النصيب المنتظر (مكتمله)

بارت(٥)

الحُب لا يعرف المستحيل ابداً ...
ولكن لعبة القدر لا تعرف الحُب المستحيل ايضاً...
والنصيب المنتظر لن يبقى منتضِرٌ لاحداً...
إما ان ينتهي إما ان يبقى دهراً ودوماً...       "(يُمنا نآصر)"

:::::::::::::::::::::::::::::::::::::::::::::::::::::::

حجت نهله..وياريتها ماحجت

نهله..ابو قيصر اليوم اجو خطابه لوحده من البنيات

الشيخ حازم..خير ان شاء الله منو الجا والمن ؟

نهله..ام وسام اجتِ خطبت نوره لوسام

الشيخ حازم..باوع لنوره الي جانت ملامح الصدمه على وجهها ..وكال..اسالو البنيه اذا موافقه نتوكل على الله ووسام خوش ولد

وماحسو الا صووت قيصر الي زمجر بغضب..هووب هوب منو الي تريد تتزوج
نوره..باوعت علي بترجي وعيون مليانه اسى وخايفه انو يكول اريدها كدام الاوادم وننفضح

قيصر..ندار على نوره وعيونه تنط من الغضب ..انتي تريدين تزوجين وسااام

نوره..ضليت صافنه بوجهه صفنة المطي لا هش ونش..

قيصر..زمخ بغضب..ماتحجيييين شبيج بلعتي لسانج

نوره..دمعت بغضب لان العيون كلها توجهت علينه هذا عدا الفشله وصريخه عليه ..

الشيخ حازم..قيييصررررر شبيك تخبلت شنو ماحاسب حسابي اني هنا ماعندك اخترام

قيصر..العفو يابه مو قصدي بسس..

الشيخ حازم..صم حلكك لا بارك الله بيك اذا فكيت حلكك اموتك نعرف انته هسه بحساب وصي عليهم بس انا الامر الناهي ورزاق امنهن يمي وهذاك المكتوب الدزه يشهد(مرزوق قبل سنه دز المكتوب)

فيصر..يابه مو هيج القصه والله ..

الشيخ حازم..ماجاوبه وندار على نوره الي الخوف والقهر محتل ملامح وجهها ..ها بنيتي مواقفه؟

نوره.. ل ل لا لا ماريد عمو ماريد اتزوج وطبت تركض لغرفتها وهي تشهك

قيصر..واكف وينفخ بجزع وعصبيه ويمسح على وجهه يابه من رخصت الموجودين اريدك بسالفه

الشيخ حازم.. شكو شتريد من الله يسود وجهك

قيصر ..يابه بس گوم ويايه

الشيخ حازم..امشي يلا لا بارك الله بيك

قيصر ..مشينه وطبينه بغرفه ابوي
يابه بصراحه اني احب نوره
الشيخ حازم .. وهو متفاجئ ..كام على حيله وضربه براشدي فر وجه فرر..لككك زمال حيوان هاي تاليتها هيج تسوي تحط عينك عليها
قيصر..يابه بس ايتهدي بالرحمٰن والله ماعندي شي وياها ولا باوعت الها بنظره وسخه اني رايدها على سنة الله ورسوله

ااشيخ حازم..احچي الصدك قويصر مسوي شي للبنيه ؟؟

قيصر..لا يابه والله اني تربيت ايدك ومو اني الاسوي شي يغضب الله ومن ورى ضهرك واكسر بنت گلبي يابه اني ايدها. ما لامسها مو النوب اسوي وياها شي
الشيخ حازم..هذا العشم بويه اني اخاف عليك وبيوم الي كلت الك روح وصير زلمة بيتهم ليش اني اعرفك ماتطلع منك العيبه ..بس بويه مو هيج تسوي بالبنيه تخبلت علينا جنك ثور هايج واخذو هايشته كمت تنطح حيطان