النصيب المنتظر (مكتمله)

بارت (١٠)

ابو علي..هذول بيت ابو نوره

قيصر..بس گال هيج متت بدمي واحس جسمي نحل لـ لـ لـييي ليش شش شنننووو عدهم

ابو علي..حفله كطع مهر بنتهم الجبيره نوره ..

قيصر..بس گال هيج ماعرف شنو الي صار بيه احس توقفت الحياه وماسمع الصوت الي حواليه وشنو يحجون ..الدنيا فترت بيه واذا كبل جنت مجروح بعملتها هذي هي حطت ملح على جرحي وكسرت اشياء هواي لا يمكن انو تتصلح بيوم..ابو علي يحچي ويسولف وياي واني ماسمعه توجهت للسياره بدون حتى ماسلم على الرجال و اودعه .. لكيت السايق واگف منتظرني (ابويه هنا عنده حلال وموصي احد عماله بسيارت ابويه يوصلني ويوديني ويجيبني بغداد)اني عرفت هوَ حاطه مثل المراقبه عليه .. رحت وكفت مقابيل السياره وگفت الهث كل قوتي..باوعت جان يمي مثل البري مالت حديد
شلته للبوري وجيت على جامات السياره اضررررب بيها بكل قووووتي وصررررخ خاااااااااييييييينه خااااااينه..السايق واكف مذهول اجه عليه عود ديريد يهديني ..عمي بس لحضه اوكف لا تعور نفسك ..نداريت علي هديت البوري الي ماخله جامه صاحيه بالسياره..ولزمته من ياخته..لك اخذت غيري راح تنزف اله تقبلها انتَ على نفسك يزفون معشوكتك كبال عيييينككك هااااااااا واك جاي يكطع مهرها يعني هسه يفوت وبايده النيشان ويكعد بصفها ..لاااا ربييييييي لاااااااا هديت ياخته ورحت ركبت السياره هي وگزازها البيها شغلتها واجا زيدون( الولد السايق)..
...لا عمي خل اني اسوق انتَ هسه متعصب مايصير انتَ تسوق
.شخطت السياره وماهتميت اله مشيت بكُل سرعتي
واني ماعرف وين اروح عبالك بغداد بكبرها تخنكني صرت امشي بين الازقه والافرع واني ماعرف شدا اسوي عبالك فقدت كل حواسي وبقت عندي حاسة الالم وحاسه الخذلان والخيانه اصعب شي من تحس نفسك مخنوك وماتكرد تسوي شي من تشوف الشخص الي بنيت ويا احلى احلام السعاده يروح لغيرك وانتَ ايدك مقيده..

في مكآن اخر ..

الشيخ حازم بغضب..زيدون انتَ شتحجي اني ليش دازك ويا اذا انتَ تودي لغريمه برجليه ولك شسوي بيك هسه

زيدون ..عمي والله انه مالي شغل هوكال هناك بيت صديقي معزوم وديني وانه ماعرف انو هو بيت خطيبته السابقه

الشيخ حازم ..وهو وين هسه

زيدون..من البارحه هو مختفي وحتى ع الفندق مارجع ان اعرف كم واحد هناك من اصدقائه سألتهم وهما سالو الباقين اليعرفهم وماكو اي خبر عنه ..وان من وجه الصبح اجيتك حتى اعرفك الموضوع كله

ااشيخ حازم..شلون يعني وين راح الكاع نشكت وبلعته..

زيدون..والله عمي مادري

الشيخ حازم.. انا راح اروح لمعارفي بغدادوانطي خبر حتى للمؤسسات الحكوميه وعندي هم معارف بالدوله كبار انطيهم اسمه ونشوف شيصير..