النصيب المنتظر (مكتمله)

بارت (٣)

أنْ أُحِبكَ يَعّني..
ان استَيقظ في اآخرْ الفَجر..
لِأجعلك أوَل إسم فِي دُعاء وِتري..
وَأْتحرَى أوقاتْ الإستِجابهّ..
لأتَضَرعَ للّرَبْ بِأنْ يَجعَلَك مِلكي..         "(مقتبسه)"

...وصلو للبيت وهما تعبانين لان شويه المنطقه بعيده عن بيت الشيخ حازم وصايره بداخل بغداد وبيت الشيخ حازم باطراف بغداد

نزلو وهما ينزلون الجنط وياهم
بالصدفه !!!
اجت نوره تشيل الجنطه واجه قيصر يشيلها وتلاكت ايديهم

نوره..وهي خدودها حمر من الخجل..ءءء الععفو م مو قصدي

قيصر..لا عادي مصار شي اني المفروض اعتذر
نتي طبي جوه هسه مابقه شي هنا كم غرض

نوره..طبت للبيت تركض وراحت للمطبخ شربت مي..

قيصر..وهو يحجي وي السايق..ممنون اخويه ماقصرت

السايق..اخذ فلوس الاجره بعد محاولات عديده لان يشوفها جبيره انو ياخذ من ابن الشيخ حازم الي خيره عام على الكُل

قيصر..طبيت للبيت وخطيه هما گامو يريد يطبخون كتلهم لا هسه اروح للسوك اجيب شي انتو تعبانين

رحت وشتريت دجاج شوي وكباب رجعت للبيت نطيتهم الاكل وهما خلو بصينيه

وكعدنه كلتنه ناكل

الى الليل كمت اريد انام وهما ماعدهم بس غرفتين

مرت خالي كالت نام انته بغرفة البنات وهما ينامون يمي
مقبلت ماريد اخرب نضامهم كتلها بس جيبولي فراش واني انام بغرفة الخطار لحت هواي بس ما قبلت ..

مرت حياتنه طبيعيه والخال رزاق ما زد مكتوب ابد
بعد مرور فتره وجيزه...

صرت بالسادس ودراسه مكثفه كلش اضل الليل كله سهران واقره

بس اللي لافت انتباهي هالفتره !!

هي نضرات نوره الي من ما اباوع عليها احسها تسرح بوجهي وتاخذها الاحلام والخيالات بس من اباوع بوجهه بسرعه تتلبك وتنزل عيونها

بديت اشك انو هي تحبني او معجبه بيه لكن اني هم ما اخفي انو اعشقها ايي ايي اني احبها واموت عليها ومن زمان من اول ماكعدت يمهم اباوع لطولها ولبياضها ورصعاتها وملامحها الي كلها براءه

واني مخطط انو بس اكمل دراستي اخطبها واتزوجها ..فزيت من شريط احلامي الي كل يوم قبل ما انام ابنيها وعلى امل انو بيوم تصير حقيقه

كملت دراستي ورحت نمت لان باجر عندي امتحان ثاني امتحانات اخير السنه

كعدت بالسته الصبح لكيت خاله يسرى(ام نوره)خطيه كاعده وتحضر الي بالريوك اول مافتت
..صباح الخير خاله
..يمه يصباح العافيه يبعد هلي وطوايفي تعال يمه هذني زبيبات قريت عليهم كول بسم الله واكلهن