الجزء السادس والثلاثون...
الجزء السادس والثلاثون....
فتحت الدفتر كنت اول مره اعرف انه عمر عنده دفتر مزكرات
كنت بقرا لنوع من الفضول او الملل او يمكن الزعل انه طول السنوات الفاتت ما جاب لي سيره عن الموضوع
بعد مرور اكثر من خمسه ساعات وانا ماسكه دفتر المزكرات وبعاين للسما
ولي اول مره احس بالشعور د اكتشتفت انه الدنيا ما مكاني
ربنا بحبني اكتر من الناس الهنا عشان كده دايرني اجيهو
اكتشفت انه الدنيا والحياه والفرح ما لي اي زول
بي كل الكسر والضعف والاحباط الكان فيني قمت اتوضيت وصليت
نمت في مصلايتي
وما صحيت الا بي صوت عمر وهو بقول اسيل
قمت سريع سلمت عليهو ودخل استحما وجا اكل وقعدنا نتكلم عن كم موضوع عادي زي كل يوم
وبي كده انتهى اتعس يوم في حياتي
************************************
لمن صحيت اليوم التاني الصباح استحميت وقريت سورة ياسين علي روح ابوي
قرتت اني لازم افاتح عمر بالموضوع
فعلا عمر نزل وفطر وكان ما عندو دوام
جيت جمبو عادي وانا ماسكه الدفتر
قلت ليهو عمر
عمر....يا حياتو لعمر
كانت د اول مره ما احس بي اي شعور وانا بسمع منه الكلام د
جيت ختيت ليهو الدفتر قدامو
وبرضو للاسف كانت اول مره اشوف وش عمر بالصوره الشفتها ملامحو اتغيرت ممكن اقول الف في الميه او اكتر
كان في الف علامه استفهام ولوم في عيونو
اكتفيت بي اني اعاين ليهو بي وش ما داير منو اي تفسير ود فعلا الحصل لانه ما كان في اي تفسير عن الموضوع في اللحظه د
#وقفه
في حاجات لمن تعرفيها ما بكون عندك اي رده فعل في اول كم ساعه
بتكرهي نفسك يمكن وبتكرهي الحولينك
لكن لا بتبكي لا بتصرخي لا اي شي
انتي بس بتبقي شخص مجرد من الاحساس يمكن شخص ما فاهم او اتكسر او انطعن د كانت حالتي تمام
كنت حاسه اني قويه شديد بالرغم من انه مفروض اكون ضعيفه ومش ضعيفه بس لا مفروض اكون اضعف انسانه علي وجه الكوكب
يمكن سبب قوتي الركعتين بتاعون امبارح؟؟
ما عارفه السبب شنو بس انا قويه
#نرجع
خليت عمر في البيت ومشيت لبست عبايتي وجيت نازل وقف في وشي
كنت بعاين ليهو بقرف
معقوله جا اليوم البقيت ما حابه اسمع صوتو او اشوفو اصلا؟
ما متخيله انه اليوم د خلاص جا
عمر.....البيت د بيتك انتي خليك هنا وانا الحطلع
كالعاده ما قلت ولا شي هو كمان كان مصدوم من رده فعلي شددددييييييييدددد شال حاجانو ومرق
تقريبا وهو مارق مرا علي كل موقف لي مع ابوي
********************************
كانت اصعب خمسه دقايق بعد ما عمر مرق خمسه دقايق كان فيها قلبي من جوه بتقطع خمسه ظقايق فكرت فيها في الف طريقه عشان اتخلص من نفسي
بكيت بس بدون دموع
كان نفسي اكون في حلم
لكن للاسف د الواقع د حياتي عادي
ابوي يموت وحب حياتي يطلع القاتل
طيب لي ما صارحني لي خلاني احبه واتعلق بيهو سنتين زواج وسنه حب؟
معقوله د كان باقي انتقامو لي ابوهو؟
#فلاش باك
اسيل لمن كانت بتقرا مزكره عمر اكتشفت للاسف انه الاسم الحقيقي لي عمر هو عمر ضياء
وضياء د نفسو انور الي هو ابوهو لي عمر
اكتشفت انه الزول القتل ابوها اتناشر طعنه بدون رحمه كان عمر
اسيل في اللحظه ديك ما قدرت تقوم اصلا من السرير
عمر كان بكتب في المزكره
هي دايرا تعرف منو القاتل انا القاتل وما قادر اوريها ياريت لو ربنا ما ختانا في الموقف د يا اسيل ياريتني ما حبيتك ولا حبيبتيني
نفسي نفضل مع بعض
نفضل عمر واسيل الي كل الناس بتحكي عنهم
لكن معقولع انتي تفضلي كده معاي؟
د كانت اخر كتابات عمر في مزكراتو
#نرجع
بعد لحظه الضعف المرت فيها اسيل قامت علي حيلها كان نفسها في كتف تتخت عليهو لكن كانت خايفه من اي زول اذا مصدر الامان بالنسبه ليها طلع قاتل ابوها
كانت بتسال نفسها انا حعمل شنو
حست انه نفسها تصرخ تطلع اي شي في قلبها
ود الحصل كانت بتصرخ بي وجع صرخات صوتها ما بسمع الا زول قريب منها
كانت بتبكي بي قهر بي الم كانت حاسه الدنيا كلها سواد
بتحاول تقرص نفسها يمكن هي في حلم
بس كان د واقعها مجبوره تعيشو.
************************************
سبحان الله الذي لا اله الا هو حسيت بي قوه وصبر ما عارفه جوني من وين قمت وانا عارفه نفسي ماشيه وين وليه
دخلت مكتبي تقريبا الساعه ٥ مساء
وقفت قدام المرايه المعلقه في الحيطه وبديت اتكلم مع نفسي
اسيل ما حتطلعي من الغرفه د الا وانتي عارفه انتي حتعملي شنو
حتتخلي عن خق ابوكي وتنقذي حبك؟
ولا بعد ما عرفتي من القاتل الموضوع زادك اصرار؟
ما كان عندي اي اجابه في اول لحظات
كان الموضوع صعب
ابوي الكان كل حياتي ومنبع الامان بالنسبه لي الكنت ما بنوم الا جمبو وما بضحك الا معاهو ابوي الكان موفر لي كل حاجه
طيب حب حياتي
الرجع ورسم الضحكه علي وجهي
الكان محور كونها
لكن طلع نفس الزول الحرمها من ابوها
طلعت من المكتب الساعه حداشر وانا ماخده القرار
اتوجهت علي غرفتي استحميت واتوضيت ود كانت اول مره اصلي العشا فرد
كان عمر دايما الامام
مسكت المصحف فضلت ابكي واقرا كنت بشكي لي ربنا اني مكسوره اني تعبانه
يارب ريح قلبي حتي لو بي الموت
ما تخليني بالوجع د
يارب ما دايرا زول يسندني تاني ما دايرا اي زول يقيف جمبي
كنت ما طايقه اي زول
وين الناس في الوقت د؟؟
ويت صحباتي وين اولاد عمي وين اعمامي اصلا
فضلت اقرا قران لحدي ما نمت
************************************
اليوم التاني بالصباح صحيت وانا بتزكر في اليومين الفاتو بس المقويني والحمدلله ايماني بالله
الباب دق
مشيت فتحت كانت جوان
سلمت عليها والظاهر انه وائل حكا ليها عن طريق عمر
لانه كانت داخله بدون ابتسامه وبتكورك وكده
كنت بعاين ليها وانا ساكته لانه ردة فعلها د بتمني او كانت ردة فعلي انا
بعد ما كملت الكواريك والحاجات الكانت بتسوي فيها د جات قعدت وقالت لي ناويه تسوي شنو
قلت ليها فشنو؟
جوان...اسيل ما تسوي لي فيها مجنونه
فشنو حتعملي شنو وريني دايرا تنهي حياتك يعني؟
قلت ليها ما حابه افتح الموضوع يا جوان
جوان كمان بقت تكورك اكتر وطلعت ورزعت الباب
عديت اليوم كله وانا في السرير مره ابكي مره اتزكر مواقفي مع عمر اضحك ما كنت عارفه بكره حيحصل شنو ولا عندي فضول اعرف💔
************************************
عديت اسبوعين كنت كل يوم والتاني في المستشفي كانو معاي وائل وجوان
كانت حياتي عبارا عن صلاه قران نوم بس
ما كنت باكل وبشرب الا لمن جوان تجي تديني
ما بتزكر اني اتكلمت في الاسبوعين ديل الا مع جوان
كنت فاقده طعم اي شي
والحاجه الكانت واجعاني انه عيني ما نزلت منها ولا دمعه
بعد اصرار من وائل وجوان وضغط وافقت اني اشول دكتور نفساني
قالي انه عندك معاي تقريبا تلاته اسابيع ولعدين بقرر حالتك او بكتب التقرير الطبي حقك
كنت بمشي ليهو تلاته يوم في الاسبوع وبرجع منو بنوم او بكمل الختمه الانا بادياها
الفتره د كلها ما كان في اي تواصل بيني وبين اي زول من اهلي
لحدي ما فيوم بعد ما رجعت من الدكتور مشيت لي واىل وجوان سلمت عليهم وقعدت
قلت لي وائل دايرا اطلب منك طلب
وائل.....نعم اتفضلي طوالي
قلت لبهو دايرا اشوف عمر
وائل عاين لي جوان نظام د شنو وبقو بعاينو لي بي استغراب
قلت ليهو وائل حتنفز لي الطلب؟
وائل....طيب يلا
جوان بقت بتكورك وما بعرف شنو خليناها بتكورك ومرقنا
كان مؤجر بيت في عماره
مشينا ليهو وائل ظق الجرس
جا فتح الباب
لمن عاينت ليهو سالت نفسي د منو ؟
لي شكلو اتغير كده؟
شكلو ادمن السجاير في الشهر د
ما كان بياكل لا كان بتغذى علي السجاير
قطع تفكيري صوت عمر البقول اتفضلو
دخلنا قعدنا
طبعا عمر مستغرب
وائل طلع لمن حسى اني حتكلم
لمن طلع
قلت ليهو ما تفكر اني جايه عشان اشتقت ليك او كده
انا بس جايه عشان اقوليك كلمتين
عمر انت اول انسان اندم اني عرفتو
انت اكتر زول حقير ومنحط لاقاني في الدنيا
انت كسرت قلبي يا عمر
لو منت وريتني انه د انت القاتل ما كنت حتعلق بيك
لي خليتني احبك يا عمر وانت قاتل ابوي
بعد الكلمه د هو فك السجاره وجا وقف جمبي وقالي والابوك قتلو د كان منو؟؟
ابوك قتل ابوي يا اسيل
قتلو بدون رحمه
حرق قلوبنا عليهو
دايراني اخلي حق ابوي
طيب انتي ابوك ما حتخلي حقو لي انا اعفي عن قاتل ابوك؟؟
قلت ليهو عندك دليل انه ابوي قتلو ؟؟
عمر بي صوت عالي....التلفون الجاني بعد موت ابوي بي تلاته يوم كان من عمك حسين لمن قالي القتل ابوك اخوي ايهاب عبد الرازق
انا هنا وقفت علي حيلي قلت ليهو شنو؟؟ عمي انا؟
عمر....عمك اي يا اسيل انا اي حبيتك وعشقتك لكن د ابوي ولو الزمن رجع ورى كنت حقتلو تاني وبرضو تلاتاشر طعنه يا اسيل
انا هنا كنت متاكده انه القدامي د ما عمر
نهائي
طلعت من البيت سريع
ومشيت ركبت العربيه
جا وائل
ركب وما حاول يسالني اصلا حصل شنو وصلني البيت وطلع
انا اتجهت طوالي علي المكتب طلعت مربع صغير اسود من الشال الانا لابساهو
ختيتو في شنطه الابتوب
وطلعت غرفتي صليت ودعيت كتير انه ربنا يلهمني القوه د
قعدت افكر في الطريقه الكان عمر بتكلم فيها عن انه لو بيدو كان حيقتلو تاني كنت كاره نفسي انه الزول د لمسني وقعد معاي
فضلت افكر لمن نمت كالعاده
صحيت تاني يوم بي نفس روتيني اليومي الممل
مشيت للدكتور النفسي
وبعد ما طلعت منو اتصلت علي رقم
.....الو
قلت ليهو ايوا رسل لي اللةكيشن لو سمحت
.....تمام
رسل لي اللوكيشن
اتجهت علي المكان
شفت راجل قاعد في تربيزه بي بدله سودا انيقه اشر لي بي يدو جيت عليهو
سلمت وقعدت اتكلم معاهو ما يقارب الساعتين
اديتو شنطه
وقمت مشيت
طلعت اتغديت ومشيت لي جوان سلمت عليها بالحضن
جوان....مالك بتسلمي كده
قلت ليها حشتاق ليك بس
جوان....مسافره ولا شنو لا ياخ
قلت ليها اييي مسافره😉😉
قعدت معاها وعملت ليها الغدا كمان
جوان...صحي الليله الاحد متين بتخلصي جلساتك مع الدكتور
قلت ليها السبت تقريبا
جوان....اي دايرين ننتهي عشان نتسوق للبيبي
ضحكت وسكت
واحنا بنتغدا
جانا وائل بجري
جوان قامت مهجومه قالت ليهو مالك فشنو؟
وائل...عمر د اعتقلوهو هسا د
جوان.....عمل شن. تاني كمان
وائل....جريمه قتل والله وقالو الادله واضحه الله يستر يلا سلام وطلع جرا
جوان عاينت لي بي عين ما قدرت افسرها بس ما سالتني شي
طلعت انا علي بيتي
جاتني مكالمه رديت عليها
...الو مدام اسيل
قلت ليهو اها يا حاتم
....المحكمه التلات وتنفيذ الحكم الخميس
قلت ليهو تمام ان شاءالله
************************************
يوم الاربع الصباح مشيت جلستي مع الدكتور عادي
وبعديها رجعت البيت لقيت وائل وجوان بركبو في العربيه
قلت ليهم علي وين؟؟
جوان...محكمه صحبو لانه بقولو الرافع عليهو القضيه ما معروف للان حنعرف الليله
خليتهم مشو وانا دخلت البيت وانا بجري كان في خوف كبير شديد في قلبي ما عارفه من شنو كنت متوتره وخايفه
قعدت اصلي وادعي انه ربنا يطمن قلبي
بعد الموقف د بي تلاته ساعات دق لي حاتم
.....الو مدام اسيل
قلت ليهو ايوا يا حاتم...
......المتهم اعترف بي اي شي والتنفيذ يوم الخميس الصباح الحكم اعدام
انا ما رديت ليهو بس قفلت الخط وقعدت في السرير حقي
اليوم كله انا ما اتحركت ولا سمعت شي عن جوان ولا عن وائل ولا زول دق بابي ماف
وما كان بهمني اي شي خلاص.
صحيت الصباح بدري
استحميت وقريت قران لفيت بيتي كله ما عارفه لي بس كان نفسي اعاين ليهو
طلعت مشيت علي نفس المكان المره الفاتت القابلت فيهو الراجل
ساقني ومشينا المحكمه الجنائيه
ايوا المحكمه
دخلت وانا راسي مرفوع وفخوره شديد وما مهزوزه ابدا
قعدنا ما يقارب النص ساعه
حاتم....مدام اسيل يلا ممكن تقابليهو بس خمسه دقايق ما اكتر
قلت ليهو طيب دخلت علي غرفه صغيره مضلمه
شفت في ركنها قاعد زول ضعيف وشو شاحب شديد زي العندو مرض
بدون ولا نظره من الشفقه والحنيه مشيت عليهو وقلت ليهو حبيتك شديد يا عمر لكن ما زي ابوي الحب الحبيتك ليهو د كله اختفي بس بمجرد اني عرفت انك انت القاتل
متزكر كيف كنت احبك؟ بنفس الطريق والجنون د انا بكرهك يا عمر
وحقولها ليك تاني حبيتك وعشقتك كمان لكن ما زي ما حبيت ابوي الله يرحمو
حنتلاقا قدام الله سبحانه وتعالي ولو ظلمتك حتشيل حقك مني
طلعت خلبتو بدون ما اسمع منو ولا كلمه
بعد اقل من نص ساعه تم تنفيذ حكم الاعدام علي القاتل عمر انور وهو الشنق حتى الموت
بي كده انا طلعت من المحكمه وانا خلصت كل شي مفروض اخلصو ياداب كده اخدت حق ابوي بعد مرور تلاته سنين
حاتم.....والله يا مدام فكرت الكميرا العلقتيها في الشال لمن مشيتي ليهو وانك تصوري اي شي يقولو كانت فكره عظيمه
بس انا مستغرب من شي واحد عمر د ما نكر اي شي ولا حاول ينكر بالعكس اعترف بي اي شي
ما رديت علي حاتم
واليوم د ما مشيت الدكتور
رجعت البيت برضو وانا منهاره تماما قمت فتحت الدولاب وبقيت بعاين في الهدوم حقتو فتحت الفيس لقيت صور عمر وجمبها التعازي
لي انا سامعه صوتو في كل حته ما عارفه
د كله لي حصل
اتصلت علي دكتوري قلت ليهو دايرا اقابلك هسا!!!
مشيت عليهو
قعدت في مكتبو ما يقارب ساعتين وكده خلاص جلساتي بتكون انتهت معاهو رجعت البيت وقفلت الباب علي وقعدت في المكتب
************************************
يوم الجمعه الصباح الساعه عشره تقريبا تلفون اسيل كان برن ود كانت جوان
بس اسيل ما كانت بترد اصلا
جوان....حبيبي دايرا امشي لي اسيل د لانها اكيد حتموت بالطريقه د
وائل....طيب ارح يلا حمشي معاك زاتي اسلم عليها
طلعو جوان ووائل دقو الباب لي مسافه ربع ساعه
جوان....البت د كان عندها فكرة السفر معقوله سافرت وخلتني
وائل....بتعملها المجنونه طيب حفتحو بالنسخه العندي برضو
وائل فتح وفعلا كان البيت فاضي
جوان....بتبالغ البت د حتكون مشت بدون ما تورينا
وائل....كدي تعالي معاي اشيل حاجات المرحوم حقت الشغل من هنا
طلع فوق وبقا بصرخ يا جوان يا جوان
جوان جات جاريه وهي حامل
وشافت اسيل الكانت معلقه علي المروحه ومكان شراينها مقطع
جوان فقدت الوعي طوالي
نقلها وائل علي المستشفي وجات الشرطه وطبعا القضيه طلعت انتحار
وكان في رساله لقوها الشرطه علي التربيزه وكان مكتوب علي الغلافه الي صديقتي جوان.
جوان دخلت في انهيار عصبي حاد استمر معاها ما يقارب اسبوع بعدها بدت ترجع طبيعيه
الجثمان اندفن طبعا لمن جو اولاد عمها دفنوها وعملو العزا ورجعو
والامارات والسودان كلهم كانو بقولو انه الشي اشبه بالخيال اسيل د قويه شديد شديد كيف يعني تنتحر
عمها يوسف وقع في كومه سكري برضو فضل في المستشفي اسبوع
بعد ما جوان رجعت
البيت
قررت انها ما دايرا تعيش في البلد د ود الحصل نزلت السودان وهي بتعاين لي القعده الفي الجنينه الكانت هي واسيل بقعدو يشربو فيها الشاي
نزلت السودان وهنا وائل قرر يديها الرساله
كان مكتوب في الغلاف جوان اقريها قدام اي زول انا بعرفو
الساعه كانت خمسه مسا لمن جوان شالت التلفون وضربت لي اي زول اسيل بتعرفو في السودان وجمعتهم
قامت جوان وهي بتبكي وقالت ليهم حبدا اقرا الرساله
كلهم بقو بقولو رساله شنو؟؟
وائل...د رساله من المرحومه
جوان بدت تقرا
الي صديقتي الحبيبه جوان
جوان عارفاك حتكوني بتبكي ما تبكي واقري الرساله د قدام اي زول انا بعرفو
حبدا بيك يا عمو يوسف ايوا انت اول ما جيت السودان كنت محتويني ليه ما فضلت كده يا عمو لي ما كنت بتسال مني زي ابوي الله يرحمو كنت قايلاك غير عن عمو حسين لكن والله العظيم عافيه ليك يا عمو وبحبك شديد انت عارف
مازن ومؤيد حبايبي
مؤيد قام ما كان قادر يقعد اكتر لكن تلا قعدتو
جوان كملت كلامها
مازن كنت في يوم نعم الاخ لي وانت يا مؤيد كذلك
ما عارفه الحصل شنو وليه بعدنا عن بعض كده
كان في لحظات كنت متمنيه وجودكم جمبي والله لي عملتو كده يا اخواني وخلتوني براي هنت عليكم
محمد انت برضو بقيت ما بتسال مني لمن بقيتوني امشي اشكي همومي للدكتور النفسي
هنا جوان والناس د بقت تبكي بكا ما طبيعي
جوان كملت كلامها تالا صحبه عمري وينك يا تالا وين وقفتك جمبي وين اخوتنا والله كنت دايراك جمبي لكن الاهتمام ما بطلبوهو من زول
خالتو هاجر كان نفسي اشوفك لكن يلا نتلاقا في حته احسن كنتي لي نعم الام وبرضو خليتيني من نص الطريق
منى ونور ومريم بنات اعمامي بالاسم شكرا ليكم علي وقفتكم جمبي
وائل...كنت اخوي والله اخر ايام هنت علي قرايبي لكن ما هنت عليك ربنا يقوم ليك جوان بالسلامه
طبعا لمن تكونو بتقرو الرساله د حيكون فات الوقت بي كتير
لكن ما تبكو نهاىي ادعو لي شكرا ليكم علي اي شي
ياريت لو كنتو اقرب مني اكتر
ياريت لو ما خليتوني اشوف تقريري من الدكتور النفسي المكتوب لي فيهو الحياه ليست للجميع
كنت محتاجاكم شديد كنت محتاجه دعم لكن ما لقيتو ود السبب الخلاني افكر اني انهي الحياه د
اخر شي
جوان حبي مع انك معرفه اقل من سنه كنتي سند كبير لي ياريت لو جيتيني من الصباح يا جوان لمن قلت ليك حشتاق ليك شديد كان قصدي اني مسافره مكان تاني ما بقدر ارجع منو
في الختام يا وائل.
انا كتبت كل املاكي الفي كل البلدان بي اسم جوان عشان د هديه الولاده لي اسيل الصغيره
بس ان شاءالله ما تطلع زي خالتها الكبيره بالضعف د
يلا في امان الله💔💔💔
************************************
بعد مرور سنه
جوان....يا وائل اسيل د مشاغبه خلاص طالعه لي خالتها ولا شنو
وائل....ربنا يرحمك يا اسيل
#بالنسبه لي اهل عمر
طبعا دينا اختو كانت واقفه مع اسيل شديد يمكن لانها جربت موتت الاب
اما امو فقدت النطق لمن سمعت الخبر
وعايشين في كلفورنيا
#النهايه
ليست جميع النهايات سعيده
كونو بخير
اللي لقاء اخر
ما تنسو التصويت
في امان الله❤❤❤❤❤❤
