016
Pinabayaang kaharian
Pagdurusa ang naging kapalaran
Inaabusong kaharian
Ngayon ay pinahihirapan
Ang kahariang dati ay pagmamay-ari ko
Doktor na ang namamahala nito
Ang kahariang inaasahan ko,
Ay s'ya ring humadlang sa pangarap kong 'to
Puyat ng puyat
Kaya ngayon, gamot ay nakakalat
Kailan ka ba babalik sa ulirat?
Kailan ba tayo mamumulat?
Gugustuhing mamanhid
Gugustuhing makalimot
Ginustong makatawid
Ngunit napalitan ng takot
Takot na baka tuluyang magunaw
Takot na baka tuluyang malusaw
Ang kahariang inaasahan ng ilang taon
Baka sa lupa na mababaon
Buhay ay nagiging mapait
Gamot ay sobrang pait
Ang mundo ay nanliit
Kamatayan ay napapalapit
Hanggang 'di pa huli
Mag-isip kahit sandali
Alagaan ang sariling kaharian
Bago ka pa may pagsisihan
BINABASA MO ANG
Loving Solitude
PoetryNasaktan ka na ba? Naiwan o nang-iwan ka ba? Kung Oo, paniguradong relate ka! - Let me tell you something through my poems. - W a r n i n g: MAPANAKIT! MAPANG-AKIT! All Rights Reserved, 2020 Collection of Poems by ATE CLOUD
