لِحُزني حكايه....YARA YACOUP*
الجزء الرابع والعشرون
الليله مرا سنه واربعه شهور علي جيتي للسودان ما كنت قايله اني حطول كده
لمن قررت اني ارجع البلد د ما كنت خاته في راسي انه ماف زول حيدعمني اني اعرف منو القتلك يا ابوي ما كنت عارفه انه الاهل اهل بي الاسم بس
ما كنت عارفه اني ححب زول حيبقا عندي زول بحبو زي ما كنت بحبك يا ابوي دخل حياتي ودخل لي معاهو الامل والنور تاني بقيت بحب الحياه بي سبب ضحكتو بصحا كل يوم من النوم وانا متشوقه اسمع صوتو كبرت يا ابوي ايوا بعد ما مشيت انت ياداب حسيت نفسي كبيره حسيت انه تاني كا حيكون في شي اسمو راحه من بعدك زمان كنت بنوم وتخليك انت تفكر في مستقبلي وعيشتي وحياتي لكن هسا انا البفكر في ده كلو ااااا نسيت اوريك يا ابوي نتايج السمستر التاني ظهرت وبتك جات اوله الدفعه برضو ده كلو بي سببك بحبك يا ابوي ورحمه الله عليك
**************************
قفلت مذكراتي الكنت بكتب فيها وقمت استحميت ونزلت تحت لقيتهم ماشين يشوفو شقه مؤيد
طبعا مؤيد وتالا حيقعدو هنا فتره بعدين يسافرو او يتفقو علي بلد معين وتالا جايه يوم الخميس من امريكا عشان تجهيزات العرس قربت شديد
منى....اسيل ارح معانا نشوف بيت مؤيد
قلت ليها لا ما حابه امشو انتو ان بشوفو يوم تاني ان شاءالله
منى...واي منك ارح ارح يا بنات
ومشو كلهم
انا قعدت حضرت برنامج وبعدين زهجت وطلعت فوق غرفتي قعدت ارتب فيها
وانا برتب اتصل لي عمر
قلت ليهو حبيبي
عمر...قلب حبيبك
قلت ليهو كيفك
عمر...حمدلله وانتي
قلت ليهو تمام والله
عمر....اها
قلت ليهو اها شنو قاعده براي في البيت وبحاول املا فراغي
عمر....تجهيزات العرس مش
قلت ليهو اي الله يسهل بس
وانا بتكلم سمعت صوت مرا بتقول ليهو يا ولد بتتكلم مع منو
عمر....مع اسيل يا امي
المره قالت ليهو اهاا تمام
قلت ليهو عمر امك بتعرفني منوين؟
عمر....حاكي ليها عنك من اول مره شفتك فيها
قلت ليهو طيب المهم شايف الرحله العاملنها ناس الجامعه
عمر....اي وقالو فيها مسابقه والله شكلها ظابطه ارح نمشي
قلت ليهو عمر الله بسالك ما بتزهج من الحوامه انت السودان د لفيتو لف كفاك اقعد في بيتكم😂😂😂😂😂😂😂
عمر ضحك بي صوت عالي لمن خلعني وقالي دايراني اقعد في البيت لمن عروق يدي تظهر؟؟
قلت ليهو يا كلب اي زول لونو فاتح عروق يدو بتظهر
عمر....ما علينا بس المهم ارح
قلت ليهو عمر ما نصيح انت والله ما ماشيه معاك
عمر....اسيل عايني في مسابقه بتاعه افهمك كيف انتي الا اقولها بالانجليزي شوفيThe best couple
قلت ليهو عمر سيريسلي؟؟
عمر...اتكلمي زي الناس عشان ما اجي اكفتك
قلت ليهو يع ماف ولد بقول لي حبيبتو كده
عمر....حي انا من الدراما اها حتمشي ولا شنو عليك الله يا اسيل الجوائز كبيره
انا هنا مت من الضحك قلت ليهو انت ماشي عشان الجوائز صح
عمر....اي والله قالو الجائزه ايفون X MAX
قلت ليهو وانت شايل ايفون ١١
عمر...صحي اي نسيت يا زوله داير امشي انا
بعد تحنيس ساعه واقناع وافقت اني امشي مع اني ما مقتنعه ابدا
بالليل جهزت هدومي لانه انا دايرا ساعه اختار البس بعدين ساعه عشان البس
المهم عمر رسل لي ما تجي بي شي اوفر عشان القعده في مزرعه!!
قلت ليهو ومن متين انا لبسي بكون اوفر؟
عمر....لا ما قصدي بس انه بتلبسي الشي العالي د في رجلك وكده قصدي عشان تقدري تتحركي
قلت ليهو عمر انت قاصدك اني بلبس لبس اوفر
عمر....د شنو الوقعه الوقعتها د يا الله عايني نومي يا سكر
انا بكون دايرا ازعل وكده بس كلامو بضحكككننننيييي شدددديييددد يعني عمر بعاملني كاني صحبو ما حبيبتو والشي د بضحكني شدددييييدد😂😂😂😂😂😂😂قعدت اضحك ونمت
اليوم التاني صحيت تقريبا الساعه تمنيه ونص استحميت وصليت وقريت يس وطلعت المطبخ قلت لي خالتو هاجر صباح النوورررر
خالتو هاجر....حبيبتي صباح النور
قلت ليها بلقا عندكم اوريو؟؟
خالتو هاجر.... اي في في الرف داك في علبتين
قلت ليها طيب الليله حسوي ليكم حلااا
خالتو هاجر.... والله جيتي والله جابك لي ما كنت عارفه اخت ليهم شنو مع الشاي
قلت لبهو بس انا حسوي كوكيز بالاوريو عادي بشربوهو بي شاي
خالتو هاجر.... هوي يا بت نخت ليهم بس اصلا هم بحبو حاجات الكفار د
ضحكت قلت ليها حاضر😂😂😂😂😂😂😂
عملت الكوكيز وشلت منو في علبه وخليت ليهم الباقي وطلعت غرفتي لقيت سته مكالمات من عمر عاينت للساعه لقيتها قربت تجي عشره جرييتتت لبست ولفيت طرحتي سريع واتمكيجت علي خفيف ودقيت ليهو قلت ليهو جاهزه انا
عمر....بوريك انا انزلي ارح
وريت عمو يوسف ونزلت
انا كنت لابسه بنطلون جينز كحلي غااممقق وشاكه فيهو بادي ابيض وجكت ابيض طويل لكن مفتوح من قدام وطرحه مشكله ابيض وكحلي وسبورت اددس ابيض عادي
مشيت لقيتو واقف فتحت الباب وركبت
عمر...ساعه صاح؟؟
قلت ليهو سوريي بيبي
عمر...احيااا ياخ ما تخليني اتهور واخطفك هسا
قلت ليهو اسكت
عمر....لبستك سمحه وقعد يضحك
قلت ليهو وبتضحك ليه؟
عمر....ماف شي لا وهو بضحك
قلت ليهو عمر انا جاده لو ما وريتني والله ما امشي وحلفت
عمر خت يدو في وشو وقعد يضحك قالي انتي هبله حيكون في شنو بس يعني اللبسه رااقيه ياخ ما جايه مع شوارع السودان زاتو😂😂😂
قلت ليهو وتتت ليه يعني؟؟
عمر...هسا لمن نمشي المزرعه اي بت حتكون لابسه السكيرتي الفنايلي د وبلوزه وطرحه لكن انتي لبساتك د ما حصل شفت بت بتلبسها
قلت ليهو اختلاف ازواق بس ما اكتر
قعد يضحك
**************************
وصلنا المزرعه وقعدنا وطبعا مشينا سجلنا اظن في ٥٠ مشترك وقعدنا نتثور نتمشي نتونس واتعرفت لي علي بنات او بالاصح هم جو اتكلمو معاي وكده
بعدين جا واحد قال يلا يا جماعه دايرين نبدا المسابقه منو اول كوبلز حابين يبدأو
عمر طوالي رفع يدو
وانا اضطريت امشي معاهو
اول شي قلنا اسماءنا وكده😂😂
وبعدين بدأو يسالونا اول مره شوفتيهو متين وكده
قلت ليهو شفتو في الجامعه وكان في كم بت بتكلمو عنو وعلي شنو ما عارفه
الناس د ضحكت ضحك لمن قلت كده حتى عمر لمن اتلفت عليهو لقيتو بضحك😂😂😂😂
الولد قاليهو الله يعينك
عمر...شديد
الناس بقت بتقول اها تمي تمي
قلت ليهو بعدين حصل بيناتنا موقف كده وللايف اخد مني كف
الاولاد بقو بصفقو
عمر شال المايك وقال احلا كف والله😂😂
الولد قال لي عمر كمل القصه انت
قاليهو وبس بعد كده كنت متوعد ليها بي شكله لكن يوم الازمه قامت علي واصحابي شالوني مشت وصلتني المستشفي هي ودفعت الفاتورة😂😂😂😂😂😂
الاولاد كلهم بقو بصفرو
قلت ليهو علي فكره عملتها من الانسانيه بس ما عشانك
الولد قالي اها يا اسيل متين حسيتي نفسك بتحبيهو
قلت ليهو من يوم الترادشنال داي لمن جا سلم علي اول مره احس انه في شي بحس بيهو اتجاه الشخص د
بعد ما حكينا القصه كلها الولد قال في زول حابب يسال سؤال؟
في بت كده جات قالت لمن يزعلك براضيك كيف؟؟
قلت ليهو لمن يزعلني بس نحن لينا تقريبا سنه وو......
عمر سنه وشهرين واسبوع وسبعه ساعات
بالجد فرحت شدددييييددد انه عمر متزكر كده قعدت اعاين ليهو وانا من جوه مبسوطه
قلت ليهو ايوا عمر ما حصل زعلني
البنات كلهم بقو بقولو كيف يعني ما تبالغي مستحيل
قلت ليهم عاينو الزعل بجي من شنو يا اما عدم الثقه او الكلام الكتير منك لي حبيبك
عمر هو البتصل علي وانا ما بتصل مش لاني تقيله او او لا نحن المرحله د اتخطيناها انا عارفه عمر شغال وعندو الف مسؤليه غيري فمستحيل ازعجو لا بالعكس انا مقدرة الشي د
تاني شي انا ثقتي في عمر ما ليها حدود فامستحيل اشك فيهو او كده
في ولد قال وانت يا عمر بتعمل شنو طيب
عمر....انا عندي قاعده وحده بس اسيل ما مفروض تزعل بس😌❤️
في بت قالت معليش يا اسيل بس انتي ما خايفه بي سبب ثقتك د عمر يعمل شي من وراك
يعني
قلت ليها طيب شوفي واتلفت علي عمر قلت ليهو ثواني تلفونك مدا لي التلفون
ختيت اصبعي في البصمه وقبلت التلفون عليها
قلت ليها عايني تلفون عمر بفتح بي بصمتي صح بس لو عمر اداني ليهو عشان افتش فيهو ما حعملها مدام انا كل ما اعاين ليهو بشوف الحب ده كلو لي في عيونو
ممكن افتش في حاله وحده لو في يوم عاينت ليهو في عيونو وما شفت الحب ده
وبس
الناس صفقت وصفرت انا لمن خجلت
ونحن ماشين عمر قالي ربنا يخليك لي يارب
قلت ليهو ويخليك لي يا عمري❤️❤️❤️❤️
************************
بعد ساعه من الونسه والناس كلها عملت المسابقه وكده كميه الناس الجو سلمو علينا وقالو لينا حبيناكم وكده😂😂😂😂❤️
طبعا كان الفايزين بالتصويت انا في كتير حبيتهم حبيتهم شديد خصوصا بت كده قالت لي حبيبها قدام الناس اسكت انت ما عارف شي فصوت ليهم طوالي
جا المذيع وفعلا شايل ايفونين وباقه ورد حلوه مع انا ما عشان الجوائز لكن ما عارفه للحظه حبيت اني افوز يمكن لانه د شي بجمعني انا وعمر❤️❤️❤️❤️
*************************
الولد البزيع قال طبعا الفوز كان تصويت واكتر اتنين الناس حبتهم وصوتت ليهم وانا زاتي صراحه كتبت اسماءهم في التصويت بس قبل ما اقول الاسماء ربنا يخليكم لي بعض ياخ بالجد اسعدتونا شديد طيب يا شباب The best couple
اسيل وعمر
انا لمن قال الاسماء للحظه حسيت نفسي دايرا اصرخ عمر طوالي حضني ومشينا المسرح ادونا الجوائز وطلبو مننا كلمه كالعاده عمر قالي امشي قولي انتي وانا ما محضره اي شي وقفت مع اني م بحب ابدا اتكلم عن حياتي الشخصيه بس انا اليله جيت وشاركت فالمسابقه دي عشان عمر
وعشان هو حيكون فرحان اذا انا جيت و اذا نحنا فزنا
انا وعمر علاقتنا بدت بطريقه غريبه شديد بس يمكن كانت ازبط طريقه تبدأ بيها علاقتنا خصوصا اني دي اول مره احب فيها والحمدلله اني حبيت صح
ثقتي في عمر اقوى من حبي ليهو بكتير شديد واهتماناتي بتفاصيلو اقوى من من حبي ليهو
انا وعمر علاقتنا ففتره بسيطه بقت عميقه شدييييددد ممكن انا افهمو بس ب الاشاره واكون عارفاهو قاصد شنو....د غير انو انا مهما شفت حلوين ف اييي مكان قلبي م بيميل الا ل عمر يعني وبألف راجل والله❤️ هو ف عيني حاجه كبيره شديييد..د كل البقدر اقولو ليكم عن علاقتي معاهو🙏🏻❤️والناس بالجد كانت مبسوطه وده غير فرحه عمر الشفتها في عيونو بعد ما خلصنا😉❤️❤️❤️❤️
وانبسطنا شددددييييييييدددد وبعدين طلعنا وقفنا بره جمب المزرعه جو اتنين سلمو علينا وكده وطبعا انا ما بحب اني اعاين لي ولد في وشو فالولد وهو بتكلم معانا انا بعاين لي عمر او في الارض بس لكن البت كانت ظريفه وبتتكلم وكده فجاءه اشوف عمر بدخل لي شعري من قدام بي يدو قدامهم طبعا وقاليهم يلا نستاذن وركبنا العربيه طبعا انا ساكته وهو ساكت فجاءه قالي اسيل لو انتي عارفع شعرك بطلع من قدام ياريت تثبتي الطرحه اكتر
قلت ليهو يا عمر انا ما انتبهت وبعدين انا واقفه وشغاله بالتلفون ما مقبله علي اتجاه الولد
عمر....ما منتبها لكن الزفت الكان بعاين ليك كان منتبه
سكت ما رديت ليهو رجعنا البيت انا كنت مبسوطه من اليوم لكن اخر موقف عكر لي مزاجي وقعدت احكي لي منى
منى.....واي والله بكيتيني ياخ وهو ما نفسو يصل البيت
قلت ليها ان شاءالله بس خلي مؤيد وتالا يتخارجو 😂😂😂😂
منى....الناس المستعجله😉😉
قعدت اضحك وبالجد اليوم د كنت مبسوطه مبسوطه شديد حمدت ربنا كتيررررر وبعدين اتونست مع تالا شويه وقلت ليها فستاني تجيبيهو لي من هناك سامعه ووصفتو ليها
تالا....انا العروس يا بت
قلت ليها علي نفسك عروسه الفستان ما تنسيهو
تالا....حاضر😂😂😂😂
قفلت منها لقيت منو رسالتين كاتب لي ما تنومي وانتي زعلانه انا اسف بس ما بحب زول يعاين لي الرسالتين ديل ممكن يكونو من احلا الرسايل الوثلتني في الدنيا حمدت ربنا علي وجود عمر في دنيتي ونمت❤️❤️
#دردشتنا....
طيب الليله دايرين نتكلم عن الثقه واهميتها في اي علاقه
الثقه يا جماعه شي كبير شديد والثقه ما دايرا اسبوع ولا اتنين ولا شهر ولا سنه الثقه بتجي بالمواقف البتعيشها مع الزول يعني اسبل ثقتها في عمر ما مبالغ فيها ابدا ليه؟؟
لانه هي واثقه من انه هو بحبها الاولاد ماف شي بجبرهم علي بت هم ما عايزينها يعني لو ولد ما دايرك والله ما بهمو يكسر قلبك ولا غيرو برميك طوالي
لكن عمر بحب اسيل ودايرها وما شايف غيرها واسيل لو ما واثقه من الحاجه د كانت نقت عليهو وغيرو وغيرو نا في النهايه هي انثي واطباع الانثي ما بتتغير الا عشان راجل بحبها❤️❤️
انتي اديهو ثقتك لو كان بحبك وبحبك ما بالكلام بالتصرفات
وانت خليك راجل وكون قدر ثقتها الادتها ليك دي❤️❤️❤️❤️❤️❤️❤️❤️❤️
#يتبع
الليله البارت عشان نخت في الروايه شويه حب ونفسيات وكده😂😂😂😂😂😂😂
في امان الله
ما تنسو التصويت😉❤️
