النصيب المنتظر (مكتمله)

بارت (٣١)

(((وهل أخبرتكِ بأنكِ زرعتِ بي شيئاً أعمق من أن يحكى)))

تُقى..صدمه اجتاحت كل حواسي للحظه انعقد لساني بس
ردت عليه وكتله
تُقى..مسحتيل انته الي كلته اول شي اني اشوفك مثل اخويه الجبير ماكدر اشوفك بغير نضره ثاني شي انته تعرف الفرق الي بينا وبمعجزه من الله حتى ننجمع بيوم من الايام اتمنئ تقدر موقفي وهذا الشي مياثر ع صداقتنه..
هو ضل ساكت
اني ترخصت ومشيت بعدني ممكمله طريقي جان يصيح بصوت
حسين..دشوفين الله لفوكاج وحقه هو احبج ومصيرين لغيري لو ع موتي وروحي امنتج يم الله اني...

ماعرف شنو الصار بيها بوقتها مشاعر غير قادره على ترجمتها
ضليت بين فرحانه لن مالكي هيج انسان يحبني  واللهفه مبينه بعيونه بشغف ..

وبين القهرالي متغلل اضلاعي  لان راح اخسر صداقتنه واعرف مو نصيبي ولا ننجمع اني وياه..

هواي اشياء بينا مانكدر نكسر حاجزها منها عاداتهم وتقاليدهم صح هو متفتح وعقليته واعيه ومثقف بس من ناحيه اللبس فهما يلبسون عباة راس اني من نوع اهلي فري وهواي امور من نجي نطابقها نلكاها صعبه  اني وياه حبنه اشبه بورده جميله كلش ممكن تزهو بوقت من الاوقات .. لكن مو دائماً منگدر نخليها واكفه بشموخ وراح تمر عليها هواي عواصف وفصول خريفيه ..

.. اضافة الى انو بهالفتره العرفته بيها شفت هو شكد اعصاب وللاسف هذي الصفه تحتل جزء كبير من شخصيتي ..

اني مثل جذوة جمر هادئه لكن من تجيني نسمة هوا متعجبني  اشتعل بلُهب حارقه .. والحل الوحيد لانطفائفها انو يغمرها ماي هادئ ويطفئ من تمردها.. بس هو كان اشبه بـِكتله من الزيت اذا نصبت فوق جموحي راح يصير حبنه مثل  الهاويه ممكن نحترق بيها ثنينه ..

رجعت للبيت واني داخله بدوامه تفكير بين ال اي وبين لا بس عقلي مسيطر عليه كلششش..
وهاي اول مره ارجع من الكليه ومالكي مسج منه..
وصلتي؟ طمنيني عنج واكلي زين ونامي ومن تكعدين راسليني هذا المسج  كل يوم يتكرر وتكتكرر وياه ابتساماتي المبهمه من اشوفها وكانه اول مره داقراها ..
مهتم الادق تفاصيلي مهتم لكلشي يخصني....

نقهرت بشكل والافكار تاخذني وتجيبني مثل الضايعه وماعرف شنو اسوي  صار الليل وهو محاجي ويايه وثاني يوم نفس الشي محجه ويايه  حلقه مهمه من روتيني تفقدت .. وين كان يومي كله وياه وين هسه مسج ماشوف منه

مراسبوع  وعبالك سنين مرت ..
مكدت انحمل بعد تخليت عن عنادي واني راسلته دخلت اسئل عليه وهو جاوبني بكل لهفه لحد

رد .. والله معبالي اهمج لو غالي عليج لهدرجه كلت بعد عافتني وراحت ليل ونهار اني احترك من وراج بالدقيقه افتح التليفون ميه مره ادور مسج منج وهسه ردتلي روحيي..

تُقى .. يمه اني من قريت هيج حتى النت طفيته  ماعرف بعد شنو ارد بس الصرراحه فرررحانه كلش وكلبي صار ينبض بسرعه عجيبه وكانه ديكلي بكل دكه تترنم لاذني انو انتِ تحبي وتعشقي بس عقلي يخالف الدكات ويكول مستحيل ..
هو كتب الوو وينج يمعوده ماصدكنه تطلع الشمس ..