غلطة غيرت حياتي (مكتملة)

البارت السابع عشر

الاعتراف بالحق فضيلة لا يدركها غير الشرفاء والانقياء و ذوي القلب النظيف الطاهر ..... ف اعتذر ان وجدت نفسك علي خطأ هذا لن يذيدك الي  مكانه وشرف ومحبه في قلوب من حولك ❤❤

عاد عز وسليم بعد انتهاء اعمالهم في الخارج .
وجدوا الحاج منصور يجلس في الڤرنده بنظر الي الخارج .
ف اشار عز الي سليم ليذهب للاعتذار الي جدهم .
ف ذهب سليم وعز الي الڤرنده حيث يجلس جدهم
ف تحدث سليم : چدي .
الحاج منصور : خير في اي .
نزل علي ركبته امام جده وامسك يديه : انا اسف يا چدي اني عليت صوتي ف حضرتك يا چدي مكنش جصدي اعمل كدا بس مشوفتش جدامي لما لجيته بيزعج لاختي وهي بتبكي محستش بنفسي انا اسف يا چدي .
وانحني علي يده وقبلها .
ف مسح علي شعره وهو مبتسم : لا يا حبيبي انا مش زعلان منيكوا انا زعلان عليكوا .
عز : زعلان علينا ايه يا چدي.
الحاج منصور قام من مكانه : زعلان اني شايف احفادي بدل ما يجفوا چار بعض بيزعجوا لبعض ويعلوا صوتهم علي بعض جدامي وانا جاعد ميعملوش احترام ليا حتي مكنتش استني منكوا كدا ابدا دا انا ما صدجت ان انتوا اتلميتوا والي چه من الشرج والي چه من الغرب واتچمعتوا هنا تجوموا تعملوا كدا .
سليم : احنا اسفين يا چدي احنا اسفين مجصدناش كل ده والله .
الحاج منصور : عارف عارف يا ولدي انكم مجصدكوش بس لو سكتلكوا بكرا يبجا جصدكوا ، اتعلموا تحبوا بعض تجفوا مع بعض ف ضهر بعض مش زعجوا وتعلوا صوتكوا علي بعض ... واد عمك تعبان تعبان والي فيه مكفيه غلط اه واتحاسب مني ومن ابوه ومن كلام اختك وكلامنا ومن الزمن والي بيحصل فيه ف مش هنبجا احنا والزمن عليه خلاص الموضوع خلص ... اعتذرله وصلحوا الي عملتوه عشان انا مشهستحمل ان ولادي يجعدوا ف بيت واحد جدامي وميكلاموش بعض.
انحني سليم وقبل يده : حاضر حاضر يا چدي هعتذرله النهارده ومفيش حاچة هتحصل وهنبجا فضهر بعض زي ما علمتنا .
الحاج منصور بحنان: يحضرلكوا الهنا والسعد يا ولدي .

انتهي اليوم الجامعي للفتيات وعادوا الي المنزل
الاء: چدددددييييييي
الحاج منصور بحب: حبيبة جلب وروح چدك .
ف ذهبت اليه واحتضنته .
فعلت مثلها كلا من سلمي و شروق ونور .
الحاج منصور : يلا يا حبايب چدكوا روحوا علي اوضتكوا عشان ترتاحوا وتنزلوا نتغدي كلنا .
وهم في طريقهم للصعود نظرت شروق بالصدفة للخارج فوجدت ايهاب يقف ف الحديقة يضع يديه الاثنتين بجيب بنطاله فوقفت .
الاء: اااااه يا چاموسه طب جوليلي انك هتجفي متجفيش مره واحده كدا خبطيني
ولكن شروق ليست معهم .
سلمي باستغراب : الله مالك يا شروق .
نور نظرت الي ما تنظر اليه شروق .
نور:ااه ابيه ايهاب برا .
ف نظروا بنفس الاتجاه .
سلمي: عشان كدا تنحتي .
الاء: طب يلا روحي روحي اعتذريله.
شروق : اي؟؟ دلوجت
سلمي : ايوا يلا عشان علي الغدا جمدام چدوا يبقا كل حاجة تمام
نور: بالظبط يلا روحي .
اكمل البنات طلوع الدرج وتركوها
شروق: اهدي اهدي يا شروق هي كلمة جوليها وامشي مفيش داعي للتوتر ده يلا .
اخدت نفس عميق وذهبت بخطوات بطيئة له .