دنوت الى الحياة قوية .. مختلفة ..ملكني مفاتيح السعادة وقال انطلقي .. اسكنني بقصر يعانق السحاب .... نسج من خيوط شعري معنى لوجودي في هذه الحياة .. معنى للعيش .. كلما اراه ازداد افتخارا بنفسي لأنه جزء من جسدي العربي ... هو عملة نادرة في بحر يجتثه ويؤرقه اشباه الرجال ...
"(مُـقتبسه)"
تُقى ....
صدمه اجتاحت كل حواسي وخلتني باحساس غريب وقاسي ..خوف وهلع وانهيار
نهايتي ممكن تكون اذا طلع هالشي صحيح .. يمكن لو سامعه يكولولي اليوم تموتين حيكون الطف بهواي من الكلمات الي خرجت من فوه الدكتور .
قيصر ..فدوه دكتور شبيها احجي
تُقى..وكفنه بترقب واحنه ننتظر الدكتور يحجي
الدكتور..زوجتك عدها ورم بالغدد الدرقيه
قيصر..تلكئ بالكلام وهو يكول ..سـ سـررطااان ؟
الدكتور ..حالياً ممبين ويانه اذا هو حميد او خبيث اذا خبيث الله لا يكولها والمرض متطور فلا سامح الله اكو خطر جداً جبير وممكن ايدي الى وفاة المريضه
..بس اذا كان حميد انشالله بالعلاج او عمليه جراحيه نكدر نجتازه ..
قيصر..زين وشلون نكدر نعرف حميد او خبيث؟
الدكتور..من خلال الزرع بالمختبر .. سوو الزرع وشوفو وان شاء الله حميد
تُقى..الدكتور ملتهي يحجي ويا بابا الي حالته مو احسن من حالتنه ابد..لازمه بايدي اختي مريم الي عمرها سنتين وواكفه مصدومه..شعوري بذيج اللحضه جان اشبه بستان وحديقه حلوه يحوطها الورد والآس..واحس بيها بالامان والراحه..و شمس تشرق بيها منوره كل مكان..
وللحظه!
هبت رياح واعصار عالي واقتلعت الورد وصارت الحديقه تخوف اجتاحها خريف اليأس والخوف وصار صفير تدحرج اوراق الشجر يلحن النه نغمات فقد العزيز ..
ومو اي عزيز هاي امي يعني جنتي تحت اقدامها..
ترخص الدكتور بعد ما دعا بالسلامه لامي ..شويه وگالو ادخلو الها جوه للغرفه..اجينا دنريد ندخل وبابا وكفنه كال متحجون الي سمعتو ابد ولا تكلولها لامكم شبيج اني افهمها بطريقتي زين بابا؟
تقى..حركنه راسنه اني ومروان بمعنى اي ودخلنه جوه..
اني باجيه وعيوني حمره دم اول مطبيت شفتها شلون وجها اصفر وتعبانه الاجهزه مشكله عليها وحاطيلها كانونات ثنين بايدها..
فتحت عيونها ببطئ شافتنه وابتسمت بتعب ..من شفتها هيج نفجرت بالبجي مجرد فكرة انو تروح من حياتنه وبعد ماسمع صوتها الحنون ..
صرت ابجي واشهك وخاله ايدي على عيوني ..هي خافت وحجت بصوت تعبان
بسمه..وهي تتعدل..لاحبيبتي تقاوي لا تبجين امي مابيه شي ..
سئلت بابا ..قيصر ..شبيها تبجي
أنت تقرأ
النصيب المنتظر (مكتمله)
عاطفيةفتاة تروي قصه عائلتها ونصيب كل فرد فيها وهل مايحدث معهم لعنه؟ وكيف يزول عشقهم الخالص والوفي ننطلق برواية (تقى) ونرى مايحدث في حياتها وماهو نصيبها المنتضر؟
