ياحَضرَت عشّگ ليش هيچ وياي...
اگلَبِت كُل الفَرَح احزان سويته...
اجرحتني والجَرح ماضنتي يطيب...
وبحلوكـ الشِماتهْ اليوم خليتـ ـه...
ليش بهالزَمَن كلمن يحب ينداسّ...
واليعشَكـ من صدگ بالدنيا ذَليته...
جرح فوك الدَمعْ هموم واسيته...
ياحضرت عشِكـ دلينه باب الموتْ...
احسَنْ مـِن عذاب البيك تاليتـ ـه...💔
نوره..بعد ماطلع ابويه من البيت وشفته شايل سلاح وعيونه تجدح نار تاكدت انه رايح لقيصر واليوم يكُتله
..كمت واني الدم بكل وجهي وعضامي احسها تكسرت من الضرب الوحشي مالته ..
رحت جريت عبايه مالت امي بالمطبخ وطلعت اركض علي امشي وضربات گلبي فاقت الالف ضليت اركض وهما اصلاً مو كلش بعيدين علينه بعد شارعين وصلت لبيتهم واشوف ابويه موجه المسدس لراس قيصر..
هنا نقطة دم مابقت بيه واحس لساني ثگل ورجليه ماعاد تحملني المسدس جان ابو البكره سحب قسم واصبعه لمس زناد المسدس هناا تحركت وركضت بكل ما عندي من حب !!!
ايي من حب مو من قوه ابد لان بذيج اللحضه ماجنت امتلك القوه لااااا
حبي هو الي دفعني وعشقي اله انو اروح واوكف بوجه والدي
ركضت لعدهم وقيصر باينه على وجها علامات التعجب ولاستفهام
شديصير !!!
دفعته بقوه ووكفت مقابيل ابويه وكتله..
..يابه اذا تريد تكُتله اكتلي اني اول شي لان من راح يموت اعتبر بنتك ماتت
رزاق..ضربها راشدي بكل مايملك من قوه ورجع شالها من شعرها الي شبه انتهى وراح..لچ كلبه تدافعيله يا زانيه
قيصر..اجه علي وخرني من عنده وگفني وراه
..عمي شبيك كول يا الله شمسويه نوره وليش شايل مسدسك شصايرر!!
رزاق..لك حيوان دتسأل بكُل عين وقحه لك لو ما انته الي.......
..سكت لثواني وكضب راسه بوجع والمسدس لازمه بايده
اليمين ..هاي تاليتها واحد زعطوط يدنس عرضي
قيصر..عقد حواجبه بتساؤل وبلش الجدال بيناتهم ...
بهالاثناء اجه الشيخ حازم
الشيخ حازم نزل من سيارته يركض واجه عليهم وهما متلاغين وناس دتنكر ناس ابو نوره معمي على عيونه ميكول بنتي وابنك زنو بالحرام ..وهما ينكرون هالشي المن سابع المستحيلات يكون سوو هيج
الشيخ حازم ..بعد ماسمع مقتطفات من حديث الدار بينهم والاتهام الخطير الي اتهمهم بي رزاق
أنت تقرأ
النصيب المنتظر (مكتمله)
Romanceفتاة تروي قصه عائلتها ونصيب كل فرد فيها وهل مايحدث معهم لعنه؟ وكيف يزول عشقهم الخالص والوفي ننطلق برواية (تقى) ونرى مايحدث في حياتها وماهو نصيبها المنتضر؟
