الليله اول يوم في السمستر التاني الحمدلله وبفضله انا اتحجبت ما عشان كلام زول ولا عشان رأي زول لكن اقتنعت بالحاجه د وربنا هداني وفكرت بي عقلي انه الحجاب عمرو ما بعيق شغلي ولا بقيدني بالعكس الحجاب بميزني عن غيري وبخلي اي زول يعاين لي ويقول ماشاءالله طبعا قررت الشي ده ولمن وريت اعمامي وخالتو هاجر وكده كلهم وقفو معاي ودعموني وطبعا لانه هدومي ما بنفع نهائي البسها مع حجاب اشتريت هدوك كلها عبارا عن بليزرات وبناطلين واسعه وكده (بليزرات= عباره عن جكت مفتوح نحتيهو بدي وبنطلون نفس لون الجكت بكون واسع وعادة المحجبات بعتمدو الستايل د) المهم نزلت الجامعه عادي واي زوللل اي زول شافني قالي انتي احلا بالحجاب خصوصا جنى تتزكروها لقيت انه في بنات كتير انا ما بعرفهم بسلمو علي وبقولو لي شفناك يوم الترادشنل داي صح ما بحب الجوطه والكلام الكتير لكن مستحيل اتعامل مع زول بي تكبر او غرور بالعكس لا عادي وببتسم في وشهم في النهايه كلنا واحد ود مبدأ من مبادأي في الحياه المهم طبعا خلاص الفتره الفاتت انا وعمر بقينا اصحاب وممكن نقول اصحاب شديد بديت احكي ليهو حاجات عني وهو نفس الشي كنا لازم كل يوم نتكلم مع بعض اي شهر واحد بس لكن حسيت نفسي صحبتو من سنه ما شهر اليوم د جيت ودحلت محاضرتي لقينا في دكتور عندنا اسمو زكريا متزكرنو نفس الرسلني لي منذر داك المهم غيروهو وجابو بدالو واحد كده اسمو فيصل المهم الدكتور دخل وبدأ يعرف عن نفسو وكده وانا كعادتي يعني بقعد في اول صف عشان اركز كويس ودفتري وقلمي في يدي اي وانا كنت لابسه البليز لون رمادي والبنطلون نفس الشي اصلا لانه بجو مع بعض وتحت الجكت بدي ابيض وطرحه كده اوف وايت وسبورت ابيض (حنزل الصورة) المهم الدكتور قال قومو عرفو علي نفسكم بس قبل ده وين وطلع من جيبو ورقه اسيل ايهاب رفعت يدي قالي اممم ماشاءالله سماحه وشطارا؟ قلت ليهو عفواً؟؟؟ دكتور فيصل...البعديها ما اشتغلت بالموضوع كتير ومشيت المحاضره حقتو عادي بعد ما خلص ونحن اصلا ما عندنا غيرها انا كنت بعاين في الشرح الكتبتو اثناء ما هو بشرح بس كان في شي غلط او انا كتبتو غلط لحقتو وقلت ليهو لو سمحت يا دكتور عاين لي نظره كده وقالي اهلا اهلا بي اسيل قلت ليهو هنا انت كنت بتتكلم عن شلل الاطفال ولا عن الشلل عامه لانه تقريبا د ما واحد من اعراض شلل الاطفال طبعا هو زاتو استغرب وشال القلم قالي ااا هنا في غلط بنراجع النقطه د المحاضره الجايه قلت ليهو But it'is very important point, Doctor (لكن هذه نقطه مهمه جدا يا دكتور) عاين لي نظره كده غريبه ومشا طبعا استغربت انه هو اذا ما قدر الشرح ما يبقا دكتور اصلا وانا دخلت الم باقي حاجاتي لاحظت لي ياسمين البت الدايما مبتسمه ديك قاعده كده وزي بتبكي قلت انا ما لي دخل يخ شلت الحاجات وانا دايرا امرق كده عاينت ليها تاني جسيت كانو لا لازم اعرف مالها مشيت بي اتجاها قلت ليها هاي ياسمين وهي بتمسح دموعها....اهلينن قلت ليها حسيتك ما على بعض بقدر اساعدك في شي؟؟ ياسمين... كويس في زول لاحظ لا ما شغلي بالك بس مخنوقه شويه قلت ليها....اهاا اوكي طيب ارتاحي انا حمشي وانا اتلفت كده سمعتها بتقول اسيل اتلفت ليها البت فجاءه قامت حضنتني وقعدت تبكيييييييي انا طبعا مش مخلوعه مصدومه عدييييييلللللل واثناء ما هي بتبكي وانا بحاول اهدي فيها عمر اتصل لي قمت سويت التلفون سايلنت بعد مسافه قدرت اهديها قلت ليها اسمعي انا معاك ما تبكي هسا بس اهدي حمشي اجيب ليك مويه وارجع طلعت مستعجله علي الكافتريا وانا اي ما بعرفها واصلا انا يمكن عشان ما عندي صحبه غير تالا ما بقدر اتعامل مع المواضيع د المهم طوالي اشتريت اتنين مويه ومشيت علي القاعه طوالي وانا داخله اتلاقيت مع عمر شكلو جاي يشوفني ولا شنو عمر لمن شافني كان بعاين لي بي طريقه غريبه قلت ليهو فشنو عمر....قلت لو اتحجبت حلاوتها تخف حبه قمتي بقيتي حلوه بزياده قلت ليهو ما وقتك😂😂😂 عمر....مستعجله مالك كده؟ قلت ليهو بت كده معانا المهم مخنوقه وما عارفه شنو موديه ليها مويه عمر....صحبتك يعني قلت ليهو عمر انا وريتك ما عندي صحبه هنا لا بس كانت زعلانه سالتها مالك حضنتني وقعدت تبكي عمر....اها غريبه طيب شوفيها كده غايتو انا قاعد فالجامعه لو في شي اتصلي لي قلت ليهو حاضر دخلت لي ياسمين شربتها مويه وغسلت وشها وشويه روقت كده قلت ليها انا ما عارفه انتي مالك وطبعا ما اظن وضعك بسمح ليك تحكي لي بس قومي اوصلك البيت ياسمين.....لالالالا البيت لا ما دايرا امشي قلت ليها بسم الله مالك طيب حاولي احكي لي عشان نعرف نتصرف عاينت لي نظره كده حسيتها خايفه تحكي طوالي ختيت يدي في يدها وقلت ليها انا بت وانتي بت صح والما برضاهو لي نفسي ما بؤضاهو لي اي بت غيري متخافي مستحيل كلامك يطلع بره اتطمني انا بس دايرا اساعدك ما اكتر ياسمين.... اسيل اتخيلي بهددني بي صوري يا اسيل والله كنت بحبو شديد بحبو وما اتوقعت علاقه سته شهور نهايتها يكون تهديد بالصور وبقول لي داير قروش انا اجيب قروش من وين وريني بس اقول لي ابوي دايرا خمسه مليون ليه وعشان شنو قلت ليها قروش شنو ومنو البهددك وصور شنو يا بت ياسمين....واحد اسمو صابر اتعرفت عليهو قبل سته شهور اظن وحبيتو شديد وكل ما يطلب مني صور برسل ليهو عادي انا نظام هو بحبني وانا بثق فيهو امبارح ضرب لي قالي لو جبتي لي خمسه مليون صورك كلها حسوي ليها فوتشوب وانشرها في النت وممكن برضو اطبعا واجيبها لي ابوك في ظرف قلت ليها كيف الكلام ده بدون اي مقدمات يعني ده مالو ياسمين.... والله كنا سمنه علي عسل حاولت اتفاهم معاهو لكن الولد رافض الكلام عديل قلت ليها طيب اهدي كدي انتي انا طبعا ما عرفت اعمل شنو خصوصا انا البلد د ما عارفه ليها شي يعني ولا بعرف اولادها عقليتهم كيف طلعت بره اتصلت لي عمر عمر....اي في شنو قلت ليهو تعال جمب القاعه دقيقه عمر...طيب جاي فعلا دقيقتين بس وجا عمر...فشنو خير قلت ليهو والله مشكلتها كبيره يا عمر عمر...لي في شنو قلت ليهو تعال طيب دخلنا جوه ياسمين لمن شافت عمر اتخلع ت كده قلت ليها متخافي د صحبي ونحن بنات لازم يكون معانا ولد ما عشان يحمينا لا عشان الاولاد بفهمو عقول بعض لانهم بفكرو بي نفس القذاره عمر....😂😂😂احم احم انا هنا قلت ليهو بقول في وشك يعني شنو المهم يا عمر البت دي حاصل معاها......) حكيت ليهو القصه كلها عمر....هوي ما تبكي الاولاد اصلا ما عندهم غير التهديد لكن والله ما بعمل اي شي ما تخافي وهسا كدي اضربي ليهو انتي قولي ليهو جهزت القروش ياسمين عاينت لي وانا عاينت لي عمر عمر....قولي ليهو ما تخافي نحن معاك ياسمين اتصلت وقالت ليهو جهزت القروش قاليها تعالي في الحته د ووصف ليها عمر....يلا ارح قلت ليهو عمر فشنو؟؟ عمر....ماشين نجيب حقها بس قلت ليهو طيب دقيقه مشيت طلعت بطاقة الصراف قلت ليهو انت ما مجبور تدفع شي من جيبك امسك د اسحب منها وجيب القروش؟ عمر.....اسيل انتي شايفاني غبي هنا الولد د ما حنديهو ولا فلس انتي تعالي بس كدي قلت ليهو طيب مشينا وراهو اتصل لي تلاته اولاد اصحابو قاليهم حرسل ليكم موقع تجوني فيهو ضروري شديد ياسمين كانت بتبكي لمن بترجف وانا كنت بهدي فيها وما عارفه عمر ناوي علي شنو عمر ناداني مشيت ليهو قالي اسمعي نحن حنمشي الموقع لازم نصل قبل ما هو بصل ونتدسا في حته وانتي وهي تعالو متخافو قلت ليهو عمر انت متاكد انا خايفه يكون في شي خطر عمر...انا معاك متخافي...اقصد معاكم يعني ومشا وانا وياسمين طلعنا بالعربيه طبعا ناس عمر وصلو قبلينا بعدين احنا وصلنا وياسمين اتصلت عليهو قاليها د عربيه منو انتي جايبه لي منو ياسمين.... دي صحبتي الشلت منها القروش تعال شيل قروشك خلينا نتخارج وطبعا شايلين شنطه نظام انه القروش فيها وكده المهم الولد نزل وجا علينا المشكله باين عليهو ود ناس شددديييييددد بالجد المظاهر خداعه المهم جاي وبضحك قاليها كويس اتصرفتي سريع قبل ما فضايحك تطلع وغمز ليها فجاءه عاين لي من فوق لي تحت وقالي ما تعرفنا يا سكر انا طبعا بعاين ليهو بي قرف كده قمت قلت ليهو مش شلت قروشك اتخارج يلا قالي ههههه لسا دايرا اتاكد بس داير يفتح الشنطه كده عمر والتلاته اولاد طلعو ليهو الولد اتخلع ووقع الشنطه وطوالي طلع مطوه او سكينه كده صغيره من جيبو وبقا بقول ليهم ابعدو ابعدو وفجاءه ما احس الا والولد ماسكني وبقول ليهم البجي جمبي بطعنها انا بقيت بسرخ شددددديييييييد وعمر بقول لي ما تصرخي ما حيعمل شي ما تخافي والولد بقا ماشي بي علي العربيه عمر بدون ما الولد ينتبه زاغ ووقف ورا العربيه وانا خفت شديد للحظه حسيتو حيطعني وكان سايقني علي العربيه لمن ركبني وجا يركب عمر مسكو من ورا وجرا منو السكينه ووقع فيهو ضرب وقالي انزلي يا اسيل والاولاد التلاته جو ومسكوهو دقوهو شددديددد وشالو التلفون منو ومشينا خليناهو واقع في الارض انا حسيت في شي بوجعني في يدي عاينت لقيت اني مجروحه جرحه كبيره شددددديييييييد وبتكب دم مبالغه انا بقيت ببكي من الخوف ومن الجرحه وما عارفه ده شنو الحصل د عمر....بتبكي ليه انتي كويسه هسا يلا اركبي عربيتك نحن وراكي ركبنا وصلت ياسمين بالاول وبعدين مشيت وعمر كان وراي بالعربيه لحدي ما وصلت البيت طبعا ياسمين قعدت تشكرني وتبكي وتشكر عمر عمر..ما تشكريني انتي زي اختي والمره الجايه انتبهي المهم انا وصلت وطبعا تعالو شوفو خالتو هاجر لمن شافت الجرحه تكورك وانا طبعا قلت ليها بي حديده السلم في الجامعه المهم حقمتها ولميتها وطلعت غرفتي وقعدت ضرب لي عمر قلت ليهو هلا عمر.....اها كيفك وكيف يدك قلت ليهو بخير وانت؟ عمر....تمام الحمدلله يلا انتبهي علي نفسك ونومي تصبحي علي خير قلت ليهو وانت بخير رغم انه المكالمه قصيره لكن كانت بالنسبه لي شي كبير حسيت انه في زول مهتمي بي وبسال مني نمت وانا مبسوطه شديد❤️ ************************** #وقفة نقاش شفتو غلط ياسمين؟؟ ده مثال بسيط بوريك انه الاولاد ما ليهم امان وما تقولي لي لالا حبيبي غير الكل لالا يا قلبي حبيبك ولد والاولاد واحد صنف وااااحححدد اييي ما كلهم بهددوك بي صورك وما كلهم كعبين لكن الاغلبيه العظمي ما بحبوك بتسلو بيك عشان ما تخشي في حته ضيقه وتدخلي اهلك معاك ما كلنا عندنا اسيل وعمر في حياتنا عشان ينقذونا داير يشوفك خليهو يشوفك بالواقع عديل صورك لا يا بت يا بت صورك لا لالا صورك لا😂😂😂😂😂بحبكم
#يتبع في امان الله ما تنسو التصويت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
