النصيب المنتظر (مكتمله)

الجمعه

هلوو بنات شونكم ..من زمان ممسوين فقرة الجمعه

فكلت اليوم نسوي ...

بالبدايه خل نحجي عن الروايه ..شتتوقعون احداث الروايه الجايه ؟
وشي ممفتهمي كولولي ..واني اجاوبكم

ومثل ملاحظتو انو اكو شخصيات ما الها دور ..مثل باقر وفيصل وزوجته الجديده ..يعني مجرد حدث عادي نذكر بالروايه من ايامهم
وللي ديكولون انو الروايه مابيها فد حدث مهم ..فياعيني انتو الروايه مابيها اجرام او غموض دارما ..ثأر ..او شي من هذا القبيل ..هي مجرد يوميات عاديه وبيها رسائل عديده ومن داخل المجامع العراقي..اني من تجيني روايه احب اشوف محتواها اذا بي افاده للناس واحب تكون القصه بيها عبره ولو شي بسيط ممكن يستفتد منها القارئ..

اما هسه فنجي على الكاتبه الي هي اني ..هواي ناس ديسئلوني اسئله تخصني فحبيت احجيلكم شوي عن نفسي ..
اسمي يُمنا ..عمري ١٨وحطب بال١٩سنه..احب الكتابه والقراءه بشكل .. طالبه مدرسيه بعدني ادرس ..المفروض اول كليه بس الظروف حكمت .. لا عبالكم كسلانه وارسب هههه لا والله بس صارت عندي ظروف وتاخرت بالمراحل ..
الحاله الاجتماعيه ..عزباء😂(غير متزوجه) ..وبرجي العذراء..

هسه خل احجيلكم شون كمت اكتب لان هواي طلبو من عندي انو احجيلكم ..
اني بالبدايه جنت اكتب نثر .. وكلش احب اناقش مواضيع مصيريه بكتابتي..اكتب مثل المقالات بس اتعمق بالتفاصيل..جنت من انشر كتاباتي كلهم يشجعوني ويكولولي قلمج قوي ووصفج حلو وتكدرين تتميزين بي..ضليت اكتب نثر..كمت انتبه للقافيه وارتب الكلمات ..وصرت اكتب شعر ..واسمع هم ..اكثر شعراء استمع الهم ..زهراء عباس ومأمون النطاح ..كلش احب شعرهم ومن هنا بديت اكتب شعر وهم بدو يشجعوني وبعض من معارفي يتجعبون انو تني اكتب هذا الشي ..ويسألوني اخاف خامطته ههه ..وراها بلشت اقره الروايات وصرت انتبه لاسلوب السرد.. واخطائهم ..واكول لو هاذا هيج مسويته يطلع احسن ..واجتني الفرصه انو اكتب قصة زوي طلبت منها هالشي وهي مقصرت ..وراها كتبت النصيب المنتظر ونعرضت عليه هواي روايات بوكتها ولحد هسه عندي روايه ماعرف اذا اخذها او لا ..
اما عن شون اجتني الفرصه انو اكتب رواية الزهراء .. ان شاء الله اكوللكم بس مو هسه ..
واي شي تحبون تعرفو عني سئلوني واني اجاوبكم ..

ها وصدك ..الي مضايف رواية (نصفي العقيم ) يروح يضيفها للمكتبه لان بس تخلص النصيب المنتظر ابلش بيها..قصه روعه والله من حجتلي صاحبة الروايه الاحداث..ضليت بذهول..بالمناسبه اسم البطله (بغداد) ♥️

وهم حسوي فقرة دعم للي عنده روايه ومحتاج دعم طبولي خاص كلولي واني بالخدمه الاكدر علي اسوي ..

وبس والله

لتنسون التصويت ونشر رابط الروايه بكل مكان ..واروحلكم فده صوتو ظغطو ع النجمه ترى مافوكاها جمره ..ابد متچوي وداعتكم لان البارت ديوصل مشاهدات عاليه ومصوتون ماعرف ليش..

تقبلو تحياتي..🌸

الكاتبه : يُمنا نآصر

احبكم ♥️