*لِحُزني حكايه...YARA YACOUP*
الجزء الواحد والعشرين
الليله البارت مميز عشان اسيل ساعدتني في كتابتو فلازم اشوف تعليقاتكم
.....................
صباح اول امتحان لي فالفاينل كمية توتر رهيبه كده اليله صحيت من صلاة الفجر صليت الفجر وقريت يس وفييي مصلايتي نفسها بديت اراجع كده لحدي الشروق قمت صليت ركعتين ونزلت لقيت خالتو هاجر صحت سلمت عليها وبدت تديني في نصايح اطمنت شويه كده وشربت الشاي وطلعت غرفتي قعدت قدام المرايه اديت نفسي طاقة ايجابيه ذي كل مره عشان اتطمن اكتر وقمت لبس بدله ابيض ب اسود لبست قمطه بيضاء وطرحه بيجيه واتوكلت على الله ونزلت وصلت الجامعه قعدت فمكان هااادي كده راجعت شويه فجاه يجيني عمر
عمر...صباح الخير ي حفاره
قلت ليهو صباح النور والله توتر عجيببب ياخ
عمر...م تتوتري ياخ كلها درجات دنيا وانتي قدها ان شاءالله
قلت ليهو ان شاءالله
عمر...وبعدين اليله د شنو الحجاب الرهيب د
قلت ليهو رهيب عشان فيني انا😂❤️
عمر:اها خلاص بدينا
قلت ليهو..عندك شك لا سمح الله؟😉
عمر....معقوله بس
قلت ليهوهوي يلا ماشه انا الامتحان فضل ليهو ٢٠ دقيقه
عمر عاين لي جوووهه عيوني مسااففففه وقال لي ركزي وخلي بالك من نفسك
فرحت شديددد ومن الفرحه فقدت اعصابي قلتليهو حاضر وانت كمان ومشيت
كنت ماشه فرحانننهه خشيت وبديت اقول ف اذكار لحد م ادوني دفتر الاجابات والورقه وبديت احللل والحمدلله الحمدلله مافي شي وقف لي لحدي م مليت دفتر الاجابات وخلصت اديتو الدفتر وحمدت ربي مية مره وطلعت اول م طلعت بدون م احس دقيت ل عمر قلتليو الامتحان كان حلو شديددد ياخ الحمدلله قال لي مش قلتليك انتي قدها اها انتي وين عشان اجيك قلتليو انا م اتحركت من جمب القاعه قال لي خلاص طيب خليك هناك انا جايكك فعلا جا وخشينا الكفتريا فطرنا وطلعنا ركبت عربيتي طوالي دقت لي خالتو هاجر اتطمنت علي وحكيت ليها انو الامتحان حلو واتحركت ..وصلت البيت سلمت عليهم كلهم وخشيت اوضتي طوالي نمت عشان اصحا اقرا للماده حقت بكره.
فالجانب التاني
تالا...انا بحبو شديددد ياخي بالجد انا اتأكدت اني بحبو شديد والحمدلله انو امي بقت واقفه معاي واكيد ابوي م حيعترض مدام امي وافقت بس فضل اني اوصل رأيي ل مؤيد
تالا بدت تتصل لي وانا في ساااببععع نومه.
تالا....اكيد بتقرا اليوم كلو الغبيه دي خلاص حدق بعدين.
#نرجع
اسيل اسيل قومي المغرب اذن فتحت عيوني قلت ليها
واي ي منى لي م.صحيتيني من.قبيل
منى....انا كنت مافي جيت اسيل من بره ولقيتك.نايمه
قلت ليها خلاص طيب قايمه اصلي انا
قمت غسلت وشي وصليت المغرب مشيت مسكت تلفوني لقيت مكالمات من تالا استغربت طوالي جبت اللابتوب حقي ودقيت ليها
تالا....اليوم كلو بتقري انتي؟
قلت ليها ي بت اقرا شنو كنت نايمه جيت تعبانه من الجامهه
تالا....اي.صحي امتحنتي كيف انتي
قلت ليها...يادوب تساليني ي غبيه كويس والله الحمدلله فرحتني شديد مادة اليله دي
تالا....الحمدلله ياخ ام شاءالله كلهم كده
قلت ليهااها انجزي كنتي داقه لي لي
تالا:والله يهنايه دققيت عشان اقوليك.اني موافقه بس🙊
قلت ليها موافقه على شنو تالا انتي غبيه اتكلمي كويس
تالا....اسيل افهمي ياخ مالك انتي
قلت ليها اااااااااا واااااايييي تالا بالجد؟؟؟؟؟؟وافقتي على مؤيد.هلاص؟وواااييييي ي تالا فففرحتتتتتتت ح امشي اكلم البيت كلوووو اقطعي وشك قفلت في وشها وطوالي نزلت تحت لقيت الناس كلها قاعده.وبتشرب في شاي المغرب ومؤيد.قاااعدددد 😂😂😂😂قلتليهم يجماعه نحنا والله محتاجين فساتين جديده وكده ياخ
طبعا الناس كلها بتعاين لي بطريقه غريبه نظام دي ماله دي
مازن....اسيل فساتين شنو كدي قولي بسم الله جنيتي
مؤيد..... د.تأثير اول امتحان خلوها
جيت قعدت جمبو قلتليو لالا بس جايينا عرس قريب وغمزت ليهو😉😉
مؤيد....عرس منو كمان م تكوني انتي بس كل شي هين
قلت ليهو م.تعمل لي فيها رايح.عاينو ي جماعه حنبدا نحدد عرس مؤيد وتالا صحبتي لانها وافقت
الناس كلها بدت تضحك وخالتو هاجر تزغرد.(م تستغربو طبعا خلال الايام دي مؤيد حكا ل ناس البيت عن تالا وم.كان عندهم.اعتراض.بما انو بعرفو عمو خالد.بقو وانو صاحبنا من ذمان)ومؤيد من الفرحه ضحكتو للضرس الاخير وانا طبعا كنت اكتر زول فرحاااننن وشربنا الشاي واتونسنا شويه كده وطلعت اقرا قعدت ذي الساعه ٧ ونص بديت اقراااا م حسيت بالذمن نهااييي لحد م جات الساعه ١٢ ه دق.لي عمر استغربت طبعا قمت رديت
عمر...شوية درجات حقت دنيا تنسيك صحبك ي خاينه؟
قلت ليهو.م كده ياخ والله لكن الذذمن جرا وانا بقرا😂😂كيفك انت
عمر...تمام الحمدلله وانتي
قلت ليهو والله تمام.ياهو مع القرايه بس
عمر...القرايه م.بتنتهي ياخ
قلت ليهو اي والله اها داقي لي لي نص اليل د
عمر....داير اخلطك
قلت ليهو..ههههه ظريف جاده ياخ وريني عشان م خلصت الماده
عمر.....كنت عايز اقوليك بما انت بكره امتحانك.فتره نهاريه عايز نفطر سوا في مطعم
قلت ليهو هههههااا اكيد بتهظر انت
عمر....لي؟
قلت ليهو مستحيل ي عمر انا خاشه امتحان فااينلللل واطلع كمان.افطر.في مطعم.بس د.الفضل
عمر....م هو حتكوني راجعتي لحد الساعه ١٠
قلت ليهو. لالا ي عمر ضميري بأنبني م بقدر
عمر...طيب براحتك
انا بيني وبين قلبي حسيتو زعل عشان اول مره يطلب مني طلب.
قلتليو طيب م انا م بفطر معاك لكن بعد م اطلع من الامتحان وارجع اغير هدومي كده بطلع معاك.نتعشا تمام؟
عمر...اتفقنا ي قلبي
قلت ليهو تاني قلبي؟م ماشه خليتو
عمر....بهظر ي وقحه😂😂
قلت ليهو خلاص طيب يلا باي عشان ماشه اقرا
عمر...طيب معالسلامه❤️
حسيت اني مبسوووططههه بعد.الكول د وخصوصا العزومه فرجعت اقرا بحمااسسس اكتر لحد م جات ٢ص كده ونمت طوالي نمت ساعتين كده وصحيت صليت الصبح ورقدت ف مصلايتي كده غفيتت لحد الشروق صحيت قريت يس وصليت ركعتين وقمت جيت الشاي حقي مم تحت وجيت قعدت اراجععع لحد ١٠ كده قمت استحميت ولبست لي عبايه ومرقت وصلت طوالي خشيت القاعه لحد م جا وقت الامتحان امتحنت وطلعت الحمدلله الامتحان التاني كان حلو حلو حلو شديدددددددد وبرضو طلعت مبسوطه فعلا لكل مجتهد.نصيب❤️❤️🙏 حمدت ربي ومشيت ركبت العربيه ومشيت البيت وطبعا اليوم كان خميس وامتحاني التاني يوم سبت ف كان عندي قاب
المهم.اول م وصلت كده لقيت خالتو هاجر قاعده ومعاها مازن سلمت عليهم وقعدت معاهم وطمنتهم من الامتحان وحكيت ليهم اني طالعه اتعشا مع واحد صحبي طوالي مازن بدا حركات ضربتو في كتفو وطلعت اوضتي قلت انوم شويه وزبطت المنبه وفعلا نمت
صحيت الساعه ٨ كده استحميت وطلعت لي فستان مورد وارضيتو بالابيض وهو مورد بالاصفر والبيحي واكمامو كامله وفيهو بلد من النص مع هيلز اصفر وطرحه بيجيه وسويت مكياج تُرابي هاادييي وبسيط واتريحت من اكترر ريحه بحبها (وشوشه)
اول م عايزة اشيل تلفوني كده عمر دق لي
الو؟
اها ي عروس جهزتي؟
قلت ليهو..اي خلصت
عمر...طيب انزلي تحت
قلت ليهو..سجمي انت جيت تحت؟
عمر...اي جيت مش انا العازمك؟
قلت ليهو..وعرفت بيتنا كيف؟
عمر..انتي مالك ومال عرفتو كيف استعجلي انزلي بس
قلتليو طييب وقفلت منو اتصورت وختيت الصوره فالستوري وكتبت(وصلت مرحله من مراحل السلام النفسي اسمها لا اعرف ولا اود انا اعرف).
وقفلت تلفوني ونزلت
لاقتني خالتو هاجر حصنتني وطلعت
#عمر فالعربيهوهو بعاين فالستوري:الله يحفظك لي ي رب والقا فيك النصيب واتم معاك فرحتي دي ❤️🙏.
قلت ليهو بتتكلم مع منو؟
عمر....جيتي متين انتي؟
قلت ليهو بدق ليك فالباب حق العربيه لي ساعه م داير تفتح ركبت براي
عمر...😂😂😂طيب نتحرك؟
قلت ليهو اي
مشينا وطول الطريق ساكتين لحد م وصلنا مطعم اسمو اتموسفير نزلنا الطاولات حقتهم م فيها قصاد بعض فيها جمب بعض والاضاءءه خافتههه وحلوه قعدنا جمب بعض وعمر طلب الاكل وبدينا نتونس
كان في ولدين قاعدين قدامنا في واحد فيهم بعاين لي جوووههههه عيوني بس انا م اهتميت شديد وبقيت بتونس مع عمر فجأه لقيت عمر وشو اتغيررررر وبقا معصب وبرد لي ببرود خفت منو قلت د مالوو وسكت بقيت م بتكلم معاهو
عمر...ماشي الحمام وجاي انا
طيب
عمر مشا على اتجاه الولدين ديل وساق الولد الكان بعاين لي د
استغربت شديد قلت د مالو ومسكت تلفوني وقعدت
#فالجانب التاني
انت براك شايف انها قاعده معاي وانا حاجه بتخصني م بحب زول يقرب منها فاا انا شايف انو من الاحسن تبعد نظرك منها عشان انا م ابعدو ليك من الدنيا دي واظن كلامي واضح ومشا وخلاهو
#نرجع
قلت لي نفسي عمر اتاخر د شنو د كلو حمام اف
عمر...بتتكلمي براك مالك
خلعتني ياخ مالك اتأخرت
ساي بس
قلت ليهو د منو الولد السقتو معاك د؟
عمر...انسي ماف شي
طيب
الاكل وصل وبدينا ناكل ونتونس
عمر...ارح نتصور
قلت ليهو بقروش لو سمحت
عمر...يقرش وشك اقيفي يلا
اتصورنا صور كتير وبقيت بتصور معاهو صور عواره وصور وهم وضحك واها ليو يديني في وشو وهو يتزهج وطلعنا رجعني البيت وانا مبسووووطهههه ياخي طلعت اوضتي طوالي استحميت وغيرو هدومي ورفعت شعري كعكه جايطه ل فوق وسزيت لي نسكافيه وجيت مسكت تلفوني لقيت عمر خاتي صورتنا ستزري وكاتب (she made my day❤️).
رديت ليهو قلتليو غصباً عنك
قال لي اي غصبا عني ي قلبي❤️
لمن قال لي ي قلبي بقيت سامعه دقات قلبي فيي اضاني م رديت ليو طوالي قفلت وعلى تأثير النسكافيه م حيجيني نوم اكيد وم بقدر افوت اليوم د.ساي طوالي شغلت انوار الغرفه وبديت اقرا كده لحد م.الصبح.اذن صليت ونمت م صحيت الا مع ضهر الجمعه
صحيت فطرت واتونست مع ناس البيت وبديت اقرا ليننن المغرب كده قمت صليت وشربت شاي المغرب فجأه تلفوني ضرب لقيتا ياسمين
ياسمين....والله عرفنا انك.حفاره لكن.عالاقل دقي.سلمي على صحبتك
قلت ليها والله م.كده ي ياسمين ياخ لكن الخوف حق الامتحانات د.انا بنسيني ايشي 😂😂كيفك.انتي والله مشتاقيننن حتى فالجامعه م.بلقا وقت نتونس
ياسمين....والله كلنا متوترين ياخ خصوصا انها اول سنه لازم معدل عالي عشان الدكاتره م يختو عينهم.علينا
قلت ليها اي والله ياخ هموم بس الحمدلله
اتونست معاها شويه كده وقفلت وبديت اقرا لحدي ما نمت صحيت تاني يوم سويت نفس الطقوس حقت كل يوم ومشيت الامتحان😂😂😂
وبنفس الروتين د عدت فترة الامتحانات دي الحمدلله وخلصت منها والحمدلله الحمدلله ماف ايشي وقف علي وكليوم عمر كان بيتصل لي نتونس كده وارجع اكمل قرايتي
والليله كان اخر يوم رجعت تعبانههه لكن رغم التعب عشان الحماس م نمت لانو الاجازة كانت شهرين ونص 😂😂😂
جيت من الجامعه استحميت ونزلت قلت ل خالتو هاجر انو الليله نفسي اسوي ليكم كيك وحلويات وكده😂❤️
خالتو هاجر قالت لي الحماس صعب ي بتي امشي سوي الدايراهو اعتبري المطبخ حقك
طوالي شلت تلفوني وفتحت الوصفات وبديت اسوي مبالغه تعبت تعب اول مره اتعبو فحياتي
سويتت سينابون وبانكيك وكيكة شوكلاته ومازن يشيل ويضحك فيني لاني كلشويه بخش اشوف الوصفه.فالتلفون واغلط😂😂😂
المهم بحمد الله خلصت وجهزتهم كلهم وبالمره سويت معاي شاي المغرب وشلتو ليهم بره وشلت معاي الحلويات وكلهك يشيلو ويقولو لي الليله ماشاءالله طلعتي من علبك😂😂😂قعدنا شربنا الشاي واتونسنا وكده.واييزول قام شاف شغلتو
عن نفسي طلعت اوضتي وجيت اللابتوب حقي وختينو وطوالي خشيت الملف حق قضية ابوي💔💔💔
قعدت فتره افكر في الحصل ووصلت لي نتيجه وحده بس انه في زول كلم القاتل او العمل كده في ابوي انه ابوي هو الرسل زول يقتل انور وتوشكر لانه بالعقل جريمه قتل في اربعه يوم تتكشف ويتم الانتقام ليها بالنسبه لي طريقه قتل انور وتوشكر الشفناها شي مستحيل لانه باين او واضح القاتل الرسلو ابوي عشان يقتلهم محترف وده الشي الخلا الشرطه ما تعرف لحدي الان منو الجاني.
يبقا في زول تاني غيرنا عارف انه ابوي رسل شخص يقتل انور وتوشكر
كان عندي احتمالين وما غيرهم عمو يوسف او عمو حسين
لانه ابوي ذكي ومستحيل يوري زول شي زي دا الا اخوانو
طيب عمو يوسف ده بالجد كان في السعوديه ورجع قريب لازم اتاكد انه في الفتره الكان ابوي في السودان ما كان في تواصل بينهم
وعمو حسين الكان هنا ومع ابوي الشككوك حولو اكتر لكن عشان ما اظلم زول كان لازم اول شي اتأكد علي قول الله عز وجل "ان بعض الظن اثم"
***********************************
#مؤيد وتالا
