النصيب المنتظر (مكتمله)

بارت(١٤)

علّمتني الحياة أن أجعل قلبي مدينة بيوتها المحبّة وطرقها التسامح والعفو، وأن أعطي ولا أنتظر الرد على العطاء، وأن أصدق مع نفسي قبل أن أطلب من أحد أن يفهمني، وعلّمتني أن لا أندم على شيء، وأن أجعل الأمل مصباحاً يرافقني في كلّ مكان.

طلع الدكتور وكال..الحمد لله على سلامة المريضه كدرنه نتدارك الحاله  باخر لحظات هذي فعلاً معجزه وهي صحت تكدرون تطبون تشوفوها..بس لا تطولون لان بعدها تعبانه
دخلنه اني وابويه بس ..
الشيخ حازم..يارب احمدك واشكرك رجعتلي رويحتي الف حمد الله ع السلامه يبعد اهلي وطوايفي

نهله..الله يسلمك يانور عيني

اجه وباس ايدها وراسها ان شاء الله اخر مره تفوتين لهالمكان

قيصر ..واكف اني واباوع عليهم من بعيد هي بتسمت الي ونزلت
دمعتها وي البسمه..قيصر

رحت اركض عليها وكمت ابوس بيها واعتذر اسف يمه اسف والله بعد ماسوي بس الي يرضيج متت خوف عليج يمه اني ماگدر اعيش بلياج حبيبتي انتِ

نهله..بصوت تعبان..بس اسكت حبيبي الحمدلله عدت اهم شي اكون عرفت غلطك

الشيخ حازم..عايزه بعد كل هذا ولسه ماعرف غلطه
..لا يمهً عرفته واني من ايدج لهاي ليدج هاي

قيصر..طبت ام فراس تحمدت بالسلامه لامي والدكتور كال بعد باجر نطلعها..

نوره..
بعد ما عرفت بالحمل وعاهدت نفسي انو ماخون ابد عمر وي قيصر ضليت افكر يا ترى راح اكدر ؟؟

بس شفت عمر رجال طيب وبصراحه انتحست كلش من معاملته ويا امه واخته يموت عليهم حتى اخته الثانيه رؤى مزوجه بغير محافظه من تجي مكابل جهالها وكاعد

واكفين بالمطبخ ديشتغلون ميسم وعمتي طبيت عليهم ..صباح الخيرً

ميسم..كولي مساء الخير الساعه وحده الظهر كالتها بعفويه وابتسامه

نوره..تخصرت ورفعت تك حاجب ..خيرر ميسم حاسدتني ع النومه واني حامل

ميسم..هاي شبيج ترى دا اشاقه مو قصدي شي

نوره..اي عبالي لان اني كبل الحمل شايلتكم شيل عايزه ميغزر بيكم

ميسم..نوره  عيب حجيج رجاءً يعني لاتجاوزين وبعدين ترى انتِ حتى كبل الحمل ما تشتغلين يادوب تغسليلج كم ماعون ع السنك وتعبتي ورحتي تخابرين صديقاتج الشغل كله عليه اني وامي

نوره..اهوووو بلشنه من هسه بالغيره مووو

ميسم..على شنو اغار ..ترى انتِ تفتهمين السالفه من ذيلها لج بابا شبيج كبرتيها وسويتيها مشكله

نوره..اهااا يعني اني ام المشاكل مووو هذا قصدج كوليها ليش مستحيه

ام عمر..اشش يمه شجاكم  كافي .. وانت تعالي بنيتي نوره اثرميلنه هذي الزلاطه اليوم تجي رؤى