احببت عدوتي

الفصل الاول

مااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض الامور عندما يدرك الانسان انو ظل يعيش في اوهام لاعوام عديده والحقيقه مختلفه وقاسيه كثيراعندما يعلمها،ويعلم ان ماكان يعيشه هو مجرد اكاذيب وان الشخص الذي اعتقد انو هو عدوه ليس كذلك وانما هو شخص مختلف تختبئ وراه اسرار عديده...........
                         ...............
في باريس ادهم:شخصيه عصبيه وجديه يؤمن بالحب والارتباط ذات العيون البني الفاتح وشعر اسود ناعم وبشرته قمحي فاتح ويبلغ من العمر29سنه
عمر:شخصيه مرحه تمتزج بالجديه قليله ابن عم ادهم ويعمل معه ذات العيون البنيه والشعر البني الفاتح يبلغ من العمر28سنه
مازن:هو دكتور قلب ذات شخصيه هادئه ويحب عمله وابن عمه ادهم وعمر ويبلغ من العمر28ونصف ذات العيون الخضراء الفاتحه والشعر البني الفاتح والبشره البيضاء وهو طويل القامه
نهال:مامت ادهم وهي شخصيه هادئه وطيبه خاصه بعد حادثه ابنتها الكبري تبلغ من العمر50سنه
سيلين:شخصيه عفويه ومحبوبه ومرحه ذات العيون العسليه والشعر البني متوسطه القامه وبشره بيضاء وتبلغ من العمر24سنه وهي دكتوره اطفال تحب الحياه ولكن تكره الحب والارتباط
لارا:شخصيه عفويه وقويه ذات البشره البيضاء والعيون الزرقاء والشعر البني الفاتح المائل لأصفر ومتوسطه الطول تبلغ من العمر23وهي بنت خال سيلين
احمد:الاخ الاكبر لسيلين ذات شخصيه عمليه محب لعمله والمال اكثر من عائلته وهو رجل اعمال يبلغ من العمر33سنه
دينا:ذات الشخصيه الهادئه ومازالت تحتفظ بالابتسامه علي شفتيها برغم مامرت به خلال الست سنوات الماضيه هي متوسطه القامه ذات الشعر الاسود سواد الليل والعيون البنيه الغامقه والبشره القمحيه الفاتحه لديها ابن اسمه يوسف بعمر الخامسه وهي تبلغ من العمر27سنه
                        .............
في غرفه مظلمه،سيلين:ابتديت افتح جفوني بتعب لما ابتديت استوعب اللي انا فيه لقيت نفسي في اوضه مظلمه لاتوجد بها اي اضاءه وايدي ورجلي مربوطين في الكرسي وهناك لاصقه علي فمي حاولت احرك ايدي بس معرفتش ابتديت اتعب لاني عندي فوبيا من الضلمه ومن كتر الخوف بحس بضيق في نفسي سمعت صوت شخص متجه نحوي وراح شد الاصقه اللي علي فمي بعد تردد وصوت مرهق:انا فين طلعني من هنا
ادهم بجديه:متتعبيش نفسك علي الفاضي لانك مش هتطلعي من هنا ياسيلين الا بمزاجي
سيلين بصوت متعب:خرجني من هنا واي حاجه تطلبها هعملها بس اخرج من هنا
ادهم بجديه:بس انتي مش هتخرجي من هنا غير لو انا عايز ده
سيلين بتعب شديد وصوت شبه مش طالع:خرجني من هنا وانا هديك الفلوس اللي انت عايزها بس سيبني اخرج من هنا ومش هبلغ عنك او اقول لاي حد
ادهم بنبره غريبه:قربت منعا وهمست بجانب اذنها بس انا عايزك انتي ياسيلين مش فلوس عشان كده هتفضلي هنا
سيلين بخوف ممزوج بدموع:قصدك ايه
ادهم بجديه:مش ضروري تعرفي وحطي حاجه في بالك انا براقب المكان والباب مقفول من بره ولوحاولتي تهربي مش هيحصلك خير احلام سعيده يادكتوره ورحت رجعت الشريط الاصق علي فمها قبل ان تتكلم وتركتها
سيلين بدموع وبصوت غير مسموع ممزوج بتعب شديد:خرجوني من هنا اي حد هنا بس مين طبعا هيسمع صوتي فقدت الامل بعد ماحاولت كذه مره افك ايدي او اني حد يطلعني بس مفيش فايده وكمان ابتدي التعب يسيطر عليا فغمضت جفوني محاوله السيطره علي انفاسي المضطربه وضربات قلبي السريعه ولكن دون جدوي سيطر عليا الخوف من الظلام والتعب لحد من غير مااحس فقدت الوعي
عمر بتنهد:لقيته خارج من الغرفه ادهم عايز اتكلم معاك في موضوع
ادهم بجديه:موضوع ايه
عمر:انا ساعدتك انك تنفذ اللي انت عايزه بس ممكن اعرف انت ناوي علي ايه انت مش هتائذيها صح معتقدش انها وحشه زي مانت متخيل ملامحها كلها برائه
ادهم بجديه:اولا متتخدعش بالمظاهر ياعمر ثانيا متقلقش مش ناوي ائذيها هي اه اخت عدوي بس مش انا اللي استقوي علي بنت عشان انتقم ياعمر هي هتفضل هنا فتره لحد لمااحقق هدفي
عمر بجديه:تمام انا عارف ده وانك اكيد مش هتعملها حاجه بس ليه ياادهم
ادهم بجديه:هقولك بعدين مش دالوقتي انا ورايا شغل مهم خلي بالك منها
..............
دينا بعصبيه:احمد سيلين فين بقالها يومين مختفيه ومنعرفش عنها حاجه وانت مبتعملش حاجه
احمد بجمود:تمام عارف انها مختفيه بقالها يومين وخليت الرجاله يدوروا عليها هعمل ايه اكتر من كده وبعدين متنسيش نفسك يادينا وصوتك ميعلاش تاني
دينا بقلق:وافرض حد من اعدائك خطفها وائذاها يااحمد
احمد بجديه:كان زمانه اتصل وقال اللي هو عايزه لكن ممكن هي اللي حابه تقعد فتره لوحدها وبعدين انا ورايا شغل كتير مش فاضلها وفاضي لمشاكل اللي ملهاش لازمه ديه وياريت تطلعي بره وتاخدي الباب في ايدك
دينا باستنكار:اختك مختفيه ومنعرفش عنها حاجه واذا كانت عايشه ولالأ ديه بالنسبالك مشاكل ملهاش لازمه
احمد بحده:ايوه انا مكنتش ولي امرها عشان ادور عليها واسيب حياتي واوقف شغلي عشانها الاولي كانت امها سألت فيها بدل ماهي سبتها وراحت شافت حياتها واتجوزت وسبتهالي
دينا بعدم تصديق:انت شخص مش معقول ومفيش فايده من الكلام معاك ورحت سبته
                       ...............
ادهم بجديه:جبتلي كل المعلومات اللي طلبتها عنها
شخص:اه يافندم كل التفاصيل في الملف ده
ادهم بتنهد:حطيت الملف علي جنب واتجهت لبيت ولما وصلت رحت لمكان اللي كانت فيه وفتحت اضاءه خفيفه فلقتها فاقده الوعي ووجها شاحب شويه فنديت علي حد جبلي ازازه مايه رميت جزء منه علي وجهها
سيلين بتعب:فوقت بسبب المايه وبصوت خافت خرجني من هنا لقيته قرب مني بالازازه عشان اشرب بس بعدت وجههي رغم عطشي الشديد
ادهم بجديه:لوفضلتي كده هتموتي اشربي واكيد مش خاطفك عشان اسممك يعني يادكتوره سيلين عندك مش هيفيدك في اللي انتي فيه دالوقتي
سيلين بتعب:بعد ماشربت شويه ممكن اعرف انت بتعمل معايا كده ليه انا حته معرفكش
ادهم بجديه:اجابتي علي سؤالك مش هتفيدك ياسيلين بس الواضح ان اخوكي مدلعك بزياده لدرجه انك مقدرتيش تستحملي وجودك هنا يومين
سيلين بنبره متعبه:انا مش مدلعه زي مانت شايفني انا عندي فوبيا من الاماكن المغلقه والضلمه وده سبب اللي حصلي مبقولكش سيبني رغم اني معرفش انت بتعاقبني علي ايه بس خرجني من هنا
ادهم بجمود:ولوقولتلك مش هخرجك من هنا ياسيلين فمتتعبيش نفسك لان مفيش فايده من كلامك ده يلاتصبحي علي خير وسبتها وخرجت غير مكترث بكلامها
بعد مرور اسبوع،عمر بعصبيه:دخلت اوضته فلقيته نايم فصحيته ادهم قوم عايزك ضروري
ادهم بنعاس:فيه ايه عشان تصحيني دالوقتي
عمر بحده:قوم معايا حالا لان حضرتك نايم هنا ولاعلي بالك
ادهم بجديه:اديني قومت في ايه
عمر:سيلين حالتها ادهورت شبه رافضه تاكل ونبضها ضعيف جدا ولوملحقنهاش هتموت وانت هتكون السبب ياادهم
ادهم بجديه:اتصل بمازن وانا هروح اجيبها اتجهت لمكان اللي هي فيه وفكتها وحملتها واتجهت لغرفتي وحطتها علي السرير وغطتها وفعلا كان وجهها شاحب بعد شويه جيه مازن وركبلها محلول بعد ماطلع بره هي هتبقي كويسه
مازن بتنهد:اولا مين ديه ياادهم وايه اللي وصلها لحاله ديه وكمان لازم تتنقل المستشفي
ادهم بجديه:كل ديه اسئله هجاوبك بعدين انت مش هتعرف تعالجها يعني انت مش دكتور يامازن ولاانا غلطان
مازن بضحك:يابني واللهي ده مش تخصصي انا جراح قلب بس هكتبلها علاج بس هي كمان عليها حراره ولازم تنزل شويه وبلاش اسلوبك اللي انا عارفه كويس معها الفتره ديه ياادهم
ادهم بنفاذ صبر:مازن هوانا جايبك عشان تتعبني روح نام
مازن بتنهد:لاقاعدلك لحد مااعرف قصتك ايه وبعدين النوم راح خلاص
عمر بجديه:عارف ياادهم لو البت جرالها حاجه هتكون انت السبب الاساسي
ادهم بتنهد:خلصتوا انتوا الاتنين واضح اني مش هخلص منكم فحكتلهم كل حاجه ياريت بقي تريحوني من الاسئله بس محدش يعرف الموضوع ده غيركم انتوا الاتنين والامش هيحصلكم خير
مازن بضحك:وعلي ايه انا مش مضحي بعمري ياابن خالي
ادهم بابتسامه:اخبار عمتي ايه ولامتعرفش عنها حاجه
مازن بتنهد:لامعرفش عنها حاجه بقالي فتره وبعدين معدتش بشغل بالي اوي
عمر بتنهد:يلاتصبحوا علي خير ياشباب ناوي تيجي تنام يامازن ولاهتصبح لصبح
مازن بضحك:لاهنام ورايا شغل الصبح بدري يلاتصبح علي خير ياادهم لواحتجتني هتلقيني في اوضتي
ادهم بتنهد:بعد ماسبوني رجعت لغرفتي وجبت كمدات وعملتهالها لحد مانزلت حرارتها فسيبتها ورحت انام علي الكنبه
سيلين بتعب:فتحت جفوني ببطئ فالصوره كانت مش واضحه فافتكرت اني في اوضتي فرتسمت ابتسامه علي وجهي وان كل اللي حصب كان مجرد كابوس بس لمااتضحت الرؤيه لقيت نفسي فمكان مختلف نهائيا عن اللي كنت فيه سقف الغرفه مزين بطريقه جميله وفراش ناعم وغرفه كبيره جدا ويدخل من الشرفه اشعه الشمس التي تعطي لها رونق مختلف لم استطع ادراك ما انا فيه فدارت تساؤلات في عقلي مشوشه ومتداخله هل انا لسخ عايشه ولاميته وان كنت عايشه فانا فين وايه اللي حصل لااتذكر غير فقداني لوعي ولاشئ بعد ذلك....
                  ........ .........
دينا بجديه:كنت عايزني يااحمد في ايه
احمد بابتسامه:خدي شوفي الورق ده كده مش ده اللي كنتي عايزاه من فتره انا وقعت علي ورقه الطلاق بس هتاخدي الورق بشرط انك توقعي الورقه ديه
دينا بجديه:لما قريت الورقه اتصدمت ديه ورقه.....
يكمل