النصيب المنتظر (مكتمله)

بارت(٢١)

مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس..💔

بسمه..رجعت نمت من تأثير المخدر عليه سهيت بنومتي كلش..ماوعيت الا على صوت قيصر يمي ..فتحت عيوني بثقل باوعت اله لكيته لازم ايدي وكاعد على حافة الجربايه..بدت الصوره توضح عندي شويه شويه ..بلعت ريگي بعطش وكلت بصوت تعبان ..قيصررر
..هو فز من يمه وكال..بسمه حبيبتي تريدين شي محتاجه شي ..

بسمه..بنتي وين

قيصر.. ابتسم ولزم ايدي بحب..مبروك يا احلى ماما بالدنيا ..هسه شويه ويجيبوها

بسمه..سحبت ايدي منه بهدوء ودرت وجهي عنه

قيصر..تنهد وجر نفس بعدين گال..بسمه اني اعتذر والله كلش اسف لو شنو اكول وشنو احجي هم ابقى اني غلطان ..عرفت قدرج وقيمتج حيل ..اني اكتشفت انو احبج واعشگج متندم والندم ماكلني والله .. لزم وجها باطراف اصابعه..دارها علي وهي عيونها مليانه دموع ..مسحهن برحاة ايده وكال..اروح فدوه لكل دمعه تنزل من هالعين الحلوه شكد مشتاك الج..عفتيني وصرت مثل طفل يتيم ..لا ليلي ليل ولا نهاري نهار ..

بسمه..اباوع علي هو يحجي مبين تعبان ومهموم هواي لحيته عاليه وضعفان محاور عينه محتلها السواد ..ومبين علي كلش هواي الندم حتى شعره بي شكم شيبايه ..رجع كمل كلامه وكال

قيصر..مسح على شعرها بتسم بحزن وكال..رجعيلي بسمه رجعي اليه واصلح كل الصار نوره مجرد نزوه وراحت خلص

بسمه..بلعت ريكي ورفعت عيوني فوك حتى امنع دمعاتي القاسيه انو تنهمر على وجنات خدي وكتله..قيصر خلي نكون واقعيين ..

..نوره بعمرها ماكانت نزوه ابد ولا حتكون هي معششه بكلبك وروحك ..مسحت دموعي باصبعي الابهام بسبب تواجد الكانونه ..كتله..جنت يمك ووياك واحس بيك تمثل انو انتَ ويايه ومانكر انو بهواي لحضات حسيتك عاشق ولهان ومجنون بحبي..بس هم احسك منسيتها واحساسي صدك وماخاب..كل مره تشوفها وتجي النه وتضل تباوع عليك اني داخلي ينهار .. اشوف التوتر الي يصيبك وحسرات الالم والآه الي تشهكها بوجودها..
داخلي يكول راح يجي يوم  الي يخرب بي كل شي..وللاسف جا هاليوم..اجا اليوم الي جنت خايفه منه كلش هواي ..وخوفي الاكبر انو اخسرك ويلتف وجع فقدانك وحبك لغيري مثل حبل الاعدام حوالي ركبتي (الرقبه) وصار الي توقعته وانتَ بايدك اطلقت عليه رصاصة الالم والكسره الي تغلغلت باعماق قلبي ..ودخلت لجدارنه..وصلت هالرصاصه بصندوك .. بي اسمك منقوش على حجر ومابيوم جنت اضن ينمحي..بس للاسف انتَ دمرت اسمك بگلبي..ورصاصتك ضربته وفلشته مثل الجام وصار كومة رُفات..ينغز بكلبي كزازه..وي كل نفس اجره وي كل نسمةهوا استنشقها ..

قيصر..ادري اذيتج هواي وادري جرحتج حيل..بس انطيني فرصه اشافي جروحج ..بسمه اني بدونج هم مختنك يمكن هاي حوبة وجعج ووجع كلبج ماعرف بس اني هم متأذي وياج وكله من ايدي.. افتقدت عبير عطرج الي تيرس الغرفه افتقدت روحج الحلوه وشعرج الي اتوسد علي من انام..كبرتي بعيني اكثر واكثر..من مارضيتي تحجين الي صار بيناتنه ابد ولا تشكيني لاحد من اهلج..رجع لزم ايدها .. رجعي بسمه اذا مو لخاطري لخاطر هالطفله الي حتى اسمها بعد منكتب .. لا تخليها تذوك مرارة فقداني او فقدانج