غلطة غيرت حياتي (مكتملة)

البارت الخامس والعشرون

دائما الانسان لا يعرف قيمة الاشياء الا عندما تضيع منه او ان تصبح في يد غيره حينها سيراها اجمل الاشياء ......

حل الصباح علي جميع ابطالنا وحلت معه احداث يوم جديد سعيده للبعض ولنرى البعض الاخر
كان يجلس الحاج منصور علي رأس الطاوله كعادته وبجانبه ابناؤه وعز وسليم واياد وايهاب واحمد وفي انتظار نزول الفتيات
الحاج منصور :الله هما البنات اتاخروا النهارده ليه مش عوايدهم .
سليم: لسه شايف شروق يا جدي وقالت بيلبسوا ونازلين .
وبعد انتهاء جملته نزلوا الفتيات بابتسامتهم الجميله .
الحاج منصور: اهلا اهلا بحبايب جلب چدهم ، اجعدوا بقا عشان نفطروا اخرتونا .
الاء : معلش يا منس حجك عليا انا والبت نور السبب اتاخرنا ف الصحيان شوية .
نور : انا بردو ولا انتي الي كانك مدينك مصنع منوم يا شيخة ده احنا صوتنا جاب اخر البلد وف الاخر انا ونور ..ثم نظرت لجدها : متصدقهاش يا جدي هي الي ماخرانا .
الحاج منصور بضحك : هههههه خلاص خلاص هو انتوا كل يوم تناجروا ف بعض كدا خلاص انتوا الاتنين اتاخرتوا يلا كلوا بقا
كل هذا وايهاي ينظر الي شروق ولم ينزل عينيه من عليها وهي لاحظت نظراته وتوترت .
وكذلك الحال مع سليم وعز
اما اياد وسلمي ف هو ينظر اليها بحب وهي تنظر اليه بخجل .

ظلوا ياكلون في صمت الا ان قاطعه الحاج منصور
الحاج منصور : صوح في موضوع كنت عايزك فيه يا الاء ..قالها وهو ينظر لعز بخبث
وعز تنبهت كل حواسه مع جده ليعرف ما هو هذا الامر الذي يخص مشاكسته .
الاء باستغراب : انا ... جول يا چدي موضوع اي ده
الحاج منصور: كنت عايز اكلمك وحدينا .
نور بسرعة: لا والنبي وحديكوا اي والفضول الي جوايا ده اوديه فين ...اتكلم دلوقت والنبي يا جدو والنبي .
سلمي: ايوه يا چدي نور معاها حج يلا جول جدامنا
الاء بقلق : في اي يا چدي جلجتني .
الحاج منصور رتب علي يدها بحنان : متجلجيش يا جلب چدك الموضوع خير
الاء: موضوع اي ده يا چدي
الحاج منصور بجديه وهو ينظر لعز بالاخص: عارفين طبعا كلكوا حازم ولد الدهاشنه
سليم : ايوا يا جدي ده صاحبي من زمان .
الحاج منصور : رايك في اي يا ولدي
سليم : والله هو قمة ف الاحترام وجدع واخلاقه عالية ومن اعز صحابي ... بس ليه يا جدي
الحاج منصور بخبث: اصله چاني هو وابوه وطلبوا مني يد الاء لولدهم حازم .
الاء بصدمة وصوت منخفض : اي .
فشعرت بضغط يد جدها علي يدها
عز : نعممممم الكلام ده لا يمكن يحصل ابدا .
فنظروا جميعهم له ومن ضمنهم الاء
الحاج منصور : ليه يا ولدي ف حاچة ولا اي .
عز بتوتر ولكنه دراه بالهدوء: ااا قصدي يعني ان الاء لسه صغيره مينفعلهاش جواز دلوقت لسه بدري ومخلصت جامعتها و.......
الحاج منصور: الاء مش صغيره الي جدها فاتحين بيوت ولو علي چامعتها انا جولتله مفيش چواز جبل ما تخلص علامها وهو وافج مفيش سبب مقنع عشان نرفض الولد ثم نظر ل الاء : والواد لما جعت معاه باين عليه انه شاريها ورايدها واخلاج وادب وعلام ترفضه ليه