النصيب المنتظر (مكتمله)

البارت(٢٥)

لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه

قراءه ممتعه....

بسمه..رجعنا للبيت وكل الطريق عمتي تبجي وتقره قران على روحه ... مسافة الطريق ونزلنه هي راحت حتى متغدت طبت لغرفتها وسدت الباب ومانسمع بس البچي والنواح ..بذاك اليوم نعادت ماساه يوم وفاة عمي..وعبابك توه مات ..الولد والبنات واكفين كلهم ويكهدون وهي كل شويه وكايله نتعا على الموت تخلينه ننمرد من داخلنه..حقها لان الراح مو شويه وهو جان يحبها حب بس الله اليعلم بي وهي دائماً تكول هو الفتحت عيني علي وماشفت غيره من صغري...
ومن ذيج عمتي تغيرت صارت كلامها قليل وبعيونها دوم الكسره حسيت موتت عمي اخذت حيل من حيلها صارت قليلة الكلام بشكل ودوم لازمه القران وتقره وتسبح مرت ايام وشهور والحياة مشت ..

حياتي ويا قيصر توترت خصوصاً من جاورناها لنوره .. تازمت نفسيتي كلش بسبب هوسي..من يطلع اكول بس لا يشوفها ومن يطب للبيت اضل اسئل بي  وين جنت وليش تاخرت ..زادت المشاكل بيناتنه ومروان وتُقى كبرو خاصه تُقى صارت تفتهم وتلاحظ..وهي ذكيه وفطنه كلش..

صرت الاحظ عليهم صارو شويه وحشيين ودوم كاعدين وحدهم وبس تطلع اصواتنه شويه هما بسرعه يسدون اذنهم وينعزلون.. باوعت عليهم وكلت هذول شنو ذنبهم هيج يتعقدون ويصير بيهم حاله نفسيه..
كمت احاول شما اكدر اجنب المشاكل والغيره تاكلني بس ما احجي من اجي يمه واشوفه يجاوب ويايه واشوف لهفته بحب الي انسه كل شي واحسه فعلاً يحبني وروحه متعلقه بروحي مو مثل مكالت نوره انو هو بس جسد!!

محمد..
موتت ابويه جانت كسره كلش جبيره بنفسي ماكدرت اجاوزها صح استمرت الحياه من بعده بس ضربه على ضربه تكسر..بالاول اجتي ضربة ساره الي اختفت نهائياً وماكدرت اعرف اي شي عنها والنوب راح ابويه حسيت الحياة راح تتوقف عندي مريت بتفرة كآبه وصرت كل شي ما تقبل نفسي مو طايقها..ابويه جانت بركة البيت وهيبته ..لحد هسه اذكر شلون جنه بزوده نمشي..من واحنه بالابتدائيه للمتوسطه للجامعه وهما كلهم يقدرونه وحاسبيلنه الف حساب لان احنه اولاد الشيخ حازم..من راح صار البيت بارد وقاسي..حتى الضحكه اختفت مو مثل الاول ..راحت طلته علينه من يطب وشلون من نكعد ونتحارش برانيا وگمر وهو يفزع الهن..من اطب للبيت واباوع لمكانه وهو مابي تطلع من داخلي صرخلت مكتومه لو اطلقتها يمكن تهدم حطيان البيت من كثر مابيها من وجع وفقدان..الراح مو هين والا الاب مايتعوض ابد.. هو علمود البيت وراح ..

بس بسبب كلام امي وتصبيرها النه كدرنه نجاوز هالمحنه بصعوبه ..
اما  حياتي ويا اروى هي بنيه فقيره ومسالمه ماعدها شر على احد عايش حياتي طبيعيه وهي خلفت بنيه شايلها شيل وهي روحي من الدنيا .. بعد فتره وجيزه سمعت من صديقي اخو يداوم بالمنطقه الخضراء..كتله اسئلي على المسؤال الفلاني بنته او بنت اخو وين؟
وضليت انتظر خبر منه على نار ..