النصيب المنتظر (مكتمله)

بارت(١٥)

أحدهما يسخر من القدر دائماً، والآخر يتفادى الواقع طيلة الوقت، وكأن الإثنين يمشيان على حافة الحياة.✨🍃

بسمه..بعد رفضي القاطع انو اني ماريد اتزوج وصل الكلام لابويه وگال خل تفكر النوب لان عيب نردهم بس اني هالفكره نهائياً ماريدها احسه مغرور وشايف نفسه وعصبي كلش .. وبيوم اني كاعده بغرفتي دا اعزل بالمجرات وندك الباب..

بسمه..ادخل

فراس..ها سمسوم دا تشتغلين؟

بسمه..اي دا اعزل المجرات..تريد شي

فراس..بسمه اريد احجي وياج بموضوع بس اريدج تسمعيني للاخير

بسمه..اي احجي خير؟

فراس..جر ايدي واجه كعدني يمه ..شوفي حبيبتي انتِ اختي واني اخاف عليج واحبج واريدلج الزين والله بس بالبدايه كليلي قيصر ليش رافضته

بسمه..هاا مادري

فراس..لا تخجلين حبيبتي احجيلي كل شي

بسمه..فراس هو كلش عصبي ومتعجرف ماعرف بس ماريده

فراس..زين انتِ شلون عرفتي عصبي اذا ع موقف الشارع الصار فـ ...

بعده ممكل كلامه وقاطعته..
بسمه..شمعرفك انتَ

فراس..قيصر حجالي ..حتى تعرفين انو هو زلمه ورجال يعني هو موقف صار بيناتكم صغير بس اجه وحجالي حتى ميكون مثل الي يخون صاحبه رغم الموقف مابي شي بس هم هو زلمه وجا وگالي ماضم عليه

بسمه..ماعرف فراس داخلي ممرتاح

فراس..هذا كله لان متوتره.. وخايفه منه..شوفي بسمه انتِ تهميني اكثر من كل شي .. وسعادتج هم ..بس هم فكري بينه احنه الناس تعرفنه وتعرف الشيخ حازم..وابويه يتفشل كدامهم ترضين ابويه يتفشل كدام الوادم

بسمه..لا طبعاً مايرضيني

فراس..لعد وافقي لان هو خوش ولد وصدكي اني لو ما اعرفه عز المعرفه جان ماخاطرت واجيت وكتلج وافقي بس لان اعرفه دا گولج راح يسعدج ويهنيج ..واني لو عندي شك انو هو موخوش او يسكر او موزين لو جان ابن وزير وجا تقدملج اني اوكف بوجهه وارفضه

بسمه..خل اصلي استخاره واشوف اذا رتاحيت اوافق

فراس..طب طب على چتفي وگال .. الله يوفقج وينور طريقج ..كام طلع واني ضليت افكر..بصراحه قيصر شكله حلو وشخصيه كلش بس هو عصبي وهتلر ضليت افكر الى ما تعبت.. تالي كمت صليت استخاره ..شفت نفسي ارتاحيت ..رحت لامي وكلتلها كوليلهم اني موافقه

نوره..
طلعت من الحمام البخار يركض ورايه..لافه المنشفه على راسي ولابسه روب الحمام..رؤى اخت عمر صارلها..٤ايام هنانه لان بعيده فـَ من تجي تطول بالجيه ..عليهم ..طبيت لغرفتي واباوع جهالها لازمين قلم حمره مالتي ويلعبون بي..اجيت عليهم اخذته منهم  وصحت بيهم.. شداااا سووون ولكم ليش هيج لاعبين ..جريت بنتها الصغيره من اذانها حيل كامت تبجي..اجه عليه اخوها الاكبر منها ..خاله عوفيه عوفيها دا تأذيها..دمشي ولي انتَ اللاخ امشو روحو رجعو لبيتكم من الله ياخذكم..اجاني صوت من ورى