النصيب المنتظر (مكتمله)

بارت(٢)

وَفيِ يومٍ مِن ألايامْ اختارَ القَدَر قَلبان لكي تُسفِرْفوق الغيوم بالحُبْ
وتنبض باجمل اغاني السعاده....
ولَكِنْ يبقى ٰ السؤال هل سَتَستَمر اغاني السعاده ام من المُمكِن ان تعزِف على القلُوب اوتآر الالم؟؟؟   
الخاطره بقلم :يُمنآ ناصر....

———————
وگعت من طولها واغمى عليها ......

نهله..يمه عزه العزاني شبيها المره

الشيخ حازم..ركض جاب مي وكاللها رشي على وجهها
..رشت نهله المي على وجه ام نوره وفزت بهلع
ورجعت تبچي

نهله..خيه شبيج ترى والله وكعتي كلبي احجي شكو؟؟ بنياتج بيهن شي؟ وشجابج وحدج بهالضهريه

ام نوره..ااااه ولج نهجم بيتي ينهله اخووووج اخووووج
نهله..ضربت ايدها على صدرها وشهكت شصاير لرزاق
ام نوره..خيه اجوي اخذو حتى يروح لحرب ايران

نهله..يعني شنو اخذو غصب عنه

ام نوره ولچ خيه هو قبل فتره اجا اسمه بس ضل يهجهج هنا وهنا واليوم لازميه واخذو وياهم 

نهله..وهي تبچي على اخوها االوحيد..دكولي يا الله خيتي ان شاء الله يرجع سالم غانم

ام نوره..خيه اني منو ليه بعده حتى ماعندي اخ وابويه رجال جبير وبرگبتي ٣بنات شلون ادبر العيشه هو من جان يمنا ويا دوب مشين العيشه هسه شلون

الشيخ حازم..كولي يا الله خيتي وان شاء الله مصرفكم من الابره للثوب كله عليه واني المتكفل بيكم لا يضل بالج

ام نوره..متقصر خويه بس اني شلون اكعد اني وبنياتي وحدنه ابويه ماكدر اروح علي اختي ام علاء ارمله وكاعده يمه وكومه لحم برگبته

الشيخ حازم..افااا يم نوره تخافين وانه كفلتج ابد روحي على بنياتج وادعي يرجع ابو نوره بالسلامه وانا اخليكم بعيوني منا لما يرد

ام نوره..هذا العشم يبو حازم بارك الله بيك والله يكثر من امثالك ضلت كاعده شويه وهي تشهك شلون راح ويمكن يرجع ويمكن لا

تسمحولي اني لازم اروح عايفه البنيات وحيدهن
نهله..ضلي خيه تغدي يمنه
ام نوره بالعافيه حبيبه اروح اشوف بنياتي سوده عليه نوره ملخت نفسها من البچي

نهله..تفرج ان شاء الله يرجع سالم غانم

ودعت  نهله ام نوره وطبت جوه للبيت..

الشيخ حازم..نهله انا رايح لشغلي تردين شي ؟

نهله..رايدتك سالم يبعد هلي وطوايفي والله جميلك ما انساه

الشيخ حازم..يا جميل يم قيصر گولي يا الله هذا رزاق اخويه واعز بعد وماكو جمايل بين الاهل والخوان

نهله..يبعد عمري ويلوموني بعشكگ وهواك

الشيخ حازم..كام وباس راس نهله وابتسملها ..يلا في امان الله اي شي تريدي وتحتاجي دزي عللاوي على  سمير صبي الديوان لا تطلعين انتي