النصيب المنتظر (مكتمله)

البارت(٢٦)

بالبدايه ..كل عام وانتو بالف خير على السنه الهجريه الجديده ..الله يجعلها سنه خفيفه ويزول بيها الوباء عن امة محمد يارب ..♥️

⚫️ ويعظم اجورنا و اجوركم بموت سيدنا الحسين (عليه السلام)

اترركم ويارالروايه ..

سـيأخُذ الجميع نصيبه من هذه الدُنيا ؛
سعادة؛ حزن ؛ نجاح ؛ فشل ؛ قلق ؛ مرض ؛ لقاء ؛ فراق ؛
لَـن يفوتك شيء كتبه الله لك ..أو عليك فارضى بالقدر
وقل الحمدُ لِـلّٰه ....
فهذهِ هي الاقدار ..لابد ان تصيب كُلٌ منا نصيبه .."(مقتبسه)"

بسمه..

اليوم عرس فيصل..ملتهين بالتجهيزات وكلش فرحانين بي وهو خطيه جان يحبها هم وصارت القسمه اله
..البارحه جانت الحنه ورحنا..

جنت واكفه على المرايه  داعدل بروحي لبست فستان حوامل قصير شيفون ابيض وبي نقاط سود..خليت مكياج لعيوني مو كلش قوي ..بس ايلاينر وحكل ومسكاره ..وحمره حمره طوخ فتحت شعري سرحته ومن جوه برمته شويه..
ولبست كعب اسود..طبت عليه تُقى..الي جانت لابسه فستان بناتي نيلي وابيض ومسويه تسريحه حلوه بشعرها خليلتها عليها قراصات شكل فراشه ..

تُقى باعجاب ..ماما طالعه كلش حلوه

بسمه..فدوه تروحلج ماما ..لج انتِ الحلوه والله بستها بخدها وصار بي حمره..
هي وكفت على المرايه تضحك وتمسح بخدها ..طب قيصر للغرفه..اجه باسها وكاللها طالعه تخبل اميرتي..

بسمه ..اباوع علي راح مدد ع الجربايه ..وهو  يباوع عليه حجه ويا تُقى على اساس ديسمعني

قيصر..بابا تُقى ليش هالكد حمرتج طوخ مو عيب

تُقى بتفاجئ..لا والله بابا كلشي ممخليه اصلاً ماما متخليني

قيصر..باوع لرجلين بسمه الي جانت مزينها الحجل وكال..وفستانج قصير الناس راح تتفرج على سيقانج

تُقى..باوعت لنفسها من فوك لجوه ..وكالت عزه بابا شبيك ترى الفستان اني وياك اخذناه سوه وكتلي كلش حلو

بسمه..ضحكت وكتلها مو يمج الحجي ماما مو يمج.. باوعتله وكتله (احاجيج يبنتي واسمعج يچنتي) موو
قيصر..بس انتي مرتي مو جنتي وغمزلي

بسمه ..كمت لبست العبايه والقيت نظره اخيره على نفسي

وكتله ..يلا عيني ابو مروان نستأذن احنه

قيصر..منو حياخذكم

بسمه..محمد ياخذنه

قيصر..بربج بسمه من يدخل فيصل لبسي العبايه

بسمه..يااا توصي حريص يمعوده اعرف خما الا تعلمني..سلمت علي وطلعنه..

رحنه لبيت العروس البنيه هادئه وحلوه كلش .. وطبعاً عمه ويحانه اجتِ اخت عمو حازم ..تركص بالهاشمي مالتها تكابلت هي والنسوان ..
فرحت لفيصل حيل وحتى عمتي فرحانه وتهلهل اله ..من يوم الي مات عمي واحنه ماعرفنه الفرح شنو