غلطة غيرت حياتي (مكتملة)

البارت العشرون

لا تعتمد علي حب حبيبك لك .... عندما تقابل الحب بالجفاء والقسوة والبرود ، حينها ما علي الحب الا الرحيل ❤❤

ومر اسبوعين علي ابطالنا جميعهم منهم من هو سعيد وحزين وخائف ومن يسعى للانتقام
في غرفة الاء كانت تجلس الفتيات يحاولون تهدأتها

نور : اهدي بس يا الاء هو مش هيقدر يعملك حاجة ليه الخوف ده .
الاء: مش هيجدر هو مين ده الي مش هيجدر ، ده يبلعني ياما .
نور بضحك: يبلعك اي هو وحش يا بت ما تجمدي كدا .
الاء: اه مهو الي ايده ف المية مش زي الي ايده ف جهنم ، محدش يعرفه جدي وبعدين ده بيبصلي نظرات كلها وعيد وتهديد كدا تحسي انه هيموتني .... انا كنت فاكره اني هدرب تحت ايد المستشار الي ف الشركة كان مطمني وكمان سليم معايا لكن اها جالي هتدربي تحت ايدي وسليم خرچ من الموضوع يبجا هيموتني هيموتني .
شروق بصرامة : الله وبعدين فيكي يابت مش جولنا هتجوي كدا وتبجي چامده جدامه ولا هو كلام الليل مدهون بذبده يطلع عليه النهار يسيحه اسمعي الكلام واعجلي كدا اديكي لما سمعتي الكلام هو داير وراكي من يوميها ازاي وهو كمان الي طلب يدربك والي جال كدا مش اي حد ده سليم هو الي جال ف اتبطي بقا وواهدي .

سلمي : شروق معاها حج انا ملاحظة انه بيلف وبقا في نظرات كتير دا بقا بيكلك بعينه كل يوم لما بس يلمحك بتعدي ف اهدي كدا
الاء بسرعة : حجيجي بياكلني بعنيه والنبي يعني بيبصلي كل لما بعدي .
نور باستغراب: شوف الحيوانه كلبة البحر سابت كلمنا كله وركزت ف اي .
وضربتها بالمخده .
الاء: يا عالم ياعالم بحبه حسوا بيا بجا بحبوووووووو .
شروق: بس بس يا مخبوله هتفضحينا الله يحرجك .
سلمي : لا اجمدي يا لولو وبكرا ارفعي راسنا وحياة چدي عندك ده كل الي عملنا كوم والي نجدر نعمله ف الشركة كوم تاني خااااالص ف ركزي كدا واسمعي الكلام .
نظرت لهم شروق بتوتر : هسمع هسمع والله مجدميش حل تاني ... جولوا .
نور: بصي يا ستي ......................................

وبعد فتره من المناقشة.
نور : ها فهمتي هتعملي اي خلي عندك شخصية كدا .
الاء: مهو هي دي المشكله بجول فهمت هنا معاكوا واول ما اشوفة بس اشوفه اتوووه.وجلبي هيجف من كتر النبض كاني هجطع النفس بس اهو ربنا بيسترها معايا كل مره وبعرف انفذ وان شاء الله هعرف المره دي كمان المشكله بردو انه هناك في الشركة هو مديرها وبيتحكم فيها وهيعلمني يعني لازم اسمع كلامه ع الاجل لما كنت بسمع الي بتجولولي عليه الي كان بيشچعني اني هنا ف البيت وسطيكوا انما هناك مفيش غيرررررره .

شروق: لا في ... في سليم لو جولتيله الحجني هيلحجك انتي عارفة مبيستحملش علينا الهوى.
الاء : مهو ده الي مطمني شويه ..... يااارب .
سلمي : متجلجيش خير وبعدين كفايا بجا صدعتينا ،...... صح يا نور عااااااامله اي مع سليم .
تبدلت ملامح نور وابتسمت ابتسامة حزينه .
الاء بصدمة: اي يادي النيله اوعي تجولي صدك زي ما عمل عز معايا ولا بيعاملك وحش .
شروق : لالالا مصدجش سليم اخوي مش زي عز خالص ..... نور هو بيعاملك وحش عملك حاچة .
نور بسرعة: لالالا مش بيعمل زي عز ومش بيعاملني وحش زي ما قولتلكوا اخر مره وافق انه يدي لعلاقتنا فرصة .
الاء: اومال اي بجا ليه الابتسامة الباهته دي والحزن الي فوشك ده انا جولت يوم ما نسالك هتحكي وانتي فرحانه .
نور بشرود: معرفش بس بحس انه معايا ك تادية واجب او عشان ميكسرش قلبي .
شروق: ازاي يعني .
نور : يعني ... يعني انا الي بعمل كل حاجة انا الي بسال انا الي بطلب انا الي بهتم بيه انا الي بدور عليه انا الي بستناه انا بقول كل الكلام الحلو ، انا الي بكون عايزه دايما اسمع صوته واشوفه انا الي بطلب منه كل حاجة هو مش بيعمل اي حاجة غير ان هو بيبتسملي وينفذ الطلب الي انا بطلبه بكل هدوء وبرود اعصاب ، ده بيحسسني اني بفرض نفسي عليه او هو بيعمل كدا عشان ميحرجنيش وبعد مده يقولي انا اديتلنا فرصة بس مرتحتش انتوا فاهمني ولا مش فاهمني .