النصيب المنتظر (مكتمله)

البارت(٢٤)

اعتذر عن تاخير البارت بس من قبل ال١٢احاول انشره ومانشر هسه اترككم ويا البارت ..

ماضل دمع بالجفن لا ضل حچي الينگال
خلصن سنين العمر حملي بغيابك مال
محتاج حيل وصبر بُعدك بعد لو طال
كلشي بغيابك عِكس كلشي بغيابك عال
حد منجله الفلاح من سعفه صوفر حال
جان اليروّي السعف شافه السعف چتال
حتى الليالي صفت مابيها راحت بال
وينك سألني الجفن وچم دمعه دز مرسال
ريّه ونفسها اختنگ رحت ونسيمك شال
والسمچه رادت عذب مايروي صم رمال
والعاشت بنص نهر فوگاها هد الفال
تعبني لوم البشر حسبوني واحد ظال
خلصت حروف اللغه وما بينت يهلال
يا روحي ضل الامل ماضل حچي الينگال

الحياة صغيره .. ولابد ان يجي اليوم ونشوف ناس جانو يحتلون جزء جبير بحياتنه  ولعبو دور بيها ..ممكن يكونون حاولوا يدمرون وممكن جانو من الناس الطيبه الي مرت بحياتنا .. الاعمال الطيبه تبقى موجوده بداخل النفوس وماتنسي..بس السوء والحقد من يطلع من داخل البشر ويعمي عيونه وياذي ناس هم متنسى النفوس.. الناس الي اذتها بيوم ..

بسمه..تفاجئت من شفتها .. وهي كالت بسمه هاي انتِ .. اول ماشفتها رجعت لذيج الايام الي عيشتني بيها المرار واللوعه .. باوعت عليها لابسه دشداشه كشمير برتقالي وحجاب اميره.. كتلها اي هاي اني

نوره.. شجابج هنا؟

بسمه.. تحولنه ع هاي المنطقه قبل فتره انتِ هنا ساكنه..

نوره..ايي هنا

بسمه..هاي الحلوه بنتج

نوره..والله ضحكتيني منيلها حلوه ..بس اي هي سندس

بسمه..الله يخليها الج

نوره..الله يسلمج ..انتِ مصار عندج غير تُقى؟

بسمه..امبلا جبت مروان

نوره.. فتحت عيونها وكالت ..جبتي ولد !

بسمه..يابه فد خفت عن مروان من كالت هيج..صليت ع النبي بداخلي وقريت قل اعوذ برب الفلق..كتلها اي ..وهي كامت وجرت بنتها وطبت.. حتى ماسلمت ولا كالت مع السلامه

..صراحه نقبض كلبي من شفتها .. هسه ترجع احياتي واله ماصدكت ولت ورتاحيت منها ومن مصايبها النوب ترجع لحياتي .. شتريت لتقى وراها رجعت لبيتي ..

مرت حياتنا هدوء وماكو شي نوره لحد هسه مدخلت ولا شفت وجها من ذيج المره.. الشفتها بيها صرت كل يوم اروح لبيت عيالي خطيه گمر هناك وحدها رانيا تجي عليها بس هم عدها جهال وبيت عاد اني ماعندي شي ببغداد ولا مرتبطه ياخذنه قيصر اني والجهال ونروح هناك مرات نبات ومرات نرجع بنفس اليوم ..

مرت ١٣يوم وصار موعد رجعت عمي وعمتي من الحج ..اليوم يجون البيت مگلوب بالخطار ومسوين عزيمه على سلامتهم وكل الاهل ملتمين .. اجتِ اخت عمو حازم ..مره جبيره ومزوجه بغير محافظه شفتها بوقت عرسي ومن جبت ..مو كلش هواي تجي عليهم وتزورهم بس بالمناسبات..بس شنو سوالفها تخبل وكلش حلوه ومحبوبه .. اسمها ريحانه..ماخذيها بالجنوب وحجيها كله نفسهم..اجيت سلمت عليها وكتلها شونج جده ..