غلطة غيرت حياتي (مكتملة)

البارت الثاني

ومن يعلم تدابير القدر يا حبيبي
انا هنا وانت هناك متى يسقط حرف الكاف
ومتي تطوى الارض كي نلتقي ❤❤

دخل بكل هيبة ووقار وغرور يحق له فهو ايهاب المنياوي المليونير الوسيم الذي يركض خلفه جميع النساء وتتسلط عليه اعينهن .
دخل شركته ونظرات جميع النساء تتركز عليه وهذا لا يذيده الا غرور وتكبر .
رأته سكرتيرته غاده فوقفت بخوف : صباح الخير يا فندم .
ايهاب ببرود : اعمليلي القهوه بتاعتي وهتيهالي بسرعة.
غاده : حاضر يا فندم ثواني وتكون جاهزه .
دخل الي مكتبه من دون اي رد وجلس عليه .
وبعد دقائق دخلت غاده ومعها فنجان القهوه كما يحبها .
غاده : القهوة يا ايهاب بيه .
ايهاب وهو يركز علي الملفات بيده ولا ينظر لها : حطيها ....ها قوليلي ورانا اي النهارده .
غاده : وارانا اجتماع مع شركة سيف الدين (وهميه طبعا ) والفوج الايطالي كمان ساعتين وووو.........
ايهاب: تمام جهزي نفسك عشان كمان ساعة ونبدأ الاجتماع .
غاده : امرك يا فندم  ...حاجة تانيه .
ايهاب: روحي انتي دلوقت .
وذهبت غاده لكي تتجهز للاجتماع .
وبعد مده من الزمن .
فتح الباب دون الطرق وكانت ساهي خطيبته .
كانت ترتدي هوت شورت جينز فاتح وتي شيرت بحمالات رفيعه لا يستروا شئ
شاهي بدلع: هااااااي يا بيبي واحشني اوي وجريت عليه تحضنه .
ايهاب بغضب من لبسها : اي الهباب الي انتي لبساه ده يا شاهي .
شاهي باستغراب : ماله يا بيبي مهو حلو اهو وحتي موضه اي بقا.
ايهاب: ماله انه عريان اوي يا هانم ده ميتخرجش بيه ده .
شاهي بضيق: يووووه بقا يا ايهاب انت مش هتبطل طريقة تفكيرك الرجعيه ابدا .
ايهاب بغضب : انا طريقة تفكيري مش رجعيه يا هانم انتي الي متفتحة اوي زياده عن اللزوم وانا مينفعش معايا الكلام ده متنسيش اني راجل صعيدي مقبلش الي انتي بتعمليه وبتلبسيه ده فاهمة ولا مش فاهمة وحسك عينك اشوفك لابسه كدا تاني فاهمة.
شاهي : لاااا مهو دي مش عيشه بقا هو اي الي متلبسيش متعمليش متسويش اي كل ده يا حبيبي ده احنا لسه حتي متجوزناش .
ايهاب : ليه هو انتي فاكره انه لما نتجوز انتي هتلبسي القرف ده .
شاهي باستغراب : اومال هلبس اي شوال .... لا بص بقولك اي انت اخدتني كدا وحبتني كدا يبقا اي الي اتغير بقا ولا هما قلبوك عليا عشان قدمت معاد الفرح انا عارفاهم هما مش بيطقوني .
ايهاب بتحذير : طب لاحظي ان الي بتتكلمي عليهم دول يبقوا ابويا وامي هاااا يبقا تنقي كلامك وتتكلمي باسلوب احسن من كدا .... وبعدين اه طبعا  لا يمكن بعد الجواز تلبسي كدا ابدا وبعدين بعد الجواز كل حاجة هتتغير هيبقا حياه تانيه واولاد و......
قاطعته شاهي بصدمة : ولاد ؟
ايهاب باستغراب : اه ولاد فيها حاجة دي ولا اي .
شاهي : لا ولاد اي انا مش عايزه اخلف لاء
ايهاب: مش عايزه تخلفي ؟؟؟ انتي مش عايزه ولاد مني يا شاهي ؟؟!!!
شاهي بتوتر : هاا .... لالا مش قصدي انا مش عايزه اولاد خالص جسمي يبوظ يا بيبي واتخن وبطني تكبر والرضاعة دي لالالا لا يمكن انا مش عايزه اخلف.... وحتي لو حصل وخلفت مش هخلف قبل 5او 7 سنين من جوازنا قبل كدا لا ويستحسن لو مفيش خالص عشان جسمي .
ايهاب بصلها مصدوم من كلامه الي هي بتقوله .
ولكن سرعان ما خبأ صدمته وارتدى قناع البرود الشديد وبصلها بصة ارعبتها .
شاهي بتوتر : مالك ياايهاب بتبصلي كدا ليه .... ولسه هتروح عليه تحضنه بعد عنها ونفض اديها وقال ببرود شديد: اطلعي برا يا شاهي دلوقت .
شاهي بسرعة: حبيبي انا والله .....
ايهاب بصرامة : بقولك اطلعي برا دلوقتي لوسمحتي انا مش فاضي ومش عايز اتكلم .
شاهي فضلت واقفة ف مكانها .
ايهاب بغضب : هو انا مش قولت اطلعي برا ...
وهي اتنفضت من الخوف .
وهما دخل جاسر : اي في اي يا ايهاب انت..... وقطع كلامه رؤيته ل شاهي .
جاسر : انتوا بتتخانقوا صح؟... شكلي جيت فوقت مش مناسب انا همشي طب.
ايهاب ببرود : لا يا جاسر خش عشان عايزك الاجتماع هيبدأ وشاهي ماشيه دلوقت حالا .... ثم نظر لها : يلا مع السلامة ونتكلم بعدين .
شاهي نظرت له بضيق وخرجت بعصبيه .
جاسر بمكر : الله انت زعلتها ليه كدا .
ايهاب : لا ولا زعلتها ولا حاجة فكك ها عملت اي ف الصفقة .
جاسر : لا متقلقش يا كبير كله تمام .
ايهاب : طب تمام اوي كدا ...اه انا قدمت الفرح يبقا بعد شهر انت اول حد يعرف بعد ابويا وامي ونور مش محتاج عزومه انت اخويا واول واحد تيجي .
جاسر بضيق وحقد : اه طبعا طبعا الف مبروك ...طب انا هقوم اجهز نفسي عشان الاجتماع .
ايهاب : تمام يلا عشان مفضلش كتير .
جاسر قام من مكانه وخرج من المكتب وقال بحقد وغل : والله ما ههنيك بيها يا ايهاب ولا هخليك تشوف فرح ابدا وهدمرك هدمرك مش هخليك تلاحق علي المصايب .
ثم اخرج هاتفه من جيبه واجرى اتصال.....
جاسر : ها عملت اي ف الي اتفقنا عليه .
المتصل : كله تمام والصفقة دي والي قبلها معاك وف جيبك كدا اقدر اقولك مبروك الصفقة الجايه والشركة تبقا كلها معاك .
جاسر بابتسامة شر : كدا تمااااام اوي اقفل انت بقا .
واغلق الخط وقال بشر : كدا انت اتدمرت خالص يا ايهاب باشا وكل حاجة بتاعتك هتبقا بتاعتي قريب ...قريب اوي .