النصيب المنتظر (مكتمله)

البارت(٢٨)

تگول :
مخنوٍگة يمّـه، وٍ أحس الخنگة هدّتنـيْ
مكسوٍرٍ قلبيْ . . وٍ عـَينيّ مدرٍي شبيها
وٍ دموٍعـَيْ آلليْ غـَصْب عـَن عـَينيْ بچتنيّ
ملّيت أغـَمّض جفوٍنيّ . . لجل أدآرٍيهــآ

يرد:
تعال ارجع بعد مبيه حيل اشتاگ..
صرت بعدك غصن ومچلب بورگه..
تعالي اليوم يمكن تلگه مني وشال..
اذا ترجعلي باچر كلشي ماتلگه..
يارگبة عروسه بليلة النيشان..
مو الگلاده بيك الروح متعلكه..

علي..دخلت وكعدت كدام امي ..اباوع عليها تفرك بايدها متوتره ضلت تباوع هنا وهنا وماعاد تحجي ..كتلها يمه شبيج شصاير ليش مداتحجين

نهله..هاا يمه مابيه شي حبيبي بس اريد اكولك على شغله

علي..اي اسمعج

نهله..بس اوعدني ماتسوي شي

علي..صدك جذب يمه مو دمرتي اعصابي شكو دحجي

نهله..اهل لمى رفضوك

علي..ضليت ساكت وبهتت ملامحي

نهله..شبيك حبيبي ليش سكتت..لزمت ايدي بحنانه وكتله..كلشي قسمه ونصيب وليدي اني كلتها لاخوانك كبل وهسه اكولك ياها..لو تجري جري الوحوش غير رزقك ماتحوش..هذا امر الله هيج مقدر ومكتوب يمه وعسى ان تكرهو شيءً وهو خير لكم..اكيد بيها خيره الك حبيبي انتَ ..تنهدت وكالت بحسره .. مادري شهالحظ عليكم ياولد بطني ..

علي..سكتت وماحجيت كلشي..اطرافي بردت وحسيت جسمي ثگل..كمت طلعت من الغرفه بدون مانطق كلمه قابلتني نضرات اخوتي وزوجاتهم الفضوليه يريد يعرفون شكو وليش اني بهالحال.. باوعت على محمد الي كان الشيب ماخذ حصه من شعره رغم صغر سنه..بس بسبب الي شافه شيب..باوعت علي بأسى وطرى على بالي قيصر..وقصصهم ثنينهن شلون انتهى ذاك العشك ..تنهدت بقوه وضاق صدري ..
كعدت على الدرج واني خال راسي بين ايديه الثنين واباوع ع الكاع ..

صرت افكر بيني وبين نفسي معقوله الي ديصير ويانه لعنه .. ليش احنه نحب بصدق ونوفي ونيتنه شريفه وي النحبها وتالي متصير النه لييش ياربي ليش..

كمت صعدت على غرفتي ولاحقتني نضرات امي المكسور خاطرها .. واهلي وهما يحجون شبيك وليش هيج وجهك اصفر بس اني مارد عليهم ..

احس روحي بدوامه تحوطني وماعرف اطلع منها .. طبيت لغرفتي سديت الباب ونهاريت يمكن ماجنت اريد ابين ضعفي لاحد حتى لو لاهلي ..

صرت اشكي لوحدتي ضيم حالي..

رجليه ماعاد اكدر امشي عليها احسها ثكيله وماتشيلني..اصدمت بالارض نمت عليها الماع بارده بشكل ..

بس ماكدرت تهدء من نيران كلبي المستعره.. طلعت التلفون وايدي ترجف دكيت عليها وماتجاوب.. ظليت احاول قرب الساعه اني بس ادك عليها وهي ماتشيله..