النصيب المنتظر (مكتمله)

البارت (٢٢)

ملاحظه مهمه🔴
بنات نشرت اعلان الروايه الجديده رواية(نصفي العقيم ) طبو اقروها وضيفوها للمكتبه وانطوني ارائكم بيها

وهسه نبدي بالقصه

بسمه تگول ..
سَمِيتَكْ إبن ألرُوح ..
يالعْطرَك دوهَ يشفي كُل مَجروح..
من اول نظره بِعيوُنَك...
صبْت كَلبي بسهم
مِثل نَقش الحَجَر واثاره مترـوح

بعد مرور سنتين..

محمد.....

بعد رفض حيدر انو يزوجني ساره تخبلت خبال صرت اكل بروحي وماعرف شنو اسوي..حجيت وي ساره .. وكالت اني احبك وماصير لغيرك بس انتَ ستعجلت بجيتك علينه .. كتلها احاول مره وثنين وثلاثه حتى يوافق ماراح امل منج انتِ مسجله باسمي ومستحيل تصيرين لغيري.. واني من جيت طلبتج من خوفي عليج انو ياذيج هالحيوان ..ضلينه على تواصل تام خلال سنتين مافتحت طاري زواجنا ابد ولا كتلها نرجع نزوج.. هي صارت كليه تداوم واني مخبلها خبال بغيرتي عليها مرات تزعل مني وتكوم تبجي بس شسوي احبها واتمنى اضمها بداخل ضلوعي..اروح الها للجامعه مرات واكعد اسولف وياها ...مصبر روحي هيج بالكت يجي الفرج القريب ونزوج..

بسمه..مرت حياتنا هادئه ومابيها شي تُقى مخبله الاوادم عليها صار عمرها تقريبا سنتين..بس سوالفها تخبل .. وعمو حازم يموت عليها وهي فد متعلقه بي الحقيره شكد تسوي افلام وتتلوك يمه من يجي..
نوره طول هالسنتين ماشفتها ابد ولا سمعت عنها شي..الله يبعدها انشالله..
بس اني تغيرت مو مثل قبل مارجعت ذيج بسمه الي مأمنه بقيصر بعد اخر موقف وياه بصراحه كمت اشك رغم هو تصرفاته طبيعيه ..بس اني ما أمن بعد ابد ..

حضلت مشاكل بيناتنه بس مو قويه كلش زعل يصير مره اني ازعل مره هو يزعل .. كمت طلعت ملابس وطبيت للحمام سبحت ولبست فستان كريمي قيصر وضيك ع الجسم شسورت شعري وخليت مكياج وردي فاتح.. رشيت من العطر الي يحبه قيصر .. ورحت نومت تُقى واجيت اباوع على روحي بالمرايه نظره اخيره

حضرت عشا بصينيه وحبشكلات للسهره..ضليت كاعده منتظرته حتى اصالحه واني تذكر شصار اليوم الصبح..كاعدين كلنه نتريك والتلفون دك ..كام علاوي جاوب الوو الوو محد حجه ..سد التلفون ورجع دك.. هم جاوب واحدا من الولد ونفس الحاله.. گمر كالت اخاف وحده من صديقاتي .. جاوبت هي ومحد يحجي.. اني بسرعه باوعت ع قيصر.. بس هو جان ياكل طبيعي.. ومو يمه السالفه.. كمل نفض ايده وكال يلا بالعافيه اروح ابدل دا اطلع.. هو كام واني رحت وراه..

صعد للغرفه وسد الباب ..اجيت وكفت شويه واسمعه يحجي..صباح الخير يحلوه .. فدوه لهالحلك چنه تفاحه..

فارت روحي دفعت الباب بقوه واشوفه .. شايل تُقى وديلاعب بيها هستوها كاعده من النوم.. هو تفاجئ من فوتتي عليهم هيج كال
قيصر..بسمه شبيج صاير شي ؟
بسمه..كمت امتنت وامسلت ماعرف شنو احجي فد فشلت