*لِحُزني حكاية....YARA YACOUP*
الجزء التاسع والعشرون
كده خلاص انا اتخرجت وبقا ما عندي عذر وعمر كمان مبالغه مستعجل شددددييييييييدددد للعرس طوالي الناس بدأت تجهز للعرس والبيت فجاءه بقا مقلوب طبعا دنيا وتالا معاي وفي بنات اهلي من بعيد والبيت مليان ومحمد ومؤيد جو وخطيبه محمد جوان وكده الناس ملمومه شديد وانا داخله فيني رهبه مبالغه ما كنت دايرا العرس سريع كده لكن اها اتخرجت تاني ما عندي اي عذر اتعذر بيهو اصلا لو فكرت اقول لي عمر اجلو حيديني كف 😂😂😂😂😂😂😂😂😂
طبعا كل يوم بالليل بنقعد في الغرفه انا وتالا ومنى ودنيا وجوان ونسهر وكده والفتره د عمر كان مضغوط بين انه بدا يجهز في البيت العنعيش فيهو في الامارات وبين انه بمشي الشغل وبرجع فكان بتكلم معاي بالليل بس المهم يوم قاعدين في الغرفه بالليل كلنا بنتونس ونضحك وكده جاني مسج من عمر لقيتو مرسل لي اكاونت بتاع فساتين اعراس قالي امشي شوفي طوالي اتصلت عليهو
عمر... حبيبي المشتاق ليهو
قلت لبهو قلبي وانا كمان والله نفسي اشوفك
عمر.....هانت يا قلبي كلها كم يوم وتبقي معاي❤️❤️
قلت ليهو عمر انت عارف اني ما حشتري فستان من هنا ووريتك قلت حتخلي صحبك يجيبو من دبي هسا حصل شنو
عمر....ياخ قلت مشوار ويتاخر وكده فعشان كده قلت اوريك ديل هسا مالهم يا اسيل
قلت ليهو انت قايلني زيك اصلا انت زوك يعني استغفر الله بس خليك في بدلتك بس فستاني بتصرف انا
عمر....والله انتي هبله اصلا ما عاينتي ليهم انتي
قلت ليهو اي عارفه المهم كيفك
عمر.....والله تعبان تعب من سته صبح في الشركه ومشيت الوكاله ورجعت كان عندي اجتماع دخلت البيت هسااا
قلت ليهو حبيبي يديك العافيه يارب طيب ارتاح
عمر...لالا اتكلمي معاي كده لمن انوم
قلت ليهو طيب اها
قعدنا نتونس كتير شديييدد لمن فجاءه هو فصل بقيت بقول ليهو عمر قلبي وينك ما برد عرفتو نام ضحكت وقفلت الخط😭❤️❤️❤️❤️❤️❤️❤️❤️❤️❤️❤️❤️❤️
قبل ما اقفل التلفون ختيت فالستوري اي زول عارف اكاونت في دبي او تركيا بوصل فساتين زفاف للسودان يكلمني
وقفلت التلفون علي كده ونمت صحينا بكره الصباح برضو كان مفروض اطلع امشي سوق او مول اجيب منو حاجاتي انا قعدت في السودان خمسه سنه ما حصل اشتريت هدوم من هنا اي شي من بره لكن ما كنت دايرا اقول كده لي عمر عشان ما احس اني ثقيله
واحنا لابسين وطالعين كده جات خالتو هاجر قالت لي نغم د برا
قلت ليها وتت دايرا شنو؟
خالتو هاجر.....يا بت امرقي شوفيها
قلت ليها حاضر
نزلت سلمت عليها عادي وقعدنا
نغم....طبعا انا مسافره الامارات بكره ان شاءالله
وشفت امبارح ستوريك فممكن لو عادي انا اجيبو ليك من هناك
قلت ليها لااا حبي شكرا مافي داعي
نغم....اسيل كده انتي بتحسسيني بالذنب اكتر انا عرفت غلطي ونفسي اقدم ليك شي انتي وعمر
قلت ليها ما عارفه اقول ليك شنو المهم خلاص اوكي لكن ما بتختي ولا قرش منك
نغم...كيف يعني والفايده شنو
قلت ليها انا هناك في شركه ابوي حخليك تتواصلي مع المحاسب حقها وهو يدفع
دنيا وتالا وجوان ومنى قعدو يقرصوني والبحمرو لي
فهمتهم طوالي قلت ليها الاخوات دتيرين فساتين
قعدت تضحك قالت طوالي ما عندي مشكله بالليل نسوي قروب ونتفق علي اي شي
سلمنا عليها ورجعنا الغرفه زي المتخلفات بقينا نتونس وطبعا دنيا ومني لسانهم مبالغه قعدو يقطعو فالبت
انا شلت تلفوني واتصلت لي عمر ردا لي قالي اقفلي مشغول انا طبعا اتغظت غيظظظظ وزهجت وقفلت معاي ما عارفه ليه بس ما حبيت الكلمه يعني هو ما قادر يفضي نفسو خمسه دقايق يشوفني دايرا شنو ويرجع لي شغلو اتحرقت شديد لكن كنت مستغربه فنفسي عشان انا زمان الحركات د ما بتفرق معاي لكن عمر غيرني شديد خلاني اعمل حاجات ما كنت قايله نفسي حعملها المهم رجعت للبنات جوه كانو بخططو وبتعاورو
قمت انا قلت ليهم فشنو مالكم؟
تالا...عايني هوي ما دايرين في العرس تسوي لينا فيها عروس وبتاع والله بديك كف بخلي وشك لونين
دنيا.....تتخجل لي مش صالتين؟
منى....واي منك يا اسيل هسا في داعي نحن كنا دايرين الاولاد انا عن نفسي حكون في صاله الرجال
ضحكتني شديد المتخلفه😂😂😂😂😂😂😂😂😂😂😂
قلت ليها منى انا محجبه وبعدين عمر لو ما صالتين منفصلات ما حيخليني البس فستان عريان وانا اصلا ما برضي لاني التزمت بي شي
دنيا...حتدينا محاضرات احسن نسكت
قبل ما ارد لي دنيا عمر اتصل مشيت ختيت التلفون في التسريحه وقعدت اسرح شعري وما رديت بقا بتصل كتير حلفت ما ارد
في النهايه اتصل لي دنيا ردت اي يا عمر
اي هنا جمبي وقالت لي ما بتردي ليه انتي هاك عمر
قلت ليها لالا قوليه بتصلي
دنيا...انتي عويىه هاك
شلتو منها قلت ليهو عاين انا مشغوله هسا برجع ليك بعدين وقفلت منو
عمر هناك قعد يضحك قال راسها قوي لو ما استدت حقها ما بترتاح الله يصبرني عليها
تالا ومنى قالو لي هسا انتي مشغوله فشنو
قلت ليهم ما ضروري تعرفو مشغوله وبس ما بخصكم المهم عاينو نفسي شددددييييييييدددد في بيتزا انا لي كم ما اكلتها
دنيا....ليك اظن يومين شنو من متين دراميه خلاص
تالا....😂😂😂😂😂😂😂😂😂دنيا مبالغه
جوان جات داخله من بره كلنا بقينا بنعاين ليها
جوان...واي فشنو مالكم
تالا....الفي يدك شنو
جوان...كرتونتين شوكلاته جابهم لي محمد ليه
قلت ليهم خلاص خليهم نقزقز بيهم بالليل هسا ارح نمرق ناكل بيتزا
منى....رسلي لي الرقم بس بتاع الدلفري وانا بطلب
قلت ليها منى انتي هبله انا دايرا اطلع
تالا....طوالي ارح
جوان...ولدك وين انتي؟؟
تالا...سجمي ختيتو وين انا نسيت
انا من شده ما ضحكت لمن وقعت فالارض😂😂😂😂😂😂😂😂😂😂😂😂😂😂😂😂😂
تالا...انا جاده والله ويت اضرب لي مؤيد
ضربت ليهو مؤيد حبيبي
كرستيانو معاك
خلاص تمام انا مارقه اكل بيتزا مع البنات جهز لي قروش
يلا طالعه
طلعنا كلنا بي عبيات وكمان جوان ومنى وانا تياب وشباشب
طلعنا لقينا مؤيد واقف لي تالا وشايل كرستيانو في كتفو ونايم شوف تالا لمن شافتهم
واييييي حبيبييييي انا البساعدني وبنوم ولدو
مؤيد....زحي يا بت امشي شوفي اكلك بي وين انا وولدي داخلين ننوم
تالا...يخسي عليكم انتظروني
مؤيد....مرقي القروش من الجيب د
تالا مرقت المحفظه وشالتها
مؤيد...تعالي هنا شيلي ورجعي الباقي
تالا....لي يا مؤيد نحن مش واحد واصلا انت عارفني ما بصرف كتير
مؤيد....ههههااييي د منو الما بصرف كتير ما عارفك انا خلاص ختيها بديك البطاقه
تالا....كضاب احلف
مؤيد....في بت بتقول لي راجلها كضاب
تالا ضحكت ورجعت المحفظه وشالت البطاقه ونحن ماشين مؤيد كورك لي تالا هي اتلفتت قاليها فيها الف ونص بس وقعد يضحك وخشا
تالا....واييي اتخيلو دقيقه والله ما اخليهو
جوان....خلاص اقعدي يا متخلفه اصلا حناكل بس نحن
ركبنا العربيه مشينا البيت المصري اصلا نحن حظنا كعب بس نزلنا المطره قعدت تصب ودنيا فاتحه كاميرا وبتصور ونحن والله زي المجانين بي تياب كده وخاشين مطعم
دخلنا وطلبنا البيتزا والعصير وقعدنا ناكل ونتونس واي زول بجي خاشي بعاين لينا اي زول
وانا بشرب في الببسي عمر اتصل لي اتزكرت انه منبهني ما اطلع لو ما وريتو بقيت بين ارد ولا ما ارد قمت قلت اصلا عمر بيكره الكذب انا ارد واستسلم للامر الواقع رديت قلت الو
عمر....البيت المصري منور يا اخت
قلت ليهو ااا بيت مصري شن. ما فهمتك
عمر....لي طلعتي بدون ما توريني ؟
قلت ليهو هناي جات صدفه وانت عرفت كيف
عمر...لمن تفضي من الطلعات بعدين اتصلي لي وقفل الخط
اتخلعت شديد وخفت قلت ليهم عمر عرف اننا نرقنا
دنيا بي برود....اي شايفاهو علق علي الستوريات
قلت ليها ياخ الله يلعنك يا دنيا متخلفه د
المهم ارح نفسي قفلت اصلا
طلعنا مشينا لمن وصلت البيت اتصلت عليهو ردا قلت ليهو رجعت
عمر....حمدلله علي السلامه
قلت ليهو عمر انت عارف انه ما قصدي لكن والله فجاءه نفسي جات علي بيتزا ومرقنا اكلنا ورجعنا
عمر.....طيب حبي صحه وهنا يارب
قلت ليهو علي قلبك يا سكر
عمر...ما تشاغليني يا بت
قعدنا نتونس كتير لمن نمنا
**************************
تالا....اسيل واي عرسك بكره متخيله معاي انتي؟
قلت ليها اسكتي مني ما توتريني ياخ
تلفوني اتصل لقيتها نغم.
قلت ليها اي يا نغم
قالت لي انا تحت تعالو لي عشان ترفعو معاي
نزلنا تحت كلنا نغم جايبه معاها اربعه شنط انا لمن اتصدمت
دخلنا جوه اول شي ورتني فستان العرس كان بسيط لكن كبير شديد وكان استرابلس لانه الصاله بنات بس وتاني شنطه فيها فساتين البنات وتلاته شنط مقفوله
الفساتين حقتهم كانت حلوه شددددييييييييدددد شديددد
قلت ليها نغم د شنو الجايباهو تاني
لمن فتحت الشنط لقيتها جايبه لي قمصان نوم وبجامات ولبسات وبناطلين كتيره بشكل ما عادي وكريمات وصندوق ميكب كامل
جوان ودنيا بقو بصرخو قلت ليها نغم بتببببالللغييي ؟؟؟؟؟
نغم.....انتي اختي يا بت وصخي الامانه جبتها ليك
قلت ليها اهم شي وريني
طبعا الامانه كانت بدلة عمر لانه هو بارد ومستحيل عشان بدله يجيبها من بره
المهم نغم قالت حتمشي لكن انا حلفت الا تبيت معاي وفعلا بتنا كلنا سوا
تاني يوم صحتنا تالا هي اصلا بتنوم مع راجلها بس بتسهر معانا
جات قالت لينا قومو يا بنات اسيل الليله عرسك قومي
انا لمن سمعت الكلمه نطيت من السرير ونغم وراي ودنيا صحيناها الوحيده المستحيل تفتح عينها جوان دي نحن نص ساعه بنكون بنصحي فيها قعدنا نصحي فيها لحدي ما قامت كلنا قمنا ختينا ماسكات في يعرنا وبدينا نعمل اضافرنا وطبعا اي وحده جابت الميكب حقها والاكسسوارات ختتهم بقا في كميه خياليه من الحاجات واصلا تالا عندها مكنه الاضافر فما احتجنا شي قلبنا الغرفه كوافير بعد ما عملنا الماسكات وكده
تالا سوت لي حمام بتاع حليب وحاجات العروس د لمن الساعه جات اتناشر المره البتحنن جات رسمت لي رسم مبالغه وتالا طبعا ارسمي ليها هنا وهنا وخلت المره تكتب لي في عضمه كتفي Queen of omer
(اميره عُمر)
بعد ما المره مشت وانتظرت الحنه تنشف وكده العصر كان جا خلاص قمت سريع لبست الفستان والهيلز الحمدلله قدري طققققققق شعري عشان طويل شديد مسكوهو تالا وجوات كوهو لي بقا طويل اكتر يعني نزل تحت ضهري
وطوالي تالا بدأت لي ميكب لمن خلصت ميكب
نغم قالت شعرها ماشاءالله تبارك الله حنخليهو كده بس حنخت ليها تاج ما دايرين التسريحات المعولقه
فعلا الشعر خلوهو نازل لي تحت ضهري وختو لي تاج كده بالجد انا لو مشبت احسن كوافير ما كنت حطلع كده بدأو يلبسو هم كلهم كانو لابسين اسود كانو حلوين شديييييددد
جوان...خلونا نتصور معاها بعدين ما حنلقا فرصه
فعلا قعدت اتصور معاهم كتير
دنيا....ماف وحده ترفع شي ستوري عشان ما يشوفوها من هسا
بعدين جوني عمو يوسف وعمو حسين ومؤيد ومازن وديل باركو لي وكدلمن الساعه جات سبعه ونص عمر وصل عشان كده لبسوني الُبرقُس بضم الباء وهو عباره عن رداء كبير كده بتلبسو العروس المحجبه عشان ماف زول يشوفها في الطريق
عمر نزل وسلم علي باسني في راسي ومشينا الاوت دور اتصورنا كتير ومع اي زول وبعدين اتحركنا علي الصاله الهي بنات بس فيها اعمامي الاتنين ومحمد ومؤيد ومازن وعمر طبعا وصلنا وخشينا بي اغنيه ودوني علي بيت حبيبي نعيش مع بعض وطلعا الصاله منظمه والبنات وراي وانا خلاص حبه وحبكي لمن وصلنا النص وقعدنا نرقص سلو علي اغنيه اجنبيه بعداك مشينا قعدنا وبدا السلام
عمر فجاء كان بعاين لي قلت ليهو مالك
عمر...مكتوب شنو هنا كدي وريني
شافها قعد يضحك شديد
قلت ليهو عمر ما تضحك ياخ والله د حركات تالا ما انا
عمر....اصلا حلوه شديددد ياريت لو ما بتروح
قلت ليهو اسكت
تعالو شوفو المواقف المحرجه اللازم تحصل في وحده من اهل عمر جات سلمت علي وهي بتسلم التاج حقي كان حيقع لانه هي ضمتني شديد
جات جوان صلحتو لي وقعدت تنبز المره وانا وعمر ولا كانو عرسان نضحك ونعلق ساي
عمر...اسيل تعالي قريب دار اوريك شي
قلت ليهو اها
عمر...شوفي المره ديك القاعده جمب الباب من دخلت الصاله نفسي اعرفها من طرف منو
قات ليهو لي مالها
عمر....لابسه شبط اصفر مع توب بمبي
انا هنا شبه اغمى علي من الضحك والناس كلها بقت تعاين وعمر بقرص فيني
لمن الحفله انتهت انا وهو بنضحك والله
بعديها لمن اهلي جو يودعوني قعدت ابكي خصوصا خالتو هاجر والبنات بكيت شددديييييددد والله وبعدها اتحركنا علي المطار طوالي بس انا غيرت ولبست توب
مشينا المطار والناس رجعو خلاص
*****النداء الاخير لاصحاب الرحله رقم 5467المتوجها الي الامارات العربيه المتحده
عمر....يلا حبي د طيارتنا
#دردشتنا
اي اي جفاف عجيب والله الحمدلله بس المهم الليله نقاشنا الاختيار الصح بكون كيف
يعني؟؟؟
اخترتي صح حتلقي زول يقدرك يحبك يفرحك ما يرضا فيك زول يجيك بالباب ما بتاع لف ودوران زول بخاف الله فيك زول ما بهون عليهو زعلك زول بعتزر ليك حتى لو هو غلطان والاختيار الصح د بقودك لي انه حتكوني حلالو في النهايه
اختارو صحح
#يتبع
في امان الله
ما تنسو التصويت😭❤️❤️❤️❤️❤️❤️❤️❤️❤️❤️❤️❤️❤️❤️❤️❤️
