الجزء الرابع.....
اليوم التاني صحيت متحمممسههه انه خلاص بكره ابوي حيكون معاي وكده والخوف كله راح الحمدلله
صحيت تالا ونزلنا تحت فطرنا وكده اتونسنا مع ام تالا حبه وطلعنا تاني....
تالا....اسيل الليله الرحله حتمشي؟؟
قلت ليها اي شايفاهم فايرين في القروب بجهزو وكده ما عارفه حمشي ولا لا؟؟
تالا...اجججييي ما تمشي كيف يعني والله تمشي غصبا عنك قومي يا بت
قلت ليها ما لكن ابوي جاي بكره وكنت دايرا امشي ارتب البيت وكده عشان طيارتو بكره تمنيه صباحا بتصل المطار....
تالا....اي اوكي اوليفيا بتسوي فشنو خليها تجي تنضف ونحن نمشي ونرجع
قلت ليها اوليفيا بيتها في منطقه بعيده لو جات لازم تبيت
تالا....اي بمشي انا ببيت معاك الليله في بيتكم وهي معانا
قلت ليها حييييي منك طيب ويت ادق لي اوليفيا اوريها
شلت تلفوني ضربت ليها وفهمتها اي شي وقفلت
طبعا الرحله من ١٢ الظهر لحدي ٨مساء
ماشين البحر عشان عاملين حفله وحيشو لحمه ودجاج وقعده وكده
الساعه لمن جات حداشر انا وتالا قمنا لبسنا وجهزنا واتحركنا علي المدرسه
لقينا الباصات واقفه وكده
فعلا ركبنا واتحركنا وطبعا لحدي ما نصل البحر دايرين تلاته ساعات ملل عجيب كان
نادينا البنات وعملنا قعده كده وقعدنا نتونس ونتناقش في حاجات لمن الزمن جرررا ووصلنا البحر
نزلنا من الباص وبدينا نفرش الحاجات وقسمونا قروبات ناس تجهز الاكل وناس تجهز القعده وناس بعدين تلم الاكل وتجهز اللسناكات وكده المهم انا وتالا كنا من الناس اليجهزو القعده فعلا جهزنا القعده وقعدنا ما خلينا لعبه ولا شي ما لعبناها وبالجد في ناس معانا انا اول مره اعرفهم ظريفين او كده اها بعد ما خلصنا بقينا قاعدين انا وتالا برانا
جاتنا بت سلمت علينا وقعدت معانا...
تالا....انتي ما معانا مش لاني اول مره اشوفك
البت....لالا ما معاكم جيت مع اختي بس
قلت ليها كأنك سودانيه
ضحكت قالت لي سودانيه انا اي اسمي شمس
قلت ليها يا هلااا انا اسيل ودي تالا
البت طبعا ظررريييففففهههه وقعدت تحكي لينا وكده
قلت ليها ما حصل مشيتي السودان ولا ما عندك اهل هناك؟؟
شمس....مشيت زمان وتاني ما مشيت
وعندي خالي هناك والله اتوفي اول امبارح وهسا دايرين نجيب اولادو هنا
تالا...واي الله يرحمو ياخ كان عيان ولا شنو
شمس... والله كانت حاصله معاهو مشاكل في الشغل اتخيلو هو ماسك الشركه للراجل ليهو اظن عشره سنه والراجل مغترب هنا في امريكا
قلت ليها اها؟؟؟
شمس....يا زوله قبل فتره كده الراجل بتاع الشركه قاليهو خلاص داير يمسكها لي اخوي وخالي يقعد ساي
قلت ليها اجييييي كيف يعني غايتو الحمدلله بس
تالا...اصلا يختي يعني ما حيفضل خالك علي اخوهو.
قلت ليها لا طبعا لكن عايني خالها ماسك ليهو الشركه من متين يا تالا؟!!!!
شمس....غايتو الحمدلله بس
قلت ليها واها ده دخلو شنو بي سبب موتو
شمس...والله يا جماعه ابوي قال يمكن الراجل بتاع الشركه د رسل زول يقتلو لانه خالي كان بهددو يفشي ليهو اسرار الشغل وكده
قلت ليها اجججييي لالا يا جماعه مستحيل
تالا....انتو لقيتوهو مطعون ولا شنو
شمس....لالا لكن لمن شرحوهو قالو زول خانقو لمن مات
قلت ليها لا الله الا الله معقوله لكن يا جماعه الناس وصلت للمرحله د؟؟
شمس....واكعب والله يا اسيل بس ربنا يصبر اولادو
تالا....ان شاءالله عندو ولد كبير يقدر يشيل مسؤوليه اخوانو
شمس...اي عندو عمر ولدو كبير وعندو بتين صغار وجن وهديل
قلت ليها ياخ ربنا يصبرهم موت ابوهم حيكون كسر ضهرهم
شمس....اي والله خصوصا عمر حالف انه ما يخلي حق ابوهو
اتونسنا كتتتتتيييررر مع بعض والبت عسل عسل بس وحبتنا ونحن زاتنا حبيناها بعد داك ركبنا الباصات واتحركا لحدي ما وصلنا الساعه عشره كانت جات
دخلنا البيت لقينا اوليفيا قاعدده ونضفت البيت وخلتو رهيب شديد
اوليفيا...اسيل نومي سريع عشان بكره تجيبي السيد ايهاب الصباح بدري
قلت ليها كويس يا اوليفيا😂😂😂
طلعنا الغرفه وجهزنا نومتنا قلت لي تالا اضرب لي ابوي هسا ولا بكون نايم
تالا...بري جربي كدي
شلت التلفون اتصلت اول مره ما رد تاني مره رد قلت ليهو اها بكره منتظراك ان شاءالله
قعد يضحك قالي اي اصحي بدري بس😂😂
قلت ليهو متخاف هسا بمشي اصبها في المطار
ضحك وقالي يلا نومي خلاص
قفلت منو ورقدت نمت طوالي
صحيت الصباح الساعه خمسه صباحا صليت الفجر ونزلت تحت لقيت اوليفيا قاعده تجهز في الفطور عشان ابوي حيجي يفطر معانا وكده سلمت عليها وصبحت عليها وكده
لمن الساعه جات خمسه ونص قمت صحيت تالا دخلت استحمت وجات تحت
قلت ليها ارح عشان نمشي بعد ده
اوليفيا...لالا خلوها تجي سته ونص وامرقو اصبرو
قلت ليها اصبري بسأل ابوي هسا جيبي التلفون ده من جمبك يا تالا
ادتني التلفون شلتو واتصلت ليهو رقمو كان مغلق
قلت خلاص معناها في الطيارا نقوم نجهز نحن
قمنا جهزنا واتحركنا علي المطار وطول الطريق بتصل لي ابوي تلفونو كان مغلق!!!!!!
بديت اتوتر واخاف وتالا تقول لي يا بت عشان في الطيارا بس ما اكتر
تقريبا انتظرنا ساعه ونص كده بعدين
المطار اعلن عن وصول الطياره القادمه من السودان بسلامه
انا هنا ممكن اكون ارتحت شويه لكن انتظرت نص ساعه اييي زول خلاص طلع لكن ابوي لا وينو طيب بحاول اتصل علي الرقم مغلق
انا هنا ممكن تقولو دخلت في حاله خوف لا يعلم بها الا الله
مشيت جوا عشان اسأل منو سألت الراجل
قالي اصبري اشوف ليك اسمو قعد يفتش
قالي فعلا هو امبارح حجز لكن ما جا من السودان
قلت ليهو كيف يعني ما جا وخلاص بديت ابكي واكورك زي المجنونه والناس تعاين لي
تالا...ما تكوركي خلينا نرجع ونضرب لي اي زول في السودان د
قلت ليها اي زول منو يعني انا ما عندي رقم يا تالا؟
ابوي وينو كيف ما جا انا امبارح اتكلمت معاهو قالي انتظريني بكره
تالا....طيب شفتي هو قاليك انتظريهو يمكن الطيارا فاتتو
قلت ليها وتلفونو تالا ما تحاولي تطمنيني ابوي اكيد حصل ليهو شي اكيد
بعد تلتله وكواريك ركبنا العربيه ورجعنا وانا في الطريق بس ببكي وبفكر وبحاول اتصل علي رقمو
وصلنا البيت
تالا...خشي بيتنا انا حنادي اوليفيا ابوي عندو رقم عمك ده
خشيت بيت ناس تالا مشيت لي عمو خالد الكان لون وشو اصلا مخطوف قلت ليهو عمو ابوي ما رجع انا ما عارفاهو وين انا ما عندي زول هنا طيب ممكن توصلني السودان وترجع؟؟
خالتو ناهد دي كانت بتبكي وماسكاني
انا استغربت هي لي بتبكي قلت ليها بتبكي لي انتي يا خالتو مالك؟؟
فجاءه تلفوني اتصل وكان رقم من السودان بي لهفه رديت ليهو
.....الو
قلت ليهو اي منو
......عمك حسين
قلت ليهو بي لهفه عمو عاين ابوي جمبك اديني ليهو دقيقه بس عشلن تلفونو مغلق
.......اسيل يا بتي ابوك اداك عمرو
قلت ليهو كيف ده شنو البتقول فيهو عاين يا عمو ياخ انا ما بحب الهظار اديني ليهو هسا قلت ليك
......يا بتي اهدي ده قدر الله ما تقولي كده
انا هنا فكيت التلفون وبقيت ببكي وبعدين فجاءه بضحك وبقول لالا هو بكذب علي
ابوي لمن يقول شي ما بكذب هو قالي جاي واكيد هو جاي
خالتو ناهد بقت ماسكاني وبتقول لي يا بتي ما تعملي كده نحن زي اهلك ومعاك
قمت سريع ومشيت لي تالا الكانت واقفه وبتبكي قلت ليها تالا اتخيلي قالي ابوك مات!!!
تالا انتي شفتي ابوي قبل كده هو كان بحبني شديد صح مستحيل يمشي ويخليني لا ابوي كان بقول لي حتفضلي معاي طوالي
تالا دي كانت بتبكي بي صوت عاليييييي وما قادره هي زاتها تهديني
فجاءه عاينت لي اوليفيا لقيتها بتبكي
قلت ليها اوليفيا ما تبكي انا حمشي السودان واجيبو ما مات هو ابوي ما بخلينا ما تبكي
لكن ماف زول كان برد علي كلهم كانو بعاينو لي بس
قلت ليهم لي انتو ما بتردو علي انا بقول ليكم الحقيقه ابوي ما مات لا ما مات وفجاءه وقعت في الارض
وتاني ما حسيت بي نفسي الا وانا في السرير وخالتو ناهد وتالا واوليفيا معاي في الغرفه
فتحت عيوني وقلت لي تالا اها ابوي ما فتح تلفونو
جاني عمو خالد قعد جمبي وقالي اسيل يا بتي الموت حق ابوك مات انتي قويه ولازم تتقبلي الشي ده
ممكن تقولو انا هنا خلاص صدقت او وعيت لي انو خلاص تاني ما حشوف ابوي
بقيت ببكي وبكورك وبقول عشان كده خلاني اوقع علي الاوراق دي عشان كده
طيب كنت توريني يا بابا كنت تقول لي يا بتي دي اخر مره نتلاقه كان نفسي احضنك تاني يا بابا كان نفسي اسمع صوتك تاني
وقبلت على عمو خالد وقلت ليهو طيب ما ممكن اتكلم معاهو ولا مره وحده بس دايرا اقول ليهو اني كنت بحبو اكتر شي في الدنيا بس دايرا اقول ليهو اني مشتاقه ليهو
عمو خالد مسكني وبقا حاضني وببكي وانا ببكي
*والله القال انه ضهر الانسان ما بنكسر الا بي موت ابوهو ما كذب*
بعد مسافه وتعب رقدت نمت ونوم كان متقطع كل شويه اقوم وابكي وكده وارقد تاني
عمو خالد نادا تالا وخالتو ناهد واوليفيا بره
قاليهم طبعا يا جماعه ايهاب ده لقوهو مطعون ١٣ طعنه في بيتو وقالو القاتل محترف شديد لانو مافي ولا دليلل
انا اصلا نومي ما كان تقيل فلمن سمعت الكلام طلعت بره قلت ليهو عمو بابا منو الطعنو لي يطعنو قدر ده سوا ليهم شنو هو يا عمو ابوي كان كعب؟؟
خالتو ناهد....لا يا بتي ابوك كان راجل قدر نفسو ما تقولي كده
********************************
الاسبوع اتحول من فرحتي بي جيه ابوي لي اسوء ايام حياتي لفقدان ابوي
في الاسبوع ده كنت بفكر منو الطعن ابوي وليه طعنو ابوي ما كعب ولا بتاع مشاكل وقصص زي د
السؤال د دائما كان في راسي انه منو قاتل ابوي
****************************
طبعا اوليفيا ودعتني ومشت
عمو خالد اديتو مفاتيح اي حاجه لانو خلاص انا ما عندي غيرو بعد كده
خالتو ناهد وتالا كانو جمبي طول الوقت
انا ممكن اكون خشيت في حاله اكتئاب وفقدت الامل في اي شي في الحياه لكن كان في سبب واحد معلقني بالحياة
دايرا اعرف قاتل ابوي؟؟
دايرا اعرف الزول الحرمني من اغلى شي في حياتي
الزول الطعن ابوي ١٣ طعنه بدون ما يكون في قلبه ذره من الرحمه ده منو يا ربي
السؤال ده ما كان بفارق بالي
*************""*****************
في يوم جمعه والناس قاعده تحت نزلت وسلمت عليهم وقعدت
قلت ليهم عمو خالد بالجد اثبت انه ابوي الله يرحمو عرف يصاحب صنتني وقعدتني في بيتك وما قصرت
خالتو ناهد كنتي امي وحتفضلي اميي
تالاطبعا انتي اكتر من اختي
لكن انا يا جماعه لو فضلت هنا صدقوني يا اما حموت يا اما حقتل نفسي اي ما تستغربو ابوي كان النفس البتنفسو
انا لازم اعرف قاتل ابوي منو لازم
عشان كده بكره باذن الله انا حنزل السودان
طبعا عمو خالد انت معاك اي ورق واي شي وانت هسا المسؤول عن اي شغل بخص ابوي
عمو خالد....ما تخافي يا بتي علي الشغل لكن انتي حتمشي براك كيف
قلت ليهو بمشي براي انا لازم اعرف قاتل ابوي ده منو لازم اعرفو
خالتو ناهد... لو ما حترتاحي الا كده الله يسهل عليك يا بتي
قلت ليهم تمام عن اذنكم يلا
طلعت فوق ولحقتني تالا
تالا.... اجي معاك طيب؟؟
قلت ليها لا يا قلبي انا حمشي وان شاءالله ارجع بس
وحضنتها وقعدنا نبكي شددددييييييييدددد
#الاب نعمه من عند ربنا انعم بيها علينا
انتي او انت صدقوني ما حتشعرو بالامان الا لمن تشوفو شبشب ابوكم بره جمب الباب
نحن كأبناء ما حنحس بالامان الا لو سمعنا صوت ابهاتنا في البيت
الاب دايما مصدر الامن لي اولادو مصدر الحب والحنيه لينا كلنا
حافظو علي ابهاتكم واقعدو معاهم اطول وقت ممكن
لانه فجاءه حتلقى نفسك بتقرا الفاتحه علي اغلى زول عندك وتندم انك ما شبعت منو ومن صوتو ومن كلامو
دايما عاينو لي اباءكم اتفقدو ملامحهم املو نظركم منهم لاننا في يوم حنكون نفسنا بس بي نظره ليهم
وزي ما بقولو *الحاجات الثمينه لا تكرر مرتين لذلك نحن لا نملك الا اباً واحداً*
#يتبع
في رعايه الله وحفظه
ما تنسو التصويت
اشوكم قريبا
الله يرحم ابهاتنا الماتو وبخلي الموجودين ❤❤❤❤❤❤❤❤❤❤❤🙏🙏🙏
