الجزء الثالث والثلاثون....
الليله كان الجمعه كالعاده صحيت بدري مشيت استحميت ولبست بنطلون اسود جينز وبلوفر ابيض وطلعت علي الغرفه بتاعت المعدات الرياضيه عملت شويه تمارين ما عارفه النشاط د جاني كيف
وانا طالعه من الغرفه لقيت عمر نازل من السلم كالعاده بتساوب وطوالي متجه نحو المطبخ
انا قعدت في الكنه قدام التلفزيون
عمر....هوي يا بت
طبعا عمر د كلامو ما بحسسني اني مرتو نهائي ولا اتلفت ليهو
عمر....يا مزه انتي يا مرتي يا زوجتي
قلت ليهو خلاص صرعتني مالك فشنو؟
عمر...الطقه الطقه
قلت ليهو عمر اول شي انت ما استحميت وما اتسوكت تاني شي نحن الليله عازمين اصحابك غدا انا ما بطبخ هسا وبعدين معليش اتصرف
عمر....يحليلي امبارح لفيت تلاته مولات عشان اجيب ليك فستان الاستقبال النفسك فيهو هسا عشان بس قلت جعان تعملي لي كده؟
انا طوالي فكيت الريموت ونطيت من فوق الكنبه قلت ليهو عمر احلف احلف قول هسا قول والله جبتو
عمر...والله قاعد فوق في الدولاب
قلت ليهو واي حبيبي انت زيك منو تعال خش جو الحضن د تعال
عمر...😂😂😂😂😂حضني قالي يعني حتعملي لي فطور
قلت ليهو سندوتشات؟
عمر.....موافق موافق
قلت ليهو اتفقنااا امشي استحما والبس جلابيتك كويتها ليك وتعال
عمر....طيب حبي
جهزت السندوتشات وانا بفكر الفستان حيطلع كيف علي
لمن جا نازل قلت ليهو هاك يا حلو اكل انا ماشيه اشوف الفستان واجي
اديتو السندوتشات طلعت فتشت الدولاب ماف اي فستان قعدت انادي عليهو ما برد عرفت هنا اني ركبت السمبك وغشوني للاسف
نزلت تحت لقيتو مدور عربيتو ومشا زعلت من جوه قلبي والله لاني كنت متحمسه
اتصلت لي جوان قلت ليها انتي عارفه عندنا الليله عزومه تعالي ياخ عشان تساعديني
جوان....والله عارفه لكن هسا ياداب وائل طلع الصلاه
قلت ليها طيب ارح منتظراك
خمسه دقايق كده جوان جاتني جهزت القهوه وقعدنا نشرب ونتونس
قلت ليها اها كيف وضعك انتي ووائل؟؟
جوان....الحمدلله كويسين شديد اتغير ٣٦٠ درجه
قلت ليها الحمدلله يا زوله بس انتي ما تتهوري لينا دايما كده
جوان....😂😂😂😂😂اسكتي
قلت ليها هو صحي غير ندى وقصي تاني منو الحيجي انا ما بعرفهم زاتو الناس ديل
جوان....في صاحبهم اسمو احمد ومرتو لينا كريهين كده
قعدت اضحك قلت ليها انتي منو الما كريه في نظرك😂😂😂😂😂😂
جوان....ياخ دقي لي راجلك د اتاخرو عشان يجيبو الحاجات
قلت ليها ما بدق ليهو خليهو
جوان....مالكم ؟
حكيت ليها اتوقعتها تتغاظ زي جوان د بتضحك لمن دمعت قالت لي والله انتي مسكينه ياخ
قلت ليها الموضوع ما بضحك😂😂😂😂
في نفس اللحظه الباب فتح جو داخلين وائل وعمر
وبضحكو وعمر ولا كانو عامل شي
وشايلين اكياس كتيره شديد
عمر.....السلام عليكم شايفكم قاعدين قومو قومو دايرين اكل زابط عليكم الله
قلت ليهو ما بخصك انت بعد ما نكمل ونستنا بنقوم
عمر....😂😂😂😂😂😂طبعا يا وائل الليله في زوله كده غشيتها ليك غشه احييي بس
وائل قعد يضحك😂😂😂😂
قلت ليهو ههههه ظريف لكن ارح يا جوان خلينا نبدا
بدينا وكنا عاملين كبسه ودجاج مشوي وساطات ومقبلات وكم نوع عصير كده وحلا 😉❤❤❤❤❤
اثناء ما نحن شغالين وانا لمن اكون شغاله في المطبخ بكون متنشنه شديد وتركيزي كله في الاكل وكده
جوان...عايني راجلك د بنادي ما سامعه صوتو
قلت ليها خليهو هسا بكون داير قهوه او مويه او شي
جوان....هبله انتي امشي شوفي مالو
قلت ليها اف منك ياه
مشيت لقيتو قاعد بعاين في اللابتوب وبقول اسيللل بي صوت عالي
قلت ليهو عمر انت اهبل ما شايفني
عمر....ااا جيتي تعالي داير اوربك شي
قلت ليهو ياخ ما عندي ليك زمن انا
عمر....اسيل انا بتكلم معاك جد تعالي
جيت جمبو مسك لي يديني لي ورى قالي مالك
قلت ليهو مالي؟؟ وفك يدي بتوجعني.
عمر جاب كيس من وراهو كده وقالي قومي جربيهو يلا
قلت ليهو زح مني ما دايرا اجرب شي زح
عمر....اسيل انتي هبله انا جايبو والله بس داسيهو عشان اعمل فيك حركه وبعدين من متين انا بكذب ؟؟
قلت ليهو طيب لكن هو مرق من نفسي
وقمت طوالي
لكن وين عمر لايوووققق مشا قفل الباب
قلت ليهو عمر جوان شغاله تحت براها
عمر...لو ما جربتيهو ما حتمرقي
قلت ليهو اف منك ياخ
عمر...اتأفأفي ساي ما حنك برضو حتجربيهو يا اسيل
عاينت ليهو وما رديت ومشيت جربت الفستان واتبسم ساي وطلعت كان حلو شددددييييد فيني زي ما انا دايرا😢😢😢😢💓💓💓💓💓
قلت ليهو اها
عمر....يا الله ياخخخخ د شنو د ماشاءالله حلو شديد والله تعالي سريع خشي الحضن د😂😂😂😂😂طبعا بحاكي فيني
قلت ليهو بالرغم من اني لسا زعلانه لكن ما بحرجك
جيت حضنتو
عمر....انتي يا هبله في زول بزعل من نفسو
قلت ليهو دايرا تبدا مش اختاني😂😂😂
عمر...بحبك بحبك
قلت ليهو انا زاتي بحبك يلا ماشيه اساعد البت
غيىت الفستان ونازله في السم بغني بعاملني بطيبه واحساس
جوان د فكت ضحكه لمن انا اتخلعت
قالت لي د شنو د
قلت ليها مالك؟؟
جوان.....والله بركاتك يا شيخ عمر😂😂😂
قلت ليها اسكتي وشوفي شغلك يلا يا بت
بعد ما اشتغلنا وخلاص بالجد انا ضهري لمن ما قادره اقيف عليهو واصلا من زمان ضهري كعب
وجوان د يحليها ياخ ما خلتني لحدي ما رصينا الصفره زاتو
حتى مشت تلبس هي ووائل وكده
انا طلعت فوق وقعدت في الكنبه وبقيت ماسكه راسي بس دايرا اخد نفس واقوم استحمى واصحي عمر يجهز
عمر فجاءه صحا
قالي مالك؟؟
قلت ليهو مالي؟؟
عمر...ماسكه راسك مالك تعبتي ولا شنو؟
قلت ليهو لا بس مصدعه داخله استحما قوم انت اجهز
ودخلت استحميت ولبست الفستان القبيل جابو عمر
الفستان كانت قماشتو شيفون هو نوع الضيق للخصر وبعدين واسع والاكمام واسعه والارضيه بيضا وفيهو فراشان بالنود ولبست هيلز نفس لون الفراشات ومكياج كلو الون نود كده وحجاب ابيض
عمر طلع لبس بنطلون وتشيرت عادي
عمر...صليتي العصر انتي؟؟
قلت ليهو لا
عمر بي حميره كده حالتي النايم راجيك تصحيني ارح نصلي جماعه
صلينا ونزلنا لقينا جوان ووائل جو وناس ندى وقصي خمسه دقايق وصلو انتظرنا حبه كده لمن لينا واحمد وصلو
طوالي قعدنا في الصفره اي زول كان بعلق في الاكل وفي الترتيب وكده
بعد ما خلصنا خلاص طلعنا الجنينه البيت بيتي وبيت جوان وجبنا عصير وكده وقعدنا نتونس وكل وحده قاعده جنب راجلها عادي
انا قلت بي صوت واطي لي عمر صحبك احمد ومرتو متوحدين ولا شنو؟
عمر...اسكتي حتفضحينا😂😂
جوان....اسيل قومي صوريني
وائل....جوان الصور د ما كفاك منها يا بتي
جوان...😂😂😂😂حرام عليك حلفتك تقوم تتصور معاي
قعدت تجرجر فيهو لمن قام
قعدت اصور فيهم وطبعا جوان ما بتزهج نهائي صورتها براها بعدين قعدنا
احمد...يعني يا وائل د مرتك جوان اول مره نشوفها
وائل بي ضحكه كده اي د بتي
كلنا ضحكنا عادي
احمد....ود اسيل مرت عمر صح
عمر...امم صح
انا قلت فقلبي مالو بتعرف علينا المتخلف د
المهم قامو مشو ونحن رجعنا البيت
استحميت ورقدت في السرير اخير شلت تلفوني لقيت نفسي في قروب وفيهو عمر وجوان ووائل باقي الارقام غريبه
قلت لي عمر د شنو د؟
عمر...شكلهم ديل عملو قىوب غايتو جني وجن العولاق د
قعدت اضحك😂😂😂😂
انا دخلت لقيتهم بسلمو علي بعض وكده قلت ليهم هاي وكلهم قعدو يسلمو وكده فجاءه في رقم في الخاص قالي السلام عليكم
وطبعا عمر جمبي
وانا وعمر كنا بنتونس وبنعلق علي رسايلهم فجاؤه صنيت انا قلت ليهو وعليكم السلام منو؟
قالي احمد انا قمت ما رديت
فجاءه قااي بتسفهيني مالك؟ ردي
قلت د مريض ولا شنو وانا لمن اتوتر بظهر علي التوتر طوالي عشان كده ختيت التلفون وقلت ليهو نعست انا دايرا انوم فعلا نمنا علي كده
تاني يوم عمر صحا مشا الشغل وانا طلعت لي جوان حكيت ليها قلت ليها زاتو ما دايرا افتح الواتس من امس
جوان....لي انتي هبله؟
قلت ليها ما عارفه عمر انتي وكمان صحبو د حيتصدم فيهو
جوان...جيبي التلفون كدي
فتحت النت لقت رسايل كتير نزلت من رقم احمد منها الفستان كان فيك حلو ماشاءالله
انتي ما حابه تتكلمي ولا شنو
ما تفهميني غلط بس ممكن نبقا اصحاب لاني فعلا محتاج صاحبه
انا وجوان بقينا نعاين لي بعض بي صدمه كده
************************************
لمن عمر رجع من الشغل قالي حنتغدا بره الليله مع ناس وائل وجوان بس البسي وكان مزاجو رايق ومبسوط شديد
قلت ليهو طيب مع انه ما كان نفسي لكن عشان ما يحس بي شي
لبسنا ومرقنا بي عربيه عمر كلنا
مشينا المطعم اكلنا وشربنا عصيىنا وجينا مارقين
عمر....اسيل تعالي نتصور داير ارسل لي دنيا
قلت ليهو طيب ارح
عمر....تلفوني قاطع شحن وين تلفونك اديتو التلفون
ومسكو وقعدنا نتصور
واثناء ما بنتصور في رساله جات من رقم ما مسيف هو ما اشتغل بالموضوت لانه عمر اساسا مديني خصوصيه وكده
تاني الرسايل بدت تتكرر شكلو هو قرا شي من الاشعارات وانا هبطت والله جسمي برد شديدد وحسيت راسي لافي خلاص
قلت ليهو عمر جيب التلفون خلاص
عمر...دقيقه كدي د شنو وفتح الرسايل وقعد يقرا
هنا جوان ووائل جو قريبين مننا وجوان فهمت انه عمر فتح المسجات وانا اتفاجاءت بالقذر الاسمو احمد د كاتب لي انا بحبك وانتي عاجباني وما بهمني لو انتي مرت صحبي او لا
عمر مسح وشو بي يدو وقالي د شنو؟
مسكت يدو قلت ليهو عمر كنت ححكي ليك الليله والله
عمر فجاءه ضرب التلفون في الارض والله التلفون د بقا زي حبات الرز
وائل....د شنو د بحلو المشاكل كده
عمر...وائل ما تمسكني وينو هو انا هسا دايرو يا وائل ولو ما شفتو هسا ما حيحصل خير
قلت ليهو عمر لا عليك الله انا عشان السبب د ما دايرا احكي ليك كنت
عمر عاين لي بي استهتار كده قالي لي انتي اصلا حكيتي لي؟؟ ما زي كل مره عندك عذر!!
وبعدين انتي ما تدخلي نهائي لانه العملتيهو كوم براهو
وائل....عملت شنو؟؟؟ لمن تشوف راجلها بالعصبيه د والتهور د دايراها كيف تجي تحكي ليك اكيد حتخاف علي نفسها منك
عمر....مشا ركب عربيتو واتحرك انا قلت لو لقا احمد حيقتلو حيتقلو ماف مفر
نحن ركبنا في عربيه وائل وبقينا وراهو وكمان وائل دقا لي اتنين من اصحابو وحكا ليهم
عمر وصل جمب بيت كده ونزل بقا بدق الجرس بي طريقه مزعجه
وانا خفت انه لو الولد حصل ليهو شي من تحت ضرب عمر
وزعلانه انه د كله بي سببي انا
احمد فتح الباب وما يشوف الا عمر بجر فيهو بره ووقعو علي الارض والله نزل فيهو ضرب انا لمن بقيت بصرخ حتى انه يد عمر زاتها اضربت
عمر....مرتي عجبتك يا باطل انت هسا صاحب انا دخلتك بيتي تجي تعاين لي مرتي تف عليك وعلي رجولتك يا وسخ يا قذر
وائل بقا ماسك عمر واصلا احمد د منتهي عديل في الارض
بعد جرجره وائل ركب عمر العربيه ومشينا البيت
قلت لي جوان انا ما راجعه البيت يا جوان
عمر سمعني اتلفت علي
قالي عشان كذبك صح خايفه من اني اواجهك بي غلطك
وائل....عمر خلاص امشي استحما وريح راسك د لانك هسا ما واعي وحاول روق اسبل خليها شويه مع جوان
انا رجعت مع جوان ووائل دخل مع عمر
انا كمان بعد الكلام القالو لي د قعدت ابكي شديييييد لانه بالجد انا ذنبي شنو صح كان مفروض اوريهو طوالي لكن الخوف مرات بحكم الزول خصوصا لو راجلي بي الجنون والعصبيه د
لمن الدنيا ليلت عديل قلت لي جوان انا خلاص حمشي
جوان....متاكده؟؟
قلت ليها ايوا
طلعت مشيت البيت طوالي فتحت نور الغرفه كان نايم هو قلت الحمدلله دخلت استحميت وغيرت هدومي
ووقفت في التسريحه سمعت صوت عمر بقول اخخخخ
اتلفت لقيتو بعاين لي يدو شكلو ضربها وهو نايم وبتنزف
يعني لا اراديا جبت علبه الاسعافات وجيت مسكت يدو
جرا مني يدو قالي زحي مني
قلت ليهو عمر اسمعني
عمر....ما دايرا اسمع شي
وقام من السرير انا ما عارفه هنا انفعلت شديد
قلت ليهو ما داير تسمع لي وريني انا غلطي كان شنو؟؟
اني ما وريتك اول ما رسل لي؟؟
عمر انت بتشوف نفسك وانت معصب بتتعامل كيف؟؟
كيف دايرني اوريك بدون ما اخاف؟
عمر انت مفروض تقيف جمبي ما تخليني اخاف منك!!!!
انت عارف انك مصدر الامان الوحيد في حياتي بعد ما ابوي الله يرحمه اتوفي؟
داير تخليني اخاف منك وابعد منك بي تصرفاتك د
عمر....وانتي اول ما رسل ليك رسايلو القذره لي ما وريتيني؟
قلت ليهو عمر انت عارفني في مواضيع زي د بفكر كم مره قبل ما اوريك لاني بخاف علي نفسي منك لمن تكون معصب
انا كنت بتكلم بي صوت عالي وببكي لانه بالجد الكلام د كان لازم يطلع ليهو
طوالي هو جا قرب مني وحضني قالي خلاص طيب ما تبكي؟
انا الغلطان ما انتي بس ما تبكي خلاص
قلت ليهو انت ما غلطان
عمر....طيب خلاص يلا ما تبكي
قلت ليهو طيب انت هسا زعلان؟
عمر....لالا ما زعلان يا عمري انتي تعالي لفي لي يدي
طبعا بلف في يدو بي باقي دوعي
عمر...خلاص قلنا
قلت ليهو اسكت د باقي الدموع بتمرق براها
عمر...😂😂😂😂😂😂😂بحبك
قلت ليهو انا زاتي بحبك😂😂😂😂😂😂
عمر خشا يستحما وانا ختيت صورتنا ستوري وكتبت
*بالرغم من كل شيء ستبقي مصدر الامان لقلبي*
#يتبع
في امان الله
ما تنسو التصويت
