النصيب المنتظر (مكتمله)

بارت(٦)

هلووو
حبايبي اعذروني ع التأخير بس حشاكم النت زفت....

اترككم ويا الروايه🍃

يا كُلشي بحياتيْ ويا حِلم دنياي...
يادَمعَتْ فَرحتي وضِحكَت احزاني...
يَلْ حُبَك خِرَج عَن طابِع المألوف...
ومِن كَد ما اعشگك تآه وِجداني...
وُمِن هـٰذا البَشرواضِح فوارِق بيِكْ...
عَنهُم تختلِف مِــن قاس مِيزاني...
نيران العِشك تاكلني كل مانام ...
بس بيك انتَ تطفى وتشتعل نيراني...
مارْدت الفراك بس چنت مجبور...
خيورني بيك فوك الارض معيوف ...
وبين ازورك جوه الكبور...
سكتت وبركاني عليهم صمت ميثور...
بَس اعرُف انك تشوف نفس حمام اليمر مِن فوكآي...
مِن يمُر سِرْب الحمام وسِرْب الطيور...
واختاريت اشم هواك من بعيد واوكف علي طابور...
و تذبل غصوني ويشجروها بالتنور...
ولا أسمع حچاية هذا معشوگه المشى مــِن الدنيا مغدور...

*ملاحضه :الكلام نص الاول اقتباس والنص الثاني بقلمـــي ✏️يُمنا نآصر

نوره..طلعت واشوف امي واكعه من طولها مغمى عليها وتفاجأت انو الواگف ابويه !!!!

اي اي اي والله هذا ابويه هذا رزاق
صحتت بعالي صوتي لخواتي وهنا اجتي يركضن رحت شبگت بابا وكمت ابوس بي بخبال وابجي
نوره..يابه هذا انتَ هذا صدك انتَ رجعت
هو هم خطيه يبچي ويايه ويبوس ممصدگه ابد ابد ممصدكه

خواتي راحن صحن امي وطشن على وجهها ماي
وهي كعدت وابويه اجه عليها يركض شبگته وصارت تبجي..

ااااااه يا رزاق ماصدكت ترجعلي

ابويه باس راسها وهم بوس خواتي التؤام وحضنهن
مسح دموعه وطبينه جوه للبيت
امي كالتله احضرلك تلحمام حتى تفوت تسبح..
رزاق..ايي والله لان كلش تعبااان

واني گمت حضرتله الغده وسويت زلاطه وهو كاعد ويا خواتي ويسولف وياهن

اجتِ ماما كالتله يلا طب اسبح حضرتلك الحمام
طب سبح وطلع جبتله الغده ..

وگعد كام يتغدى ويسولف ...

رزاق..اووف مرة عليه ايام واسابيع عيوني ماتضوك النوم من گد التعب والخوف

ام نوره..ياعيني سوده بوجهي

نوره..بلش يحجي على حرب ايران والصار بيها

هو يحچي واني مذهوله من الناس الشجاعه الي راحت بكلب ميت للموت برجليها وشلون يدافعون عن ارضهم بكل شجاعه وشهامه
عرفت انو العراقيين فعلا مصنع الرجوله واصلها
ومنبعها من عند اهل العراق وزلمهم ..وفاجئنه بابا من گال رحت لايران اسير!!!