النصيب المنتظر (مكتمله)

بارت(١٨)

انا لـا احبك مثلهم..
انا احبك بمشاعري الغريبه..
باهتمامي الذي يكون من بعيد ..
بخوفي الباطن الذي يجعلني اصم اسمك بدعوتي قبل اسمي..
ويحصُل اني احتصن واقراء اذكاري..
مرتين لاجل ان تحميك في غفلتي..

ليييش هيج قيصر مو حرام اني شنو السويته الك حتى هيج جازيني..؟

قيصر..بسمه لحضه افهمج

بسمه..ابجي وايدي ترجف..شتفهمني هاا شتفهمني سمعتك باذني دا تحجي وياها ..مو حرام مو هي مزوجه معقوله هيج رخيصه لدرجة تخون زوجها وي خطيبها القديم؟؟
بجيت بحسره وكملت..زين وانتَ وانتَ شلووون هيج شسويي بيه وبنفسك شلووون اريد اعرف شلون..حطيت ايدي على وجهي وكعدت بالكاع اشهك وابجي

هو نزل يمي كعد وحظني ..ادفع بي بقوه بس هو مسيطر عليه ستسلمت لحضنه القاسي وصرت ابجي من كلب مجروح والي اذاه وجرحه هو صاحب هالكلت الي تطوب باسمه وتصادر حبه بكلبي بس هو الى الابد ....
رجفت بين ضلوعه وكتله..ليييش هيج قيصر مو كلت ماضي مو كلت راحت بحال سبيلها ..شهكت ..زين انت اذا تحبها ليش خليتني اتعلق بيك ليش ما طلكتني وخليتني اعيش حياتي ..

قيصر..بس اهدي خل افهمج ترى هي دكت مو اني

بسمه..وليش تحجي وياها من كالتلك اني نوره سد التلفون بوجها لو ماصدكت تسمع صوتها وكلبك رف عليها

قيصر..مسح وجها بتوتر..يابنت الحلال بس افهمي هي دكت تسلم لا اكثر ولا اقل

بسمه..وانتَ شكو تكوللها شلونج وليش دك بهيج وقت اكو وحده تسلم بهالوقت شنو شا يفكم بحلمها ..باوع الساعه شكد فوك ال١١ونص منو يدك هسه غير الـ ..سكتت

قيصر..بسمه لا تغلطين هي مهما يكون بنت خالي وماقبل عليها

بسمه..باوعت بوجها وعقدت حواجبي بغيض..بنت خالك؟ وماتقبل عليها موو ..اوك لعد اني هم من يخابرني ابن خالي واحجي ويا هيج وقت اكلك دك يسلم عليه عادي ولا تحجي علي لان مهما يكون كرايبي ومارضى

قيصر..حجه من بين اسنانه..بسمه لا تكومين تجفصين..خلص سدي الموضوع

بسمه..بهالبساطه اسد الموضوع..زين شنو الي يضمنلي بعد ماتحجي وياها

قيصر..هي دكت هالمره وبعد مادك خلص خل تولي

بسمه..كمت من يمه ماحجيت وياه طلعت فراش ومددت بالكاع هو ضل يتودد ويريد يحجي ويايه منطيته مجال..غفيت واحس نسحبت من خصري نداريت لكيته مدد يمي بالكاع..رجعت نطيته ظهري ودموعي تنزل بصمت..اكثر شي يوجع المراه من تشوف الي تهواه وتعشكه وماتشوف غيره بعده يحن لماضيه ولوحده تزوجت.. ضليت اعيل طرف واكول هذا غلطان اكثر من الثاني بس الحقيقه انو الصوج من الاثنين ..هو شلون يقبل يحجي وياها ..وهي مزوجه..رغم ماسمعت بيناتهم كلام حب وغزل بس اللهفه جانت كلش واضحه بصوته..وهذيج شنو من مله اريد افتهم تخابر واحد وهي مزوجه ياترى باي طابق من جهنم راح تتعذب وتكون مأواها .. نمت بين اهات ودموع خايفه كلش لا كلبي يوجعني من الجاي ..وخايفه اذوك طعم مرارة الخذلان من معشوكي الي لحد الان ميعرف شلون اعشقه بجنون ودكات كلبي تنبض باسمه ..