النصيب المنتظر (مكتمله)

بارت(٣٢)والاخير

لو تعلمين كم أحبك
وكم أغار عليكي
اغار عليكي
من احلامى
من لهفتى واشتياقى
ومن خفقات قلبى
اغار عليكي
من لحظة صمت بيننا
قد تبعدك بافكارك عنى
أغارعليك
من لفتة نداء
قد تبعد عينيك عن عيونى
أغار عليكي
من كل كلمة تقوليها
إذا لم أكون انا
حروفها و ابجديتها
أغار عليكي
من اصابع الناس
إذا إلتقت بأصابعك
في سلام عابر
أغار عليكي
من فكرة
تخطر ببالك
من حلم
لا أكون انا فيه

_______________

البارت الاخير ....

تقى..وصلتلي رسائللها  المزينه بكلمات كانت قادره على انهائي لو هالشي صحيح ..اقره وارجف

كتلها انتِ منووو؟؟؟

ردت .. اني حبيبة  حسين الاصليه مو انتي ..
لج بابا حسين يضحك عليج كل عقلج انتي ياخذ وحده هيج تمشي ورجليها طالعه بالجامعه اني الحب الاول والاخير بحياته لتتوقعين حسين يزوجج ولتعيشين باوهام .. ديگضي وكته وياج مو اكثر ..

تُقى..نطتني بلوك وراحت .. واني ضليت حايره معرف شنو اسوي معقوله الي دتكوله  حسين يخوني .. صرت امشي بالغرفه واحجي ويا نفسي مثل المجنونه ..

شمرت الموبايل ع السرير واحس ظغطي صفر رجعت شلته ودكيت على حسين رن رن بالبدايه ماشاله النوب تخبلت بالزايد.. عشر دقايق ودك هو كال

حسين..الوو حبيبتي

تقى..هجمت علي بدون مقدمات بالائسئله.. انتَ وين وليش مترد عليه هو حسيته استغرب كال..

حسين.. هاي شكو صاير شي

تُقى.. والله مادري اسئل روحك انتَ شمسوي

حسين..لتعيطين اني مو جاهل عندج.. فهميني شكو

تُقى..بس تصرفاتك مو تصرفات رجال والله حيف الشوارب البوجهك.. حجيت هيج وحسيته على ثانيه وينفجر ..

حسين..استغفرالله لج بابا شبيج شصايرلج اليوم متخبله لو شنو .. وبعدين لسانج لا اكصه شنو تجاوزين شنو مو رجال لا تجفصين
حجاها بصراخ

تقى..حسيت طبلة اذني نزرفت من عياطه .. ختنكت متحملت وصرت ابجي هو سكت ماسمع بس انفاسه الصعد ونتزل ..رجع حجه ..هسه فهميني شكو ليش تبجين والله مدافهمجن النسوان

تقى..وانت شعليك بالنسوان وتريد تفهمهم

حسين ..هسه اني شحجيت انتي مو نسوان لو شنو

تقى..حجيت بزعل ..اي نسوان بس معليك بيهم انته عليك بيه وبس اني كل نسوانك

هو ضحك وكال يلا ينسوان دحجي عاد ..

تقى..حجيتله السالفه كلها وهو طكها بضحكه .. تعصبت وكتله لويش تضحك حجيها صحيح مو حسين انت تخوني

اردف بضحك .. هههههههه يابويه لج مصارين بطني تكطعت من الضحك وعلي ههههاي .. وانتِ اجيتيني مصدكه لج صدك زعطوطه