النصيب المنتظر (مكتمله)

بارت(١٩)

بدايات ونهايت لا تُعرفْ..اختار القدر ذات يوم قلبان لكي يعيشا معاً اجمل قصة حب ولكن نفس القدر اختار في اليوم ذاته ان يكسر قلوب لن تنجبر يوماً .....💔

ساره ..تلعثمت امي بالكلام ولكن اني تداركت الموقف..

كتله.. اااااا ..رحنه للمكتبه جنت محتاجه دفاتر

..گال بشك وغضب ساكن..ايي وين الدفاتر اشو مامشترين شي

ساره..موو موو

..موو شنو

ساره..بللت شفايفي وبلعت ريكي بخوف وكتله..موو مالكيت الدفاتر الاريدها كلها خفيفات ..ماعدهم ابو الـ(١٠٠)ورقه عدهم بس الو الـ(٣٠)

...ديلا يلا طبو

ساره..طبينه جوه للبيت ..تنفست بارتياح الحمدلله عدت هالمره..

بسمه..

گالو اليوم نطلعو لمحمد ما يبات بنفس اليوم يطلع بس باليل وطبعاً سحيله ام الوصخ نوره بعدها لازكه وبكل عين گويه تسأل بقيصر هما تاذيت واكو شي يوجعك..ماتحملت بعد اكثر كتله لقيصر عفيه وصلني لان تعبت وانت هم بدل ملابسك واسبح وارجع عليهم ..هو ماكال شي
نوره نطت من يمها..

نوره..عفيه قيصر بالكت توصلني اني هم وياكم اريد ارجع

هو ماحجه شي طلعت اني وياه وهي لحكتنه..كل الطريق هدوء ومحد حجه هي كاعده ورى كرسي قيصر..ونابته عيونها بالمرايه الاماميه..وهو احسه متوتر بس ماباوع بوجهه ابد  ..كالت

نوره..شغلونه اغنيه رومانسيه ماعندك كاسيت حَـبـ..اقصد قيصر

قيصر ..لا ماكو

نوره..حقك ياعيني انتَ لويش تسمع رومانسي شعندك متگولي

بسمه.. عرفته بسمار الي كتلها..وانتِ. جايه تسمعين يمنا اغاني ماداشوفين حالنه شونه صدك الاحساس نعمه

نوره..يا شبيج اكلتيني شكلت اني ..

بسمه..نفخت بجزع  كلت..استغفر الله

نوره.. الف مره استغفر الله ..ضحكت ضحكة بنات شوارع  ورنتها وصلت خارج السياره..

وصلنه وامها كالتلها يلا خل نمشي ماضل وكت هي ضلت تحجج انو خل نطمن على محمد تالي اهلها ماقبلو ونكلعت ضليت اكل بروحي ماريد احجي ويا قيصر لان هو بلا شي  تعبان ..حظرتله ملابسه وهو طب سبح وبدل وطلع..ضليت اني افكر هل ياترى من شافها تأثر وشلون راح اكضيها اني هيج شلووون هاي الحيه لازكلتي

نوره..
رجعنا للبيت كتلهم اني انزل بيتنا ماروح وياكم نزلت طبيت للبيت عمتي وميسم واكفات بالمطبخ سلمت عليهم ما جاوبن مشيت وعفتهن ..صعدت فوك عمر ماكو لا هو ولا سندس..طبيت سبحت وطلعت حطيت مكياج خفيف وبدلت ملابسي..باوعت للساعه حتصير ٩وهذول ماكو ..
كمت رحت على عمتي سألتها..