النصيب المنتظر (مكتمله)

بارت (٢٩)

علي يگول للمى ...

يــا عُمرـٰي بعشرتّك لـا تظن انسآك..
ولآ گَلبي حَجَر حتى اگدَر بدونَك..
غدار الوَكِت ماخلى جرحي يطيبْ..
دوـم الروح عَنّك تسأل شلونَك..
صـح دَربي طوـيل وانتَ عني بعيد..
بَــس تِدري احبك واعشگ عيونك..
سألت الروح عَنك جاوبتني دموع..
ماحبك فقط ثاريني مجنـــونك..
سلِلملي علـى روحَك يا حَبْيب الروح..
واذكُرني بــحِلم لو غمضن عيونك..

قراءه ممتعه ....

تقى ..
جريت التلفون وطلعت رقمها يمي لان مرات بتها تدك تسال ع الواجب من تغيب رغم ماطيقها بس ماعدها كرامه عادي

.. عندي خطين اسيا وزين هي تخابر ع الزين حجيت من الاسيا حتى ماتعرفني ..

طبيتلها وبلشت اكتب .. يعني الى متى انتِ ضلين هجامت بيوم .. دكافي لخاطر ربج هذا اذا تعرفي لربج اصلاو
والله لعبت حتى روحي من طرواج ..لان مايجي بس بالسوء.. والا اذا اكو مصيبه
شراح تلكين بكبرج اريد اعرف يعني شنو انتِ من بشر مادري .. عجوز بكد بيبي وعايشه دور المراهقه ..

لج والله مرات ينكسر كلبي على بنتج عدها هيج ام ماتعرف الله ولا عباده شنو ..
لو من غيرج اطم روحي من همداني لو اني مثلج ..
بس شكول اذا انتِ تخونين زوجج وكدام العالم ومهزج اكبر واحد..
كل ما اتقدم بالعمر يزيد الج كرهي .. جري عدل احسلج ومره ثانيه اريد من الله تحجين حجي زايد ويا امي ..
لاعبالج جاهله وماكدر اسوي شي ..والله اهجمه لبيتج هجم

اجي لزوجج الطلي واشيشه عليج واكله شنو سوين وشون لازكه اوبيه فاحترمي شبياتج احسلج ترى كلش زودتيها ...

.. اني مو مثل امي .. لا يروحي فدوه لتجاعيدج ونعالج الاصفر ..
والله اسوي بيج شي متتوقعي فسكتي وكفي من ابوي لان راح نهج من المنطقه بسببج ..

الله يكفينا شرج وشر اخوج ابليس
اعوذ بالله عبالك ملك الموت خطيه خرعتي الرجال وين ميروح ترىحين وراه ..
وهاا كولي لبنتج صخلة المدارس تكف روحها مني لان وجها ذيجيني بكوابيس الليل واهلي حارو وين يودوني ويين يرقوني

.. ترى وروح جدي الماشبعت منه اسحلها من كشتها العبالك مكناسة سعف ..

ويلا هسه عاد ياريت تنفع الرساله ولو ماظن المثلج تاثر بي رساله .. بس المهم فرغت طاقتي بيج .. وعود خاف معرفتيني منو ترى اني تقى بنت بسمه وقيصر الي ساحله روحج علي وماخايفه منج خوش ..

ظغطت ارسال شمرت الموبايل ومددت على الجربايه .. خليت ايدي جوه راسي وابتسمت ابتسامة نصر .. تنفست بارتياح ونمت ..مرت الايام والاسابيع ونوره سوتلها سالفه واجتِ على امي بسبب الرساله ..تعاركت ويايه وكالتلي ميصير هيج سوين عوفيها هي وربها ..

تُقى..والله اني ماكدر انام وعندي حق يم احد ممسويه شي اني وكفتها عد حدها حتى بعد لتجاوز .. وبعد اني اكولج ياها من تسمعج حجايه وحده تلكيني كبالها ..ضلت تحجي عليه وماقبلت على كلامي تعاركنه اني وياها بس رجعت صالحتها ..