*لِحُزني حكايه....YARA YACOUP*
الجزء الثالث والعشرون
بقيت قاعده وحاضنه عمر بس وببكي لحد م عدت ذي تلت ساعه كده
عمر...ارح اركبي العربيه.
ساقني ومشيت معاهو بدون م اديهو ايي ردة فعل ركبت وهو دور العربيه وانا اصلا م عارفه نحنا ماشين وين فضل ماشييي كده وانا سرحانه بس لحد م العربيه وقفت فجأه لقيتو تقريبا كده وداني شارع النيل انا م بعرفو غايتو لكن ورتني ليهو منى قبل كده..قمت نزلت معاهو قلتليو د شنو المكان د قال لي شارع النيل ساقني ومشينا حته كده طلعنا فوق في طوالات كده قاعده وطاله على البحر والمكان رايق شديدد وبارددد قعد وقعدني جمبو وبقا بمسح لي ف دموعي
عمر....مالك انتي يا اسيل الحاصل عليك شنو؟
قلت ليهو عمر عاين انا اصلا امي من م ولدتني ماتت يوم ولادتي وكنت عايشه ف امريكا م حصل جيت السودان د خالص ولا حتى اهلي م كنت بعرف منهم زول كنت عايشه مع ابوي بسسسس وابوي كان ماخد دور امي وابوي واختي واخوي لاني واحده عندو م كان بيرفض لي طلب أبداً م كان حارمني من أيشي وكان حتى شغلو ف امريكا وعندو شغل هنا ممكسو ل اخوهو وراجل تاني.
قبل كم يوم من موتة ابوي الله يرحمو كان الشغل ال فالسودان هنا حاصله فيهو مشكله وابوي اضطرا انو ينزل و دي كانت اول مره افارق فيها ابوي...اليوم المفروض امشي استقبل فيهو ابوي من المطار اتفاجأت بي انو ابوي انا مات ومات كيف؟ابوي مات مقتول يا عمر م مات موتة الله دي .
ابوي مات مقتول ب ١٣ طعنه يا عمر
_هنا عمر ملامح وشو اتغيرت شديدد م عارفه لي اللهم اني م ركزت معاهو بس كنت بحكيي وانا ببكي
#نرجع
هنا انا طوالي قررت اني ارجع السودان واشوف د شنو البحصل د وانو د منو الابوي غلط معاهوو للدرجه دي عشان يموت ب ١٣ طعنه؟
د الهدف الاساسي ال انا جيت عشانو من امريكا.
لمن جيت هنا ي عمر واتعرفت على اهلي اكتر اتنين بقو قريبين مني اولاد اعمامي مازن ومؤيد وبدو يشتغلو معاي على قضية ابوي و وصلنا ل معلومات اتمنيت انها م تكون حقيقه اتمنيت انو الارض تتشقا وتبلعني قبل م اسمع الكلام د
اصلا من م.بديينا نحقق فالقضيه م كان في اسم بيتكرر لينا غير اسم انور وحتى كنا شاكين فيهو لانو انا شخصيا مره سمعت ابوي بيتكلم مع الراجل د والراجل د بيهدد ابوي انو حيكشف ليهو السر حقو لو م نفذ طلباتو وابوي كان بهددو بالقتل للاسف!
لمن جيت وحققت فالقضيه لقيت انو السر الكان انور بهدد بيهو ابوي انو للاسف شركة ابوي الهنا كانت حقت غسيل اموال💔💔💔حاولت ب أيي طريقه أوصل ل انور وبعد.م.قربت أصل ليهو اكتشفت انو انور مات قبل م يموت أبوي ب أربعه يوم!!!
فقدت الأمل في الاول لكن انا اصريت انو اكمل
كملت وبقيت افتش لحد م.وصلت ل انو شركة ابوي كانت بتهرب اسلحه لي واحد اسمو توشكر و تقريباً د.كان الزعيم...حاولت اوصل لي توشكر لقيت انو توشكر مات في نفس اليوم المات فيهو أنور.
بعد.م وصلت للنقطه دي الدنيا ضلمت في شدديددد حسيت انو انا ضعيفه شديددد وقتها
انا اسيل ال دائماً كنت قويه وكبيره ف عين نفسي
م كنت متوقعه يجي يوم ذي د واضعف للدرجه دي وانا لحد الدقيقه دي يا عمر م وصلت ل حاجه
عمر....أسيل يا قلبي ال انتي استحملتيهو د مافي وحده غيرك كانت استحملتو وبالجد انا م عارف انتي كيف ف سن ذي د استحملتي د كلو وفوق د انتي لسه قويه وبتضحكي على الاقل ف وش اييزول بتلتقيهو.
.انا هسي م بطبطب عليك لانو الطبطبه بتريحك ف وقتها بس م اكتر انا هسي عايز اقوليك انو انتي تاني ايي خطوه تخطيها ل قدام انا ح اكون معاك فيها وم حااخليك مهما قست عليك الظروف ومستحيل اخليك ف نص الطريق وامشي حنكمل معبعض ايي مشكله حتلاقيك م حتقبلي الا وتلقيني وراك وماسك يدك وبإذن الله حتطلعي من المحنه دي وانا متأكد انك قدها وقدود بش هسي م تبكي انتي اتفقنا؟
حضنت عمر شديدددددددد لاني بالجد كنت لاول مره محتاجه ل كلام ذي د
الكلام الكنت بقعد قدام المرايه وبقولو ل نفسي عشان ابقا قويه...اليله كنت محتاجه زول يقولو لي أنا والحمدلله لقيتو من الزول الصح.. مسحت دموعي وعمر وصلني البيت
خشيت البيت حسيت نفسي شويه ارتحت بعد م.اتكلمت مع عمر مع اني م بحب احكي ل زول عن حياتي الشخصيه ولا بحب افضفض ل زول ولا متعوده.على كده وبحل مشاكلي بنفسي بس انا لمن اكون مع عمر بحس اني زول تاني بحس اني م أسيل القويه بحس انو كأنو عمر my drug =المخدر حقي
استحميت وغيرت هدومي ورقدت وبقيت بفكر في عمر لحد م نمت
صحيت على صوت جوالي وهو بيضرب رديت بدون م اقرا الاسم
الو؟
د كلو نوم؟
نعم؟منو معاي؟
عمر
بسرعه نطيت فالسرير وصلحت قعدتي الو اي اهلين عمر
عمر...امس نمتي بدون م ترسلي لي وهسي مستغبيه فيني العرفه؟
قلت ليهو امس كنت تعبانه شديدد وهسي انا صحيت على صوت التلفون ياخ😂😂
عمر...طيب كيفك
قلت ليهو كويسه والله الحمدلله كيفك انت والساعه كم عليك الله
عمر...مدام انتي كويسه انا زاتي كويس والضهر فضل ليهو ١٠ دقايق يا وارثه
قلت ليهو شتتتت؟؟؟لي انا نمت د كو سجمي اقفل اقفل خليني اقوم استحما وارجع ليك يلا باي وقفلت طوالي.
عمر بينو وبين نفسو....البت دي متخلفه ولا شنو؟الله يعيني بس عليها.
المهم قمت خشيت استحميت وطلعت لقيت الضهر اذن صليت ولبست لي عبايه خليجيه ورفعت شعري كعكه جايطه فوق واتريحت ونزلت تحت لقيت العيله ماشاءالله تبارك الله متجمعه كالعاده.
خالتو هاجر...صح النوم يا كسلانه د كلو نوم؟
قلت ليها والله يا خالتو انا زاتي مخلوعه في نفسي مالك م صحيتني يا منى
خالتو هاجر....ي بتي منى زاتا قامت قبلك ب نص ساعه اليله انتو م نصيحات نحنا فطرنا وشربنا الشاي امشو هسي سخنو الاكل د و اكلو
منى....اسيل امشي نادي مازن برضو مسافة اسخن الاكل عشان هو م اكل.
قلت ليها طيب
طلعت الجنينه بره لقيت مازن فاتح اللابتوب وجمبو ورق كتير و وشو مكشررر كده
مشيت عليهو..مازن؟
مازن...اسيل اهلين
قلت ليهومالك زهجان كده؟
مازن...والله يا اسيل الشغل ضغطه عجيبه ياخ وقت اتنفس فيهو زاتو م لاقي
قلت ليهو يحليلك والله خلاص اسي قوم تعال افطر وارتاح شويه وارجع كمل
مازن...خلاص طيب ارح
خشينا جوه وقعدنا فطرنا وقعدنا كلنا وانا جبت دفتر وقلم وقعدنا نخطط ل العرس وكل زول بقول رأيو فالنهايه وصلنا ل انو العرس حيكون لمدة خمسه يوم😂❤️❤️يوم ل حنة العروس ويوم حنة العريس ويوم حفله فيها العريس والعروس ويوم العرس ويوم للجرتق وانو بين كل حفله والتانيه حيكون في قاب للراحه😂❤️والعرس حيكون بعد شهر من يوم اليله د قامت منى قالت انا ح اكون شبينة مؤيد افكورس ومحتكون في وحده معاي لو سمحتو يعني قمت انا قعدت اضحك قامت نور قالتليها لي انتي على راسك ريشه ونحنا على راسنا حشيشه؟
منى...اي ان شاءالله في مانع؟ والمهم خلصنا ونسه واتفاقات وكده وكل زول قام شاف شغلتو..انا طلعت فوق شلت تلفوني دقيت ل عمر طوالي
عمر....اتاخرتي علي شديد
انا بيني وبين نفسي الكلمه دي خشت جوووهه قلبي بس مسككت نفسي.
قلت ليهو والله كنا بنجهز ل عرس مؤيد وكده مش حكيت ليك انا
عمر....اهااا كويس والله الله يتمم ليهو على خير ان شاءالله
قلت ليهو امين ي رب اها احكي لي
عمر...بكره الصباح الساعه ٩ خليك لابسه وجاهز
قلت ليهو لي فيشنو؟
عمر...م داير ايي اعترراضات انا دايرك تجي معاي المكتب حقي وجيبي معاك اللابتوب حقك عشان حنبدا نتناقش فالقضيه وحتجي تفطري معاي هناك
قلت ليهو مكتب شنو شغال انت؟
عمر....اي شغال بحكي ليك.بكره وبتعرفي كلشي بكره بس المهم هسي جهزي حالك من بدري م داير تاخير
قلت ليهو خلاص طيب ان شاءالله
عمر...بحبك
انا:......
عمر....الو؟
انا.....
عمر...م دايره تقوليها لي؟
انا:.....
عمر...طيب معالسلامه
قلت ليهو معالسلامه وقفلت طوالييي
بقيت ماسكه صدري لاني حسيتو حيطير من مكانووو سامعه دقات قلبي فيي اضاني وبرجف شديدد كل م اتزكر صوتو وهو بقول لي بحبك
قمت اتوضيت وصليت المغرب ونزلت تحت جبت كباية نسكافيه وجيت قعدت في المكتبه حقتي جيت دفتر وقلم وفتحت قوقل فالفون وبقيت ببحث ف قضايا وبقرا وباخد معلومات وبسجل عندي والحاجه دي بتريحني شديدد يعني بكون مركزة شدييييددد وبقيت بكتتببب بس ومتنشنه مع القضايا شديد لحددد م جات ١١ بليل كده لقيت نفسي تعبت طوالي قفلت وختيت تلفوني فالشاحن وقمت استحميت وسويت شعري كعكات وجيت ارقد انوم كده لقيت نفسي عايزة اتصل ل عمر بس خجلانه شديد من موقف قبيل بقيت قاعده افكر ف انو ادق ليهو ولا لا لحدددد م نمت صحيت الصباح بالمنبه الساعه ٨ ونص قمت استحميت وصليت وقريت يس وسرحت شعري وسويت مكياج خفيف..لبست بلوزه ساده اكمامها كامله بيضا معاها هاي ويست بالابيض والاسود والاصفر وهو مكسر كده وللبست شبط اصفر وطرحه صفرا قمت اتصورت وختيتها ستوري وكتبت"تستحق قلوبنا ان تحمل على كفوف من الحب ولا نستحق ان نهان ولا يستهان بنا"❤️.
وشلت شنطة اللابتوب ونزلت تحت كلمت عمو يوسف اني طالعه مشوار وامكن اتاخر ف م تخافو وطلعت
اول م عايزه اركب العربيه اتصل علي عمر
عمر...م تركبي قبلي وراك
انا:كيفيعني م اركب؟
عمر...قلتليك قبلي وراك
قبلت لقيتو واقف ب العربيه😂😂❤️قفلت في وشو الخط وبقيت واقفه عشان اقطع الظلط والعربات م عايز تقيف نهاااايييي قام عمر نزل من العربيه قطع وجاني
عمر...انتي لو م طلعتي روحي م بعرفوك مش؟اسي ظلط ذي د م قادره تقطعيهو؟
قلت ليهو جنيت انت؟م شايف الظلط د زحمه كيف؟م منظمين انتو ياخ مفروض الغرببه تقيف للزول العايز يقطع.
عمر قعد يضحك ب صوت عاالليي قايله نفسك ف امريكا انتي ولا شنو يا بت ارح ارح قطعني الظلط ومشينا ركبنا العربيه
عمر...دي شنو الحلاوه دي اليله؟
قلت ليهو سانكيو❤️❤️.
عمر...نتحرك؟
قلت ليهو اي❤️🙇🏻♀️
عمر دور العربيه ...فجاءه لقيت نفسي بس مركزة معاهو وهو لابس قميص زيتي وبرموده لحد ركبتو بالكحلي وكروكس ف رجلو وشكلو حلو شديدددد وهو سايق كده بس بقيت سرحانه فيهو شديددد م حسيت ب نفسي الا وعمر بقول لي:نازله ولا حتقعدي تعايني لي لسه؟
خجللتتتتت شديددد وخشيت فييي ضفوري وقعدت انبز في نفسي وبي تمتمه كده قلاليو :ا ا ا ا اي نازله نازله
نزلت وانا خجلانه منو شديد وهو بيتبسمم الممهم اول م خشيت الشركه اتصدمت لانها واضح انها شركه كبيره شديددددددد وراقيه شديددددددددددد والناس كلها بتسلم على عمر كده يعني انا زاتي لمن خجلت فضلنا ماشين لحد م خشينا مكتب لقينا بت اظنها سكرتيره من طريقه كلامها مع عمر سلم عليها وقاليها سوي القلتو ليك وجات فتحت لينا الباب خشينا مكتب جووهه وهي طلعت...عمر قعد وقال لي اقعدي...قعدت وقلتليو ممكن افهم د شنو؟
طيب ي ستي...دي اكبر شركة محاماه فااخرطووم والشركه دي بدت من المكتب د...دي شركتي انا و د كلو شغلي هنا.
قلت ليهو كيف يعني شغلك؟والجامعه؟وليه خاشي طب طيب اذا انت محامي؟
عمر...شغلي م بأثر على جامعتي لأني م بجي هنا دائماً ومسوي احتياطاتي والطب انا خشيتو فقط عشان امي كانت عايزاني اقراهو وم بقدر ارفض ليها طلب لكن انا اساسا شغال هنا حتى شغلي د بدا من قرايتي للكتب والقضايا حتى بديت شويه شويه لحد م وصلت ل اني اطلع شهادة خبره وفتحت الشركه دي وصارف منها علي وعلى ناس البيت والحمدلله.
قلت ليهو والله يعني ماشاءالله ي عمر صدمتني عديل كده
عمر...م اصدمك.الا انا😂❤️
قلت ليهو لا بالجد.ياخ الله يوفقك والله +انت م حصل حكيت لي عن اهلك لي؟
عمر...هسي احكي ليك ال في شنو وال مافي شنو؟
طيب اسمعي انا ولد واحد وعندي اخت وحده اسمها دنيا ف اولى ثانوي وامي اسمها رحاب وابوي (الله يرحمو)ضياء.
ابوي اتوفى قبل فتره بسيطه وانا حاليا راجل البيت وعندي الله د فوق وامي واختي تحت يعني م عندي.غيرهم انا❤️🙏
قلت ليهوالله يرحمو ان شاءالله و الله يخلي ليك امك واختك يا رب
_عمر وهو بعاين لي جووههه عيوني:ويخليك.لي انتي ان شاءالله❤️❤️.
#استاذ عمر ممكن اخش؟
اناقلت بي صوت واطي الحمدلله الحمدلله انو جا زول فاللحظه دي
عمر...قلتي حاجه؟
قلت ليهو ب تمتمه:ا ان ان انا؟لالا ابدا مقلت شي بس الباب بدق
عمر..اتفضلي يا كرستين
جات البت خاشه وشايله صناديق اكل ف يدها وشوكلاتات وبارد.ختتهم وطلعت
قلت ليهو الله د كلو لي والله خجلت عديل كده
عمر...والله انتي م كويسه ارح ارح نفطر يلا عشان نبدا 😂❤️❤️
قلت ليهو طيب
بدينا ناكل في سكاتتت لحد م خلصنا وغسلنا يدينا وجينا وفتحت اللابتوب حقي وبدينا نربط.فالاحداث واجيب ورقه وقلم واكتب والوقت مشا فالنهايه سخنتتت فكيف اللفه حقت طرحتي وقلعت شبطي وقعدت فالارض اتربعت وبقيت بكتب وببحث ونتناقش قطع علينا الحوار تلفون عمر
الو اي يا كرستين؟
كرستين...ايوه ي استاذ في زول عايزك ضروري قال عايز يقابلك
عمر...طيب خليهو يتفضل وقفل الخط
عمر...خليك هنا انتي اشوف د منو الجا وبرجع ليك.طيب؟
قلت ليهو طيب
اصلا كنا قاعدين ف الطقم حق الكراسي حق المكتب وهو ل جوه يعني الزول م ح اشوف وشو انا..خليتو يمشي وبقيت بكتب وبقرا لحد م.تعبت وهو اتاخر شديددد فالنهايه فييي قعدتي ال في الواطه دي تكلت راسي فالتربيزة ورقدت لاني صدعت شديدد
م حسيت الا وعمر بقول اسيل؟اسيل؟قمت مخلوعه قلت ليهو انت جيت؟انا نمت؟
عمر...اي انا اتاخرت شويه مع الراجل د.بره وجيت لقيتك نايمه
انا وانا بقوم:م حسيت بنفسي والله ياخ معليش بس صدعت شديد لاني ذي الوقت د.بشرب قهوه وانت اتاخرت فقلت انتظرك
عمر...كنتي تدقي لي طيب قومي خلاص.اقفلي اللابتوب د وبخلي كرستين تجيب ليك قهوه
انا وملامح وشي بائسه:لكن ي عمر نحنا لينا اربعه ساعات بالحاله دي وم وصلنا ل شي💔💔
عمر....م تفقدي الامل من اول مره مش انا معاك؟كلو خير ان شاءالله ي قلبي❤️🙏.
قلت ليهو طيب ان شاءالله
عمر...يلا قومي غسلي وشك مسافة ياسمين تجيب ليك القهوه
قمت خشيت الحمام غسلت وشي ولفيت طرحتي وطلعت وانا دايخه شديددد لانو النومه ال ذي دي كعبه شديد وفنفس الوقت كنت خجلانه من نفسي انو عمر جا لقاني نايمه بالطريقه دي ياخ
طلعت قعدت فالكرسي قفلت اللابتوب ختيتو فالشنطه وشلت تلفوني وبقيت شغاله بيهو لحد ما كرستين حابت لي القهوه شكرتها كده وبديت اشرب
عمر جا داخل من بره وقعد معاي
بقيتي احسن؟
قلت ليهو يمكن شويه اي الحمدلله
عمر بقا بعاين لي وانا خجلانه شديدد وفنفس الوقت نفسييي اعاين ليهو ومشاعر كده ملخبطه شديدد فالنهايه استسلمت وقلت انا من متين بسوي دراما بالشكل د ..ختيت كبايتي حقت القهوه وصلحت طرحتي وصلحت قعدتي وعاينت ليهو قلتليو عمر انا زاتي بحبك..وانا برضو لمن انت تكون م معاي بكون زهجانه ومتضايقه كانو في صخره فقلبي وانا برضو بحب اتصل ليك كليوم ذي م انت بتتصل لي وانا برضو بحب اقعد.معاك اطول فتره ممكنه لاني انا من اول يوم شفتك فيهو انا م قادره افهم نفسي.
عمر وهو بتبسم وبعاين لي شديد:اها وتاني؟
قلت ليهو ششن شن ششن شنو تاني؟
عمر...بس د العايزة تقوليهو؟
قلت ليهو اي
عمر قرب مني شديد وخت يدو في يدي...انتي عارفه انو انا من م شفتك ياداب اليله ح اقدر انوم مرتاح؟
قلت ليهو لي؟
عمر...اسيل انا من م شفتك من م شفتك وانتي سرقتي قلبي والله صراحه كده يعني انا بقرا فالجامعه دي لي اربعه سنه م حصل عاينت لي ل بت م حصل اتونست لي مع بت م حصل حبيت بت او اعجبت بيها ابدا ابدا اسيل انا بحبك شديد والله العظيم
قلت ليهو ..م قلتليك انا زاتي بحبك اقول شنو تاني يعني؟
عمر...انتي ي بت اييزول برتدي ليهو رد سمح وظريف .
بتتلاءمي معاي انا لي؟
قلت ليهو عشان انا م بقدر آخد اريحيتي فالكلام الا معاك انت ياخ😂😔لكن بالجد انا بحبك شديد والله د غير اني اول مره فحياتي احب او اعجب او انجذب ل زول
عمر حضني شديددد بالجد كل م يحضني بحس اني مبسوططه شديد بحس انو انا هنا كويسه شديدد وم زعلانه من حاجه.
عمر فكاني وقال لي بعد د لازم اوصلك عشان اتاخرتي قلتليو طيب وطلعنا ركبنا العربيه بقيت راقده ف قزاز الشباك ومقبله على الشارع وساكته بس
عمر...حلوه شديييييييد وانتي سرحانه
انا بدون م اتلفت ليهو:ركز في سواقتك عشان م نسوي حادث ي قلبي
عمر...والله انتي م بتستاهلي الغزل زاتو
قلت ليهو بحبك اسفه😂😭❤️
سكتنا على كده لحد م وصلنا اول م وصلنا عايزة انزل كده عمر مسكني من يدي
قلت ليهو مالك؟
عمر..نازله كده؟
قلت ليهو اي نازله كده لي؟
عمر...شعرك طالع من وراه
انا مسكت شعري من ورا لقيتو كلووو بره الطرحه وهو مفكوك وحالتي صعبه ولقيت نفسي قبيل لمن نمت فالمكتب وصحيت م رجعت القمطه للمره المليون اتحرج قدام عمر للاسففف واضطريت اني انزل طرحتي قدامو عشان الف شعري يعني بالحد موقف محرج
نزلت طرحتي ولفيتو ورجعتها وبقيت بزبط فيها
عمر...سمحه والله سمحه كفاها
قلت ليهو وانا زعلانه بالجد اسكت بس لي م نبهتني من قبيل؟
عمر..م انا لو ركززت من قبيل كنت نبهتك
قلت ليهو طيب يلا باي ونزلت خشيت البيت سلمت عليهم وطلعت اوضتي طوالي اتوضيت وصليت المغرب وغيرت هدومي ونزلت ليهم تحت تاني عشان انا م بحب انهم يحسو اني م بقعد معاهم كتير ولا بطلع كتير ولا كده قعدنا نتونس كده وكالعاده في موضوع العرس ونزبط فالامور كده وقمنا بعداك ااييزول مشا اوضتو..انا اول م خشيت برغم اني ارتحت انو اعترفت ل عمر وانو اليوم كان حلو معاهو لكن لسه قلبي ولسه تفكيري وكلشي فيني مع قضية ابوي ال للاسف م قدرت اوصل فيها ل شي جديد م قادره اعاين ل نفسي وانا حاسه ب خيبة الامللل الفيني بقيت قاعده ووبفكر بس حيحصل شنو وح اقدر اصل للدلايل كلها منوين؟قطع علي تفكيري مكالمة عمر اول م شفتها شلت تلفوني وطلعت البلكونه ورديت عليهو وقعدت اتونس معاهو لحد م نمت فالخط.
#دردشتنا
طبعا أسيل حست بذنب كبير لمن طرحتها اتفكت قدام عمر لانو عمر فالنهايه م من المحارم ليها ومهما كان قريب منها مستحيل ترضى توريهو ولا سبيبه من شعرها
ف انتي يالبتكوني محجبه للناس كلها الا ليهو هو اتزكري انو هو م من المحارم حقنك واتزكري انو الحجاب د م ب اختيارك انتي الحجاب د مفروض عليك فررضض وكل شعيره ب جميره وانو حتى لو كنتي بتحبيهو حتى لو جاي يخطبك بعد دقيتين م ليهو حق يشوف ولا سبيبه من شعرك الا بعد م تبقي انتي في ذمتو❤️❤️.
#يتبع
في امان الله
ما تنسو التصويت
اي بتاخر عليكم لاني عندي اخوي ممتحن ولي فتره عيانه لكن ان شاءالله بعوضكم
وكالعاده شكرا اسيل علي كل شي
