غلطة غيرت حياتي (مكتملة)

البارت السادس عشر

في علاقات الحب الجميع يربح حتي الخساره فيها ربح ربحت قلب وحب وامان وراحة واطمئنان ف اين الخساره بربك ؟!.... فقط سلم لي قلبك ودعني اتولي زمام الامور ❤❤

في الجامعة كانت الفتيات يجلسون في مكانهم المعتاد بعد المحاضره ....
شروق بدموع : انا چرحته جوي مكنش لازم اجول كدا مهما حصل بردو يا ترا هو عامل اي دلوجت .
نور : هوني علي نفسك بقا يا شروق متعمليش ف نفسك كدا ... وبعدين صدقيني كان لازم يتقله الكلام ده عشان يفوق ويعرف يتعامل ازاي مع اهله احنا مش هما وهما مش احنا كفايا بقا .
شروق : بردو كان ممكن اوصل كدا بطريجة احسن او متكلمش خالص كان ممكن انتي او احمد او اي حد يوصله كدا اهو مش هيطجني اكتر ما هو مش طايجني معرفش ليه .
الاء بهدوء : خلاص اعتذريله .
سلمي ونور : اي ؟؟؟
الاء: ايوا تعتذرله طالما حاسه بالذنب اوي كدا ومش عارفة تجعد علي بعضها و بتيكي خلاص تعتذرله وبالمره تخفف چو الجط والفار الي هما فيه ده ويبجوا كويسين مع بعض بدل الخناق عمال علي بطال يمكن بعد ما تعتزروا لبعض الدنيا تمشي ومتنسيش ان سليم كمان بجا ف المشكله لانه اتخانج عشانك يبقا بالاعتذار ده طلعتي نفسك من الغلط ولو هو مجبلوش يبجا جدام العيله هو الي بيتلكك بجا وانتي مش غلطانه ولو جبلوا يبجا صلحتي علاجتك بيه وعلاجته ب سليم كمان شوفتوا كل دي فايده الاعتذار البسيط ده .

نور : والله معاكي حق يا الاء فكره ذكيه اوي فعلا الاعتذار ده هيطلع شروق من اي دايره غلط و لو اتقبل يبقا العلاقات كلها اتصلحت ... ممتاز .
سلمي بتذكر : الاء هو چدي بعد ما دخلتوا المكتب كان عصبي وكدا ولا كان عادي؟؟
الاء: چدي كان هاين عليه يجوم يكسر العصايه بتاعته علي وشكوا مهو الي حصل جدامه جله ادب بصراحة .
نور : بصراحة ايوا ميصحش كل ده يحصل قدام جدوا .
سلمي: معاكي حج الحمد لله انها عدت علي خير بدل ما كانت تبجا مصيبه اهم حاچة دلوجت ان احنا نصلح كل العلاجات النهارده بدل ما نفضل ف الهم ده كتير .
شروق : خلاص اول ما اروح هستناه يبجا لوحده واروح اعتزر جبل جبل مجبلش ابجا عملت الي عليا .
الاء : صح كدا ... يلا بجا عشان ورانا محاضرات يا هوانم يلا .
قاموا وذهبت كل واحده الي محاضراتها .

في مكتب عز
سليم : يعني كنت عايزني اشوفه بيزعق لاختي واقعد زي خيبتها اتفرج عليه وهو بيزعقلها يا عز .
عز بهدوء: انا مقولتش كدايا سليم .
سليم : معني كلامك كدا .
عز : لا بس كنت تهدا شويه خصوصا قدام جدك الي حصل ده كان قلة ادب قدامه وانت عارف كنت اهدا شويه وفكر دا انت معروف حتي بهدؤك ورزنتك .
سليم : انا الي يجي جمب واحده من اخواتي سواء كانت شروق او الاء او سلمي معنديش فيهاا هدوء ورزانه دي انا هكله بسناني ... اه انا. غلطت عشان جدي كان قاعد بس مقدرتش اشوفه بيهزا اختي واقعد اتفرج وعلي راي شروق ملناش دعوه بالي حصله يروح يطلع غصبه وسخطه عليهم احنا ملناش ذنب .
عز : خلاص خلاص اهدا كل حاجة هتتحل اهم حاجة لما تروح اول حاجة تعملها انك تعتزر لجدك عشان الموضوع يخلص .
سليم : هعمل كدا ... ثم قال : يا نهار ابيض نسيت اشوف موضوع الاء .
عز باهتمام شديد : مالها الاء.
سليم : لا مفيش بس موضوع كنت عايز اشوفهولها كدا ف موضوع تدريب الكليه بتاعتها .
عز : ايوا يعني موضوع اي .
سليم : لازم تطلع 3 شهور تدريب ف شركة وتاخد اقرار انها اخدتهم وتسلمه للكليه ك تدريب عملي ليها يعني ف هجبها هنا شركتها وشركة عيلتها اولي بيها بدل ما تدرب ف شركة تانيه الله واعلم صاحبها عامل ازاي ف كنت بفكر اجبها هنا تحت تدريب استاذ حسن الراجل محامي كبير وهتستفيد منه بس ف هكلمها ف الموضوع ده اول ما اروح بردو .