اسلمني الاهل بطن الـــــثرى ...........
و انصرفوا عني فياوحشتا
و غادروني معدوما بائســــا ............
مـــا بيدي اليـــــوم الاالبكا
وكل ما كان كأن لم يكـــــــن ............
و كل ما حذرته قــــــــد اتى
و ذا كم الجموع و المقتنى ............
قد صار في كفي مثل الــهبا
و لماجد لي مؤنسا ها هــنا ...........
غير مجور موبق أو فاســـق
فلو تراني و ترىحالتــــــي ...........
بكيت لي يا صاح ممـــا ترى
_________________
قيصر..رحت يم صاحبي كعدت يمه ١٢يوم
طول هالمده واني افكر مستحيل اتزوج بسمه البنيه حلوه ومؤدبه وصغيره بس اني ادري ومتأكد انو اذا جبتها راح تنظلم ويايه .. للتسعه بالليل طب سعد صديقي..بس اباوع علي وجهَ ميبشر بخير
قيصر..واك سعيدان شبيك؟
سعد..اجه كعد على القنفه وفرك وجهه بتوتر ..اوووف ..رجع شعره لوره ..والله ماعرف شنو اكولك يا قيصر
قيصر..يمعود ترى وگعت گلبي شكوو؟؟
سعد..بس اهدى شويه وافهمك
قيصر..ترى وترتني بالزايد دنطق يمعود
سعد..قيصر امك ضاربتها جلطه وناقليها للمستشفى
قيصر..كام بصدمه..شنووو شنوووو هالحجي شنو جلطه شنو ناقليها ع المستشفى وانتَ منين الك هالحجي شدرااااك لك دنطق
سعد..بس اهدى شويه انتَ تعرف ابوك من طلعت من البيت وهو متخبل عليك واليوم من نزلت للدوام الصبح بالصدفه اجاني محمد وگال جنت متوقع قيصر يمك اني نكرت كال اذا يمك كوله امي بين الحياة والموت نضربت جلطه من ورى قهره
قيصر..لااا يربي لااا كل شي ولا امي لاااا كمت احوص ماعاد اعرف شسوي جريت السويج مالت السياره ونطلقت بكل قوتي..ذكرت اني ماعرف بيا مستشفى ديورت ورجعت لبيتنا طبيت اركض شفت رانيا داتوكل بالجهال بس مبينه خطيه مقهوره وجها اصفر اول ما طبيت انتفظت بغضب..شجاابك قيصر شجابك مدكولي ..لك من وراك ومن ورى هالحيه الصفره امي هسه بين الحياة والموت..لك شتسوه هااا..تسوه تسوي الحرام وي نوره ؟؟؟وهي متزوجه تحاجيها تسوى تموت امك على مودها ..شتتوقع اذا طلكت واخذتها انتَ راح تأمن بيها يعني؟لك ليش هي الي تخون زوجها وي غيره تتأمن؟؟هااااا
فيصر...لجججج كااافي سكتي اششششش اشششش اي ادري اني چلب ومو خوش ادمي شتردين تكولين كولي بس هي هسه بيا مستشفى؟
رانيا..ردت بنحيب..مستشفى صدام
قيصر..طلعت اركض وركبت السياره ورحت بسرعه للمستشفى كل الطريق واني انعل بروحي شلون سويت هيج وصلت لكيتهم مخليها بالعنايه ..اول ماشافني ابويه اجا عليه وضربني راشدي فر وجهي فر ..
الشيخ حازم..شجابك ياعاقـ شجابك ولك تريد تموتها وتنهي عليها خلااص انتَ وهذيج الجلبه؟
اسمع ولك اني كلتها اذا صار عليها شي او لاسامح الله ماتت قسم بالله العظيم يقيصر لاوريك نجوم الظهر.. واغضب عليك ليوم الدين لزم ياخت القميص وكال اتبره منك اذا صار عليها شيي ..ولك هاي النفس اليصعد والينزل هاي حورعين بيتي الي مابدلها بحور عين الجنه .. كعد وكام يبجي
أنت تقرأ
النصيب المنتظر (مكتمله)
Romanceفتاة تروي قصه عائلتها ونصيب كل فرد فيها وهل مايحدث معهم لعنه؟ وكيف يزول عشقهم الخالص والوفي ننطلق برواية (تقى) ونرى مايحدث في حياتها وماهو نصيبها المنتضر؟
