النصيب المنتظر (مكتمله)

بارت(١٧)

لَقْد كُنت اعرف انـي غريب..
وان زماني زمانٌ عجـيب..
واني سَـاحفر نهراً صغيراً واغرقُ فيه..
انام وفي العين ثقب كبير..
فأوهم نفسي بأني انام..
وأصحو وفي القلب خوف عميق..
فامضغ فـي الصمتْ بعض الكلام..
اقول لنفسي كلاماً كثيراً..
واسمع نفسي..
والمح في الليل شيئاً مريب
يطوف برأسي..
ويخنق صوتي
ويسقط في الصمت كل الكلام 💔"(عِــشــقْ)"

بسمه..

مشت حياتنا طبيعيه بس البرود الي بيها يقتل بديت الاحظ عيون قيصر تترقبني بكل مكان واحس بي يضوج من شغلات معينه ..قبل اسبوع اجه ابن عمهم عليهم يبارك النه ولد مرتب يدرس ماجستير ..نزلت سلمت علي  باركلنه وكعدت يم قيصر ..

محمد ..يلا ابو الشباب شد همتك وتزوج مثل قيصر

ياسين..ابن عمهم..ايي والله بزعت من العزوبيه..كون عاد الكالي عروس لكطه مثل قيصر

قيصر..جاوبه من بين اسنانه ..بنات الحلال هوايه ان شاء الله تكله الي تناسبك

ياسين..زوجتك ماعدها اخت ..

قيصر..عدها بس جبيره ومزوجه متفيدك

ياسين..حرامات

قيصر..كام وسحب ايد بسمه..يلا احنه نستاذن .. تعبان اني من الشغل

ياسين..نسيت اباركلك على المشروع الجديد ..ان شاء الله شايف كل الخير الظاهر العروس وجه خير ورزق عليك

قيصر..تسلم

ياسين..هيمتا تفتحو وتنتجون؟

قيصر..مابقه شي ان شاء الله كملنه كل شي واتفقنه وي الناس الي حيجيبون النه حليب وحصلنه على موافقات من البلديه يعني كملت اوراقنه

ياسين..بيها الخير ان شاء الله ..بس وين ماخذ زوجتك بعدنه متعرفنه عليها

بسمه..اني واكفه واباوع على وجه قيصر ورى اخر جمله نطقها ابن عمه..كلت هسه يلزكه بوكس يكومه بالكاع..اجيت اتدارك الموقف..كتله..
تشرفت بمعرفتك خويه بس زوجي تعبان لازم اصعد عن اذنكم..مشينه اني وياه وصعدنه فوك..اول منطبك الباب نفلت بيه

قيصر..اريد افتهم شكووو تحجين وياه هاااا شكووو وبعدين ليش كعدتي ويانه اجيتي سلمتي علي كومي طلعي الا تكعدين ويانه

بسمه..هاي شبيك شكو تصيح عليه..الي يسمعك يكول كاعده بحظنه..مو جنت كاعده بصفك

قيصر..لزم فك بسمه بقوه وحجه..اذا عدتي هاللغوه مرت اللخ والله اراويج نجوم الظهر..وبعد ما تنزلين ولا تكعدين من احد يكون موجود من كرايبنه تنثبرين هنا محد يشوفج افتهمتي

بسمه..وخرت ايده بغضب ورفعت اصبعي..لا تحجي ويايه بصيغة الامر ثاني مره..وبعدين تعال انتَ شكو هيج عصبي نسيت انو احنه زوجين ع الورق !