هلووو يا احلى ناس .. اليوم حبيت اتناقش وياكم باكثر من شغله.. بالبدايه النشر حيكون بين يوم ويوم مو يوميه .. وبارت طويل كلش يعني فوك الـ(٣٠٠٠)كلمه ..هاي وحده
ثنين ..رواياتنه ما بقالها شي ونودعها .. ظهرت البطله الاساسيه (تقاوي )مثل مشفتو بالبارت السابق..وبعد اكو البطل فتره يلا يظهر..اما عن نوره فنوره حنودعها من هسه وحتكون ادوارها بالروايه ثانويه.. لان هي هي نفسها متغيرت تسوي مشاكل وتسعى لهدم بيتها وبيت بسمه..وتحرض بعمر على امه وخواته وخبلته عليهن فيعني بالبارتات الجايه يجوز يكون دورها ببارتين مو اكثر وبعدها نودعها وبعد ماتشلع كلوبچن ولا تغثچن..
هاي اذا احنه نقره وهيج نغثينه لعد الله يساعد بسمه ..ام توته العشق😍فدوه الها حيل احب هالانسانه لان صبوره وكلبها مثل الثلج..ماتعرف الحقد والدغش ولا تندل بابه
ثالثاً والاهم..راح انزل بعد باجر اعلان عن روايه جديده..حقيقيه ١٠٠٪ حتعيشون صدمات وحرب نفسيه فضيعه لحد هسه اني صدُك مصدومه..من حقد بني آدم الي بلا سبب ومن انتهاك حُرمة المرأة و قدرها بجتمعنه.. روايه لبنيه تجنن ..جار عليها الزمن شوفها اشكال العذاب وانواعه .. تعنيف..رومانسيه..حقد..تملك..غدر .. صدمه باقرب الاشخاص !!! اقرب الاشخاص الي يكونون بحياة الانسان ..يصدموك .. متأكده انو وصفي ماكافي ابد لهالروايه حتقروها وتشوفون الي بيها ..
رابعاً واخيراً شد نظري تعليق اليوم اجاني والله من قريته البسمه نرسمت على وجهي وكل شويه ومبتسمه بوجه اهلي من اذكره عبالك هبله ..هذا التعليق ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مفرحت بمدحها الي بكد مفرحت انو كتاباتي دتوصلكم .. والاحساس الي احسه من اكتب الشي انتو هم تحسون بي .. وتعيشون تفاصيل الروايه ويايه.. هذا غير عن حُب الناس المتابعين الباقين وتشجيعهم ..ماكدر اوصفكم بكلمه غير ..(نعمه)انتو نعمه من ربي وادعي انو يحفظها من الزوال ويديمها ..
واحب اشكركم من كُل گلبي على ٥٠٠متابع ..والروايه صايره (١١)الف .. كل كلمة شكر بالدنيا ماتوفي ولا تكون من قدركم.. بس الكلمه الوحيده الي صدُك تكون من قدركم ..الشكر لِلّٰـه انو انتو ويايه ..🖤
تقبلو اطيب تحياتي ..🌸
الكاتبه :يُمنا نآصر
احبكم..♥️
كولوي منو اكثر شخصيه حابيها بالروايه.. الي تكول نوره تنحظر😂😂
