الجزء التاسع.....
اليوم التاني من القصه دي حصلت انا ما طلعت من غرفتي نهائي بس قاعده هناك وقافله الباب بالمفتاح وضربت لي تالا حكيت ليها اي شييييي
تالا دي بقت بتكورك كواريك وقالت لي حوري ابوي وانا ما حسكت حتى لو ود عمك وبقت فايره اكتر مني
قلت ليها تالا خلاص اكسري الحنك واصلا مؤيد ومازن ما خلو فيهو شي دقوهو لمن الله غفر ليهو
تالا....لا ما حسكت يا اسيل بي ياتو حق اصلا يهبشك المريض المتخلف واذا الشنبات العندك ما قادرين يحموك ابوي انا بحميك
قلت ليها تالا انتي عارفه انا لو دايرا اجيب حقي بدخلو السجن اقل شي سنتين لكن يا تالا انتي ما شفتي وش عمو حسين كان الخجل داير يقتلو وعمو يوسف اللمن شافني كده بقا ببكي عديل
ومؤيد ومازن ومنى واخواتو مستحيل لا
تالا.... دي ما اسيل البعرفها اسيل البعرفها لو ابوها عمل فيها كده ما حتسكت لكن يا زوله بي راحتك بس اعرفي انك لو سكتي هسا حيفكر يعيد الشي ده معاك تاني
قلتليها لا متخافي اثناء ما نحن بنتكلم الباب دقا
قلت اتفضل
لقيتهم مؤيد ومازن
ومازن وشو متغير كده
قلت لي تالا نرجع نتكلم بعدين وقفلت اللابتوب وقمت قلت ليهم ادخلو مالكم
مازن وشك مالو متغير كده
مازن...ما عندنا عين نعاين ليك بيها بعد امبارح
انا لمن لقيت انه مؤيد ومازن متحسسين شديد بقيت بوريهم انه خلاص يعني انا بقيت احسن وكده
طوالي قلت ليهم قايز بليززز ستوب فشنو انتو خلاص انا قدامكم كويسه فشنو تاني
مش انتو الاتنين جمبي ومعاي؟؟
خلاص معناها تاني ما فارق معاي اي شي انا والله ومحمد ده حعتبرو زول غريب عشان ما اكره عمي او تربيتو وبس ما تكبرو الموضوع تعالو نتونس هسا
مؤيد....نتونس فشنو كمان؟؟ من متين بيناتنا ونسه؟
قلت ليهو واييييي حرجتني يا خسيس انقلع معناها
مازن...لا جينا نطلعك لانه من جيتي السودان ماف زول وداك اي مكان وتاني شي في موضوع دايرين نفتحو معاك بس لي قدام شويه
قلت ليهو لا وروني هسا
مؤيد...هوي يا شافعه قلنا ليك بنوريك بعد فتره يلا قومي اجهزي
قلت ليهم سوقو منى معانا
مازن...هي منى بتلبس هسا
قعدت اضحكككككك
مازن ومؤيد مرقو وانا جهزت ونزلنا ودوني شارع اسمو شارع ١١٧ فيهو مطاعم وكده لكن انا ابيت اخش اي مطعم لاني ما جعانه وقلت ليهم نتمشي وكده لحدي ما اجوع
مازن....مؤيد انت لو وديتنا اوزون مش احسن؟؟
مؤيد....كويس طيب اركبو
ركبنا ومشينا اوزون ده بالجد كان مطعم راقي شديييد
لمن دخلنا كده مؤيد خلا تلفونو في العربيه قام طلع انا طوالي طلعت وراهو وبعدين دخلنا لاحظت في اربعه بنات بعاينو لينا وبتهامسو انا كمان اعجبكم جيت بي جمب تربيزتهم شديد وقلت لي مؤيد بيبي خلينا نقعد فالتربيزه ديك عشان جمب التكيف
مؤيد....بيبي بتاع حبوبتك يا بت
قلت ليهو اخرس خليك ساكت
وطبعا البنات بعاينو لينا وما برمشو ومازن ومنى ميتين من الضحك
قمت قلت لي مؤيد حبيبي ده شنو الفي وشك ده ويت اجيب منديل ومشيت علي تربيزه البنات
قلت ليهم اسكيوز مي قايز ممكن منديل
وحده منهم قالت لي....شيلي ساي
انا تلقائيا من طريقه كلامها مت من الضحك المهم مشينا قعدنا وطلبنا الاكل واكلنا وما خلينا ونسه ما اتونستاها لمن جبنا مارقين لقيت البنات لسا في ولسا بعاينو لينا لمن وصلناهم قلت ليهم هوي ها اخوي الكبير والله لكن بس شفتكم منتبهات قلت اكمل ليكم الفيلم
كلهم قعدو يضحككككوووو ووقفت معاهم شويه ومرقت
نحن رجعنا البيت الساعه عشره تقريبا
وانا ماشيه في السلم تالا دقت لي قلت ليها اي
تالا....اسسسسسسسييييييل اتزكرت شي مهم مهم شديددد
قلت ليها اها
تالا....متزكره لمن كنتي معاي وابوك فالسودان ويوم اتصل عليك رقم قاليك اسيل ايهاب لمن قلتي ليهو منو قام فصل الخط
انا بقيت متنحه انه انا كيف ما اتزكرت شي زي ده
قلت ليها شتتتتتتتتتتتتتتت اي اي الرقم ده منو صحححح والله كلامك صح طيب طيب حرجع ليك
وقفلت وطوالي مشيت غيرت هدومي وقلت لي منى ارح معانا السطوح
مرقنا ومشينا نادينا مؤيد ومازن وطلعنا
مؤيد....اها فشنو
قلت ليهم انا تقريبا وصلت لي رقم انور!!!
مؤيد ومنى معبعض...انور منو؟؟
مازن....طيب حفهمكم وقام حكا ليهم القصه من البدايه انه الشركه حقت غسيل اموال وانه انور ده وراهو سر وكان في خلاف بينو وبين بابا وتوشكر ده لحدي الان ما وصلنا ليهو
مازن....اسيل الرقم ويييينننن
قلت ليهو شوف حتلقو رقم سوداني هنا في جهات الاتصال والرقم ده لمن اتصل لي قالي انتي اسيل ايهاب لمن قلت ليهو اي انت منو فصل الخط
منى....وانتي لي شكيتي يكون انور
قلت ليها....اها رقم من السودان وما رقم زول فيكم وزول يتصل ويناديني بي اسمي واسم ابوي
مازن....تقريبا ده هو الرقم لانه اسيل ما جاياها مكالمات من ارقام غريبه كتير
قلت ليهو التاريخ كم؟؟
مازن..٣/٢٨ الساعه وحده صباحا
قلت ليهو اي هو
مؤيد...دقيقه قبل ما تتصل مليني الرقم اشوفو مسجل بشنو في النمبر بوك(كتاب الارقام بكشف ليك منو المتصل عليك)
مؤيد شال الرقم لمن كتبو ظهر ليهم انور
مازن.....يس يس هو رقمو هو
وطوالي داير يضرب ليهو
مؤيد...انتي غبي اضرب من تلفوني ما تضرب من رقم اسيل
مازن...نسيت ياخ
شالو الرقم ومؤيد اتصل قالينا الرقم فاتح دقيقه
بعد شويه كده في زول ردا
قال وعليكم السلام وطبعا مؤيد فاتح سبيكر
مؤيد....معاي انور؟؟
......لالا
مؤيد...يعني ده ما رقم انور؟!
انا داير اتكلم مع انور
.......اقول ليهو منو؟؟
مؤيد...قوليهو وعاين لي انا طوالي قلت ليهو قول معاك خالد خالد
مؤيد...معاك خالد وكنت داير انور في موضوع شغل وين هو؟
......والله يا اخ انور ده ميت ليهو تقريبا شهر وكم يوم انت الخبر ما وصلك ولا شنو
طبعا مؤيد جاهو شلل واحنا بقينا مخلوعين وبنعاين كيف يعني ميت!!!!!!!!
.......الو يا اخ خالد
مؤيد...ااا اي معاك لكن والله صدمتني ياخ مات كيف ومتين انا اي لي فتره ما اتكلمت معاهو لكن والله الخبر ما وصلني
........والله اتوفى الله يرحمو بس وتفاصيل موتو دي اعذرني لكن خصوصيه وكده بس ادعي ليهو ويلا في امان الله وطق قفل الخط
نحن طبعا بقينا زي خمسه دقايق كل زول فاتح خشمو وبعاين للتاني كيف يعني مات انور ؟؟؟؟؟
مازن....والله ده لغز عجيب انور مات طيب متين ياخ
مؤيد....ممكن نعرف من المركز بتاع شهادات الوفاه مش
مازن....انا عندي زول صحبي هناك اسألو هسا؟؟
مؤيد....ما اظن يفيدك هسا كدي وريهو
مازن شال تلفونو واتصل
الو وين انت يا مان والله الشوق ياخ بعد المقدمات د قاليه داير منك خدمه لكن دايرها هسا
انا عندي زول داير اعرفو مات متين بالتاريخ والساعه
اسمو انور
الاسم كامل اااا دقيقه طوالي نحن بدينا نفتش في الملفات
قلت ليهو انور ادريس محمد عبده
خلاص يعني نص ساعه وبتديني خبر؟؟
تمام يلا
وقفل
مازن...حيرد لينا بعد شويه لكن انا عندي سؤال
عمو حسين لمن اسيل سالتو عن انور ليه قاليها مسافر معقوله هو ما عارف انه انور مات؟؟؟!!!
مؤيد...طيب يا جماعه ركزو معاي نحن لازم نوزع الشغل ده عشان نقدر نفهم شي
منى انتي الاوراق دي تمسكيها كلها ايييي اسم اي اسم فيها تطلعيهو لينا ان شاءالله لو اسم البواب
مازن...انا وانت حنكون شغالين في موضوع انور ده
اسيل...انتي بس تساعدينا بي تزكر اي شي ممكن يفيدنا تخلي تالا بكره تمشي بيتكم تحاول تفتش في مكتب ابوك اكتر طيب
قلت ليهو مؤيد نحن المعلومات العندنا ما شويه نحن قربنا نصل لي طرف الخيط
اول شي عرفنا انه انور لمن كان بهدد ابوي بالسر السر ده انه انور عشان بابا مسك عمو حسين الشركه انور كان حيوري الشرطه انه الشركه حقت غسيل اموال
وعرفنا انه توشكر ده هو البدوهو السلاح وهو ببيعو وبسلمهم القروش
لكن انور ده كيف يكون ميت انا ما عارفه
مازن تلفونو اتصل طوالي ردا
قال اي يا احمد
مات يوم الاربع 4/5 الساعه اتنين صباحا وهو مات مقتول؟؟؟؟؟؟؟؟؟؟؟؟؟؟
خلاص يا مان ما قصرت طيب
قلت ليهو كات قبل موت ابوي بي اربعه يوم ومات مقتول؟؟ كيف يعني الكلام ده
منى...ولاحظي متصل عليك قبل يوم موتو بي تلاته يوم
قلت ليهم
معناها انور لمن مات ابوي كان هنا في السودان
واصلا ابوي نزل السودان عشان يحل موضوع انور
انا قلت كده وبقيت بعاين ليهم
طوالي قلت لا لا مستحيل بابا ما بقتل ما تعاينو كده اي هو تاجر بالسلاح لكن يقتل؟؟ لالا يا مؤيد ومازن مستحيل
مؤيد....نحن ما قلنا عمو ايهاب قتل لكن ممكن يكون رسل زول نحن هسا حنتعامل مع الموضوع كانو ده ما عمو ايهاب عشان كده ما حنستبعد ايييي شيييي
مازن لمن شافني خلاص سرحت كده وبديت ادمع طوالي قال ياخ لي بكره بحصل خير هسا كدي خلاص
منى...اي خلاص اسيل يلا
نزلت مع منى وخليت مؤيد ومازن واقفين
مازن...رايك شنو يا مان بعملها عمك ايهاب ده؟؟
مؤيد...والله انا بعد عرفت انه بتاجر بالسلاح ما بستبعد منو شي صراحه وبعدين نحن ما قلنا قتل بي يدو الاحتمال الاكبر يكون رسل زول يقتلو
مازن....ويقتلو وهو في بيتو ما عندو اهل ما عندو شي
مؤيد....وده الشي المحيرني والله كدي خليها لي بكره
مازن...اي خلينا ننزل نوم
#يتبع
ما تنسو التصويت
في امان الله❤❤❤❤❤❤
#وقفه
والله يا جماعه الكهربا عامله فينا مسلسل وكده اعذروني لمن اتاخر عليكم
