النصيب المنتظر (مكتمله)

بارت(٣٠)

قد تقف الكلمات والحروف عاجزةً عن وصف تلك المشاعر التي ينبض بها القلب و تحيا بها النفس، وقد نشعر بالحيرة أمام تلك الأحاسيس التي لا نعلم كيف نوصلها لمن نحبّ،ولكن دون شعور نجد انها قد ترجمت بشكل افعال تعبر عن ما بداخلنا ..

حسين ..
خلصت اليومين وصار لازم انزل لبغداد اروح للجامعه .. وقت المنبه ساعه 5الفجر حتى اروح من وكت والحك للدوام .. نزلت جوه لكيت امي محظرتلي الريوك .. كعدت تريكت بست راسها ودعتها ورحت للكراجات .. ركبت لبغداد ورحنا الطريق متعب والف سيطره توكفنا بالدرب .. وكلش متعب
الساعه 8الصبح وصلت للجامعه ورحت للاقسام سبحت وبدلت ورحنه اني واصدقائي لكليتي .. هنا قرب يخلص الكورس الاول .. فبلشو يسونا كل مجموعه كروب .. صدفت انو احنه وهاي البنيه الرسمتني هي وصديقاتها كروبنه سوه .. بس ماعرف ليش ماطيقني رغم ممسويلها شي ابد بس هي ماعرف شبيها.. مغروره كلش

تُقى..
اخذنه برنامجهم وهما اخذو برنامجنه وبلشنه نشتغل سوه ..
لكن !!
الحظ ماخلى بس كروبنا ويا هالشله لا خله حسين يجي ويصير اني وياه نفس المشروع ..
حاولت اسوي مشروعي وي غير شخص لان جنت اعرف اني وياه منتراهم نسوي سوه ..
بس مصارت وضلينا سوه .. ماحجيلكم شصار .. ناس جر بالطول وناس جر بالعرض كضيناها مكافش وكل واحد يشتغل بوحده ومن كد المد والجزر الصار بيناتنه اظطرينه انو نقدم المشروع مو بالصوره المطلوبه وللاسف رسبنا اني وياه ثنينه

بصراحه نصدمت كلش لان اول مره بحياتي ارسب وهو جان السبب ...
مكدرت اتمالك نفسي .. اجيت اموت من الغيض .. وهو ولا عبالك بيومها كلش ضجت ورجعت ع البيت مالي خلك اشيل راسي اصلاً طبيت نمت ومتغديت

.. خلصت فترة الامتحانات على خير  اجه اخر يوم وبلشنه نودع بعض بس قررنه نسوي مثل السفره ونجيب اكل ونكعد كلتنه
.. كتلها لماما سويلي جدر دولمه دولمتها كلش طيبه حامضه ودهينه .. سوتلي واخذتها ويايه ..
فرشنه السفره وبلشنه نخلي بالاكل .. اشو هذا حسين اجه وكعد يمي ولا عبالك هو السبب برسوبي ..هو كلش سبورتي ويحشش بس ابد ميتعده حدوده ..
فكعد وصار يحجي ويايه .. اني بس اجامله واضحك وياه بثقل .. كملنه بعد ما تونسنه كلش ..كمنا اني وصديقاتي لمينه اغراضنه ورحنه ناخذ صور.. بس كلما التفت الكي هذا حسين يباوع عليه ومن اشوفه يسوي نفسه يحجي ويا صديقه ..

اجه ولد من قسمنه جنا واكفين اني وصديقاتي يم السنتر فهو اجه اني ماعرفه بس اعرف بي من القسم .. كال ممكن احجي وياج كتله تفضل

الولد.. موضوع خاص يعني اذا ممكن وحدنه

تقى..وين يعني وحدنه احجي كبال البنات عادي هما كلشي يعرفون عني
الولد.. احم بصراحه يعني اني ماعرف شنو اكولج ومنين ابدي بس اني كلش معجب بيج وباخلاقج

تقى..اعتذر من عندك بس اني مبالي هيج سوالف مركزه على دراستي وبس ..

الولد.. شي اكيد اني مالهيج بس يعني فكري ورديلي خبر