النصيب المنتظر (مكتمله)

بارت(٢٠)

مايحتاج اعاتب واطلب العون ..

منك وانته بيدك عذبتني ..

ولا يحتاج اكلك طبعك تخون ..

تعرف نفسك انته شكد خنتني..

حبيتك صدك حب طفل مجنون..

و انطيتك حياتي وموتتني ..

اشكرك علمتني الحب والظنون ..

ودروس هواي شكرا علمتني..

بسمه ..وصلت باب المطبخ شفته اجه ورايه طبيت بسرعه للمطبخ وسديت الباب بقوه .. باوعت امي واكفه بالمطبخ هي والچنانين .. باوعولي باستغرات امي كالت
..يمه بسمه شبيج صاير شي؟
بسمه..نفجرت بالبچي ورحت اركض لحظن امي اشكيلها حالي ..رجعت طفلة عمرها ٣ سنوات اخذو لعبتها منها وجتي تشكي لاحن حظن عليها ..حظن امها .. كل شهكه اشهكه احسها تطلع من داخل روحي وگلبي ..مقهوره وكل قهر الدنيا انجمع بيه..امي خطيه نخبصت بيه حيل وماعاد تعرف شنو سوي ..رفعت راسي الچان مدفون باحظانها الحنينه وكالت بخووف..شبيج يمه منو الوياج شبيج حبيبتي

بسمه..يمه البيه گلبي يوجعني ..البيه انو حبيت شخص ماقدر حبي اله ..البيه ظهري يوجعني من كثر الطعن وثوبي صار احمرمنه..

البيه جرح مامفتوح اليوم فتحو وصبو علي ملح ولچموني يمه بنتج اذوها هوواااااييييي ورجعت ابچي..كومتني وهي تكول..يمه عزه بعيني ان شالله الوجع لعدوينج اجوي البنات ساعدوها يكوموني .. دخلوني للحمام غسلولي وجهي..طلعت ماعرف شبيه دايخه حيل ماحسيت الا صورة امي مقابيلي غوشت وصارت تتلاشى مثل للصوره البطيئه وفجئه وكعت على الكاع ونزل غشاء اسود على عيوني ..

قيصر..
ضليت بحاله ذهول هاي شنو دتكول اكيد سمعتنه اني ونوره نحجي لااا يربيي لاااا .. اجيت اريد الحكها احجي وياها هي ركضت للمطبخ وسدت الباب .. اريد احجي وياها بس تراجعت كلت هسه هي منهاره مازيدها عليها..ركبت سيارتي ورحت للبيت اول ماوصلت ..امي تكلتني..

نهله..شصاير ؟؟ ليش هيج وضعك وين بسمه

قيصر..راحت لاهلها..كتلها هيج وصعدت ركض للغرفه كعدت ع الجربايه واني افكر شون راح اصلح الوضع..فركت راسي بتوتر باوعت على الميز تواليت سله بيها ورق ورد..رجعت باوعت بصفي شفت كفوف جهال ولهايه..شلتهن وبقيت اباوع الهن باستغراب..طخت عندي .. ونزلت بسرعه..

قيصر..يمه يمه

نهله..هاا يمه شبيك

قيصر..نطيتها الغراض وكتلها هاي شنو

نهله..هههههه مبروك حبيبي راح تصير اب

قيصر..شنو يعني

نهله..بهتت ملامحها وكالت..ليش مكالتلك مرتك

قيصر..درت راسي عنها ..لاا يا الله لاااا شسويت بروحي اني

نهله..شكوو قيصر شبيك شصاير..