"ယွမ်ယွမ် ညီမလေး မမကိုအရမ်းဒေါသမထွက်ပါနဲ့
မမက ညီမလေးအပြင်မှာ ဒုက္ခရောက်မှာစိုးလို့ပါ"
"တော်တော့ ဒီတစ်ခေါက်က ၂ယောက်လုံးရဲ့အမှားဖြစ်တာကြောင့် သတိပေးရုံလောက်နဲ့ပြီးလိုက်မယ်
နောက်တစ်ခါ အမှားလုပ်ရင် ဘယ်သူ့မှ ဘက်မလိုက်ဘူး"
"သခင်ကြီးရယ် ခွင့်လွှတ်ပေးလိုက်ပါ ယွမ်ယွမ်က အမှားလုပ်တာ ဒါပထမဆုံးမှမဟုတ်ဘဲ။ အဲ့ကောင်မလေးက ဘယ်သူနဲ့တူလို့ အကျင့်မကောင်းတာလဲမသိပါဘူး?"
သခင်မကြီးကတော့ သူမကိုခွင့်လွှတ်ဖို့ပြောသလိုနှင့်
စကားလုံးများနဲ့ထိုးနှက်နေလေတော့သည်။
သူမ အမေကိုစောင်းပြောနေတာအသိသာကြီး...
"သခင်မကြီး ယွမ်ယွမ့် အမှားပဲမဟုတ်ဘူးလေ မမလည်းမှားတာပဲကို ဘာလို့ယွမ်ယွမ့်ကိုပဲ အပြစ်ရှိသလိုလုပ်နေတာလဲ။"
"တွေ့လား...ရိုင်းလိုက်တာ ပြန်ခံပြောနေတယ်"
"ယွမ်ယွမ် အဖေက မင်းဘက်ကဆိုပေမယ့် လူကြီးတွေကိုပြန်ခံပြောရလောက်အောင် သတ္တိတွေပေးမထားဘူး
အရမ်းရိုင်းတယ်..."
"တောင်းပန်ပါတယ် သခင်ကြီး နောက်မဖြစ်စေရပါဘူး"
"သခင်ကြီး နန်းတော်ထဲအခစားဝင်ဖို့ရှိပါတယ်"
"ကောင်းပြီ....ဒီနေ့တော့ အကုန်အဆောင်ပြန်လို့ရပြီ
နောက်တစ်ခါ အမှားဖြစ်တာမျိုးမလိုချင်ဘူး"
"ဒီနေ့ ခေါ်ရတဲ့အကြောင်းအရင်းက အိမ်ရှေ့စံအတွက်
မိဖုရားလောင်းရွေးပေးဖို့ပဲ ..."
"နောက်တစ်ပတ်အတွင်း နန်းတော်မှာ ပွဲတော်ကြီးကျင်းပမယ်။ မိဖုရားကြီးက အကဲဖြတ်လိမ့်မယ် အိမ်ရှေ့စံနဲ့ သင့်တော်တဲ့မိဖုရားလောင်းကို....
အဲ့တော့ အမတ်တို့ရဲ့သမီးတော်တွေကို ပွဲတော်ကိုဖိတ်ခေါ်စေချင်တယ်"
"ဟုတ်ကဲ့ပါ ကျွန်တော်မျိုးတို့နားလည်ပါပြီ။"
"အဲ့တာသေချာပေါက် ပညာရေးအမတ်ရဲ့သမီးဖြစ်မှာသိသာတယ်။ သူတို့က မိဖုရားနဲ့ဆက်သွယ်မှုရှိတာကြာခဲ့ပြီ။ ဘယ်သူမှတောင် ဖိတ်စရာမလိုဘူး။မဟုတ်ဘူးလား...?
CZYTASZ
က်ိန္ဆဲမိျခင္း/ ကျိန်ဆဲမိခြင်း
Romansသူမေလးက novel ဖတ္ရတာသေဘာက်သည္ တစ္ရက္မွာ authour ကိုက်ိန္ဆဲမိေတာ့.... Cv photo #credit
