الجزء الرابع والثلاثون.....
الليله كان يوم مميز بالنسبه لي صحيت الصباح بدري بي نشاط استحميت وصليت وقريت سورة البقره علي روح بابا الله يرحمه.....
عمر صحا وهو بكورك كالعاده لانه متاخر قلت ليهو امشي استحما خلي الكلام
مشا استحما وطلع لبس هدومو وطبعا انا واقفه لعاين ليهو نظام عمر الليله ماف شي مهم بالنسبه ليك
وهو يزبط الشعر بي مزاجج ولا شغال بي شغله اصلا
لمحني بعاين ليهو
عمر.....مالك؟
قلت ليهو في شي داير تقولو؟؟
عمر....شي زي شنو ماف اي شي انا متأخر متأخر تعالي شوفي الكارفيته د ما موبوطه لي
جيت زبطتها ليهو وشال جكت البدله في يدو وطلع
قلت بكون مع ضغط الشغل ما متزكر عادي
دخلت الواتس ما لقيت ايّ رساله من ايّ زول ولا مؤيد ولا مازن ولا محمد ولا زول استغربت قلت اضرب لي جوان تجيني
اتصلت لي جوان
جوان....اي يا اسيل
قلت ليها وين انتي
جوان....في البيت مالك
قلت ليها انسي الاقرب منك ما تزكرو
جوان.....في شنو يا بت؟
قلت ليها ولا شي ياخ انا زهجانه ارح نمشي مول نستوق وناكل ونرجع
جوان....تعالي اي
مشيت لبست بليزر عادي وطلعت ليها لقيت عربيه وائل لسا بره استغربت دخلت طوالي
لقيتها بتعمل ليهو سندوتشات برضو يحليلها
جات سلمت علي وطلعت لبست بنطلون وبدي وفوقيهو جكت اصلا جوان لبسها كعب شديد وانا بوريها بتقول عادي
نزلت وجات قالت لي وائل حبي دايرا البطاقه
اشر ليها علي جيبو طلعت البطاقه ونحن ماشين
وائل....جوان جوان تعالي
ماشين وين انتو قلتي لي؟
جوان....المول
وائل....طيب اطلعي غيري هدومك د وانا بوصلكم بي طريقي
جوان....لي مالها هدومي
وائل....كعبه يا جوان عرفتي مالها؟
جوان....ريلاكس بيبي وجرت لبست فستان وجات انا بضحك فيها ساي
وائل وصلنا المول
اول شي مشينا شربنا قهوه وكوكيز كده
وقمنا اتسوقنا ما خليت شي ما اشتريتو انا طبعا
لمن حسيت بجد الوقت اتاخر
لكن جوان حلفت لو ما سوت شعرها واتغدت ما بتطلع
مشينا قسم التجميل سوت شعرها وطلعنا اتغدينا ورجعنا البيت
جوان رجعت معاي
طبعا قعدنا نجرب الحاجات الجبناها واشتريت كم بجامه وكم حاجه كده لي عمر قلت ادخلهم دولابو عشان بعدين اخليهو يجربهم
دخلتهم الدولاب ورصيت اي شي زي ما كان لانه عمر مرتب شديد
قبل ما اقفل الدولاب لفت نظري كتاب كده او دفتر باين انه غلافو من بره قديم مختوت بي اهمال في ركن الدولاب
شلتو وعاينت ليهو عادي بس ما كان عندي فضول انب افتحو ختيتو في صندوق كده بخت فيهو اي شي ما عارفه اعمل بيهو شنو
وكملت ونستي مع جوان بالرغم من اني كنت زعلانه شديد لانه اليوم د مميز بالنسبه لي بس ماف زول اتزكر اليوم د فيهو شنو
اليوم مر عادي لحدي المغرب كده جوان جاها تلفون من وائل
ردت وبقت تقول شنو كيف يعني
انا اتخلعت طبعا جيت جاريه من المطبخ قلت ليها في شنو؟
جوان كانت بتبكي وبتتمتم في الكلام يعني انا قلت اكيد في زول حصل ليهو شي بقبت بكورك فيها عشان تتكلم بس لقيت وائل داخل البيت وهو بجري قالينا لسا ما جهزتو انتو؟
قلت ليهو في شنو فهموني مالكم عمر وين في شنو يا وائل
وائل....عمر د عمل حادث يا اسيل ووضعو ما تمام
طبعا انا بقيت بحاول اركز انا سمعت صح ولا د شنو بقيت واقفه في حتتي ما عارفه اعمل اي شي ابكي ولا اصرخ ولا شنو
وائل جا جراني قالي يلا عشان نشوفو
انا ياداب هنا وعيت علي نفسي دخلت في كومه تاني من البكا والصريخ واقول ليهو هسا دايرا اشوف عمر هسا
جوان....اسيل اهدي يا اسيل
جرينا ركبنا العربيه وانا الطريق كله اتصل علي عمر اقول ليهم انا عارفه عمر حيرد لي
لكن تلفونو كان مغلق ود الشي الخلاني بالجد اتعب شديد
وائل بعد سواقه نص ساعه تقريبا وقف في مزرعه او منتجع سياحي كده قالينا انزلو
قلت ليهو وائل انت ما بتفهم عمر وين دايرا اشوف عمر انا
وائل....اسيل قولي بسم الله الحادث د حصل هنا
انا بقيت بقول د شنو د بس همي كان اشوف عمر رفعت العبايه وجريت عشان ادخل جوه اثناء ما داخله شايفه ناس كتير انا بس مع البكا والصريخ حسيت راسي لافه وبالرغم من د فضلت جاريه لحدي ما وقعت في الارض
فضلت ما يقارب الربع ساعه فاقده الوعي
لمن فتحت عيوني لقيت نفسي في حضن عمر
عمر.... حبببي فتحتي
قلت ليهو عمر انت كويس مالك اتجرحت ولا حصل شنو
بس الغريب انه شكلو نهائي ما كان شكل زول عامل حادث
سمعت صوت بقول الناس النستنا
عاينت لقيتو مؤيد
انا ياداب بديت استوعب المكان مزين وفي دي جي ومؤيد ومازن ومحمد ومنى وتالا د شنو عمر ما عمل حادث؟؟؟؟؟
د كانت مفاجاءه طبعا ياداب استوعبت لزيت عمر قلت ليهو اوعك تجي جمبي سامع
ومشيت لي واىل قلت ليهو انا كان ممكن اموت يا صحبو انت الله يلعنكم ياخ ماف زول فيكم يجي وراي وريتكم
وطلعت بره وقفت براي كنت بالجد مخلوعه وبفكر لو كان الموضوت حقيقه كنت حعمل شنو انصعقت وبقبت ببكي شديدددددددد
عمر....حبيبي انا اسف
بدون ما اتلفت مشيت حضنتو قلت ليهو هارف اني كنت حموت يا عمر؟؟
تاني ما تعمل كده حتى لو ما اتزكرت عيد ميلادي بس تاني ما تعمل فيني مقلب زي د
عمر....فديت البخاف علي انا حاضر يا روحي يلا جوا سلمي علي اولاد عمك
دخلت اصرخ واضحك طبعا كلهم قالو د اكيد مريضه مشيت سلمت عليهم شديد وقعدت اقول لي مازن بقيت سمح وانت يا مؤيد لي ضعفت
ومحمد اللحيه حلوه فيك ما خليت شي ما علقت ليهم فيهو
بعد كده عملو العيد ميلاددددد
عمر.....حبيبي طبعا مستحيل انسا اليوم د انا من الصباح بجهز وجبت اولاد عمك ديل بالغصببب
قلت ليهو ربنا ما يحرمني منك يا قلبي انت
كان بالجد يوم بالدنيا من احلا الايام العشتها الحفله والونسه والضحك كان لحدي الساعه اتناشر بالليل وطبعا بتنا في فلة المنتجع
عمر كان مزين غرفتنا بي طريقه رهيبه شددددديييييييد كنت فرحانه ومبسوطه انه عمر متزكر وعمل د كله عشاني بالجد الحمدلله
ونحن نايمين سمعت صوت خبيت في الباب صحيت عمر وطبعا نومو زي نوم اهل الكهف
مشيت علي الباب قلت مين؟
......اسيل افتحي انا وائل
قلت ليهو دقيقه طيب مشيت لبست لبس الصلاه وفتحت الباب
وائل.....اسيل الحقيني جوان د تعبانه شديد
قلت ليهو مالها تعال جرينا ليها كانت راقده ولونها مخطوف وبتستفرغ وبطنها طامه شديد
مشيت جمبها قلت ليها حاسه بشنو وريني
جوان....مصدعه ودايغه وبطني طامه شديد يا اسيل وفجاءه مشت الحمام
قلت لي واىل حمشي غرفتي وارجع
مشيت اشوف لو عمر جايب معاهو شنطتو بتاعه الادويه والفحوصات وكده
الحمدلله كانت معاهو
مشيت دقيت لي جوان الباب قلت ليها هاك الفحص د سويهو وشرحت ليها كيف
وائل د طبعا كان خايف شديدد قبل ليهو قلت ليهو ريلاكس ماف شي حاجات طبيعيه
جوان طلعت ادتني ليهو وقعدت في الكرسي ووائل واقف بس اها يا اسيل اها يا اسيل
عاينت لي النتيجه وضحكت قلت ليهو
الموضوت بسيط بس انت بعد تسعه شهور حتبقا بابا وائل؟
وائل د بقا بي صرخ بي طريقه مجنونه شددديييييددد ومسك جوان شالها فوق وبقا بصرخخخ وبقول حبقا بابا ومشا صحا عمر قاليهو عمر الحق انا حبقا بابا
طبعا عمر نايم قاليهو ياخ زح مني ابقا بابا بعيد من هنا
شكلو عمر فجاءه حسه علي نفسو قام مخلوع قاليهو حتبقا شنو؟
وائل... حبقا بابا اتخيل
عمر....زوووووووططططططط مبروك مبروك يا زوليييي
فرحتهم كانت كبيره شددددديييييييد واليوم التاني اولاد عمي عرفو فرحو ليهم شددددييييييييدددد
***********************************
رجعنا البيت اليوم التاني واولاد عمي قالو ما بقدرو يقعدو ولا ثانيه كلهم اتحركو علي المطار مباشرا
رجعنا البيت عمر زاتو ما ارتاح استحما ومشا ااشغل طوالي
انا رتبت البيت وقعدت افتح الهدايه وكنت مبسوطه مبسوطه شديد
لمن لقيت ما عندي موضوع بقيت الف في الغرفه
اتزكرت الدفتر حق امبارح قمت شلتو وقعدت في السرير وبديت اقرا
#يتبع
ما تنسو التصويت
في امان الله💓💓💓💓💓💓💓💓💓💓💓💓💓💓
