ليهو ليه؟؟
عمر....اللون ملفت ياخ وانتي مكتراهو امشي سريع يلا
قلت ليهو افف طيب مشيت مسحتو كلو وختيت قلوص ورجعت قلت ليهو اها؟
عمر.....مرتي يااخخخ ارح جيبي يدك
مرقنا اول شي قعدنا في الكافي حق الفندق عشان عمر لو ما شرب قهوه الصباح بصدع
قعد شرب قهوه وبعدين قمنا طلعنا حمنا كتير بالعربيه ومشينا قعدنا نتونس جمب البحر ونتذكر اي موقف حصل معانا
في النهايه عمر قالي لسا ما جعتي؟
قلت ليهو جعت اي ارح بعد ده
عمر.....الليله سايقك مطعم اوففففف بس ان شاءالله نلقا مكان لانه نحن ما حاجزين امبارح بي سبب لعبتك نسيتيني
قلت ليهو انت لو داير تتزكر بتتزكرو اسكت
مشينا لقينا تربيزتين الفاضين الحمدلله طوالي قعدنا وطلبنا وبقينا نتونس وناكل ونتصور وانا ارسل للبنات
قلت ليهو عمر كانو طرحتي خربت
قالي اي لي حمامات(عزاكم الله) امشي صلحيها وارح عشان عندي اصحابي نمشي ليهم
قلت ليهو طيب مشيت صلحتها وجيت طوالي مرقنا ودخلو بدالنا ناس كانو تلاته بنات اتلاقينا معاهم في الباب وعشان المكان زحمه وكده اظن عمر خبط وحده فيهم وهم التلاته ظاهر سودانيات
وعمر طوالي قبل قاليها معليش لكن هي تلفونها مع الضربه وقع منها
البت رفعت راسها وقالت ليهو انت اعمي يعني انتبه وانت ماشي والله ما ناقصني الا عاهات الصباح د
انا اتخلعت من طريقه كلامها الما محترمه
عمر طوالي قاليها يا بتنا قلت ليك معليش
هنا انا طوالي قلت ليهو بتقول لبها معليش ليه اصلا هي ما بتستاهل الاعتذار د للناس العندها زوق وبتعرف تتعامل وبعدين اعتقد المكان زحمه يعني هو ما قاصد ضربك
قالت لي ليه اعمى؟؟
قلت ليهو هو الحمدلله ما اعمي لكن انتي مالك ما شفتي الشارع ولا عفوا كنتي مركزه مع تلفونك
عمر قالي اسيل خلاص
قلت ليهو عمر انت اعتذرت ليها ما في داعي تطول لسانها وانا هسا حسمع كلام زوجي وحسكت ما عشان ما قادره ارد عليك بي نفس اسلوبك لا والله بس احتراما ليهو
ومسكت عمر من يدو وطلعنا
[٨/٧ ١:٠٤ ص] ...: لمن طلعنا هو المطهم فيهو قعده في الجنينه كده حلوه شديد
وانا اصلا بي النسبه لي اني زوله ما بحب الكلام الكتير والمشاكل لمن اشاكل زول بتضايق بس حرفيا مافي زول برضا لي شخص بحبو وده الحصل
عمر....تعالي نقعد هنا نطلب عصير بس ونمرق
قلت ليهو ما نفسي يا عمر
عمر....ما تبيخي الطلعه اصلا انا ما كنت حرد ليها
قلت ليهو لي ما ترد ليها هي لو لسانها طويل د ما ذنبك طيب
عمر....خلاص طيب بس اقعدي
قعدت وطلب اتنين ليمون بالنعناع
واحنا قاعدين وانا ساااكتتتهه فجاءه عمر قعد يضحك بي صوت عالي
انا عاينت لقيتو بضحك قعدت اضحك معاهو
قلت ليهو بتضحك ليه؟؟؟
عمر.....لانك شكاله ياخ
قلت ليهو اسكت مني بي سببك
عمر....لو ما شاكلتي عشاني تشاكلي عشان منو يا قلب
قلت ليهو انا زاتي ما عارفه يا بيبي
عمر....بيبي د شنو كمان
قلت ليهو اخت قلب
قعد يضحك😂😂😂😂😂😂😂😂😂😂
لمن جابو لينا الليمون شربنا ونسينا الموضوع عادي وقمنا طالعين لمن وصلنا العربيه سمعت صوت من ورانا بقول لو سمحتي
اتلفت لقيتها البت القبيل وقفت عشان قلت لو جايه تتكلم لسا
جات وقفت جمبي وقالت لي اسمعي انا ما بعرفكم لكن والله بس حاصله لي ظروف خلتني اتعامل كده او ارد كده لكن معليش ياخ وان شاءالله ما اكون ضايقتكم
قلت ليهو اممممم بس الزول لمن يحصل ليهو ظروف ما بفش غلو في غيرو
ضحكت قالت لي انا اسفه ياخ ومعليش وعليك الله استسمحي لي زوجك
قلت ليها ولا يهمك ومعليش كمان علي الرد بس طبعا كان لازم😂😂😂
قعدت تضحك قالت لي طبعا😂😂😂
سلمت علي ومشت وانا ركبت
عمر....مالها تاني
حكيت ليهو
قالي كففففوووو مرتي القويه كفككك
قعدت اضحك قلت ليهو اها علي وين؟؟
عمر....لي اصحابي اتنين بي نسوانهم ما تخافي نتسلا شوبه كده
قلت ليهو اي ارح طيب
#يتبع
في امان الله
مل تنسو التصويت
#كسره
عارفه نفسي شحتفتكم لكن انا في العيد ما قدرت اكتب شي وعندي حصص رياضيات وكلام كده كتير والله سامحوني❤❤❤❤
