النصيب المنتظر (مكتمله)

بارت(١٦)

لا نعرف اين ومتى وكيف يأتي نصيبنا من الدُنيا ..
أحدهما يسخر من القدر دائماً، والآخر يتفادى الواقع طيلة الوقت، وكأن الإثنين يمشيان على حافة الحياة..

بسمه ..طلعو كلهم واني ضليت بحالة ذهـول وصمت من الي كالته اليه هاي منو وشلون وليش هيج تحجي ..شويه وندك الباب  فزيت من سلسلة افكاري ..دخلت گمر كالت امي تكول اساعدج تنزعين البدله

بسمه..ابتسمت الها وكتلها اي حبيبي شكراً
كمت وياها وهي فتحت السحاب اني طبيت للحمام بدلت وطلعت وهي كالت اساعدج بفل التسريحه.. كتلها اخاف تعبج ..
كمر..لا عمري تعبج راحه

بسمه ..حاولت اجرجرها بالكلام
اكلج حبيبي گموره

كمر..ها عيني

بسمه..هاي البنيه الي اليوم اجت بوستني لابسه فستان وردي مالت حوامل منو

گمر..هااا هاي نوره بنت خالي رزاق

بسمه.. ممم هي متزوجه..

گمر..ههه اييي لعد مشوفين لابسه فستان حوامل ليش تسألين..كعدت يمي بهلع وكالت..خما ضايقتج بشي او غثتج

بسمه..عقدت حواجبي باستغراب..ليش تغثني

گمر..هاا لا بس يعني هيج سؤال ..يلا اني كملت راح انزل

بسمه..ابتسمت الها  شكرا ياروحي عاشت ايدج تعبتج ..تشكرت منها وهي نزلت ..ضليت افكر وراسي راح ينفجر معقوله بيناتهم شي اكيد لعد ليش هيج تكول.. اروح وارجع بالغرفه ..شويه واسمع هوسه يم الباب زفو اصدقائه ويصيحون صير سبع ونچرويضحكون ويشاقون  .. رحت كعدت ..طب هو للغرفه واني لابسه وكاعده انتضره اجه كعد يمي وبساني بوسه خفيفه وگال ..مبروك..رديت بهدوء عكس البركان البداخلي ..الله يباركلك.. هو انتبه لوجهي العابس كال..اكو شي؟؟

بسمه..سلامتك

قيصر.. دار راسي باصبعه بخفه ..لعد ليش هيج وجهج ..اذا اكو شي گولي

بسمه..باوعت بعيونه بحيره وكتله بسرعه وبدون مقدمات ..مره وحده طلعت من حلكي..شكو بينك وبين نوره

سالت هالسؤال .. بعدها اعتلت ملامحه صدمه واشياء ثانيه قدرتي نعدمت على تفسيرها..

قيصر..عقد حواجبه بحده وگال..هي نوره؟

بسمه..قيصر لا تسوي نفسك ماتعرف ..نوره بنت خالك رزاق شكو بيناتكم

قيصر..مابيناتنه شي وصوتج لتعلي

بسمه..اذا ما بيناتكم شي لويش هيج تحجي

قيصر..شحجت

بسمه..تكلي (اخذتي واحد بس جسد وگلبه وروحه يمي مبروك عليج )

قيصر..ماعرف ليش هيج حجت يجوز ما تقصد

بسمه..هو شنو الي ما تقصد؟ تكلي كلبه وروحه يمي اكيد بيناتكم شي