غلطة غيرت حياتي (مكتملة)

البارت الرابع والعشرون

احببتك في اليوم الف مره ، احببتك منذ نعومة اظفاري ، احببتك في حلمي قبل واقعي ، وفي واقعي احببتك اضعاف الا ان اصبحت مرضي ..... فهل لي شفاء من هذا المرض ؟؟

بعد مرور شهرين
ابتدت شروق العمل مع ايهاب من اليوم التالي بعد ان اشترط عليها ان تعمل معه ....وقد كان ونفذت شرطه وكانت تسعي بكل جهدها ان تجعل اسمه يكبر اكثر واكثر وكانت هي تكبر معه وفي كل يوم يكبر حبه في قلبها يكبر الا ان اصبح عشق .... ولكن هي ليس عندها الجرأة بان تعترف بهذا العشق الذي يسكن قلبها مثلما فعلت كلا من الاء و نور ... فضلت ان تكتمه بداخلها الا ان تحدث معجزه ويحبها مثلما تحبه وكانت تصلي وتدعي كل يوم بان تحدث تلك المعجزة
في مكتب ايهاب
ايهاب : الو يا شروق ... يلا انتي فين كل ده المفروض كنتي طلعتي من ساعة من الجامعة .
شروق: والله انا ف الطريج اهو بس المحاضره اتاخرت شوية ف اتاخرت بس انا چاية اهو
ايهاب : طب يلا يلا بسرعة عشان ورانا شغل بالهبل
شروق بابتسامة: طيب حاضر چاية
واقفلت معه الخط
وبعد دقائق كانت السياره تقف تحت عند الشركة .
شروق: خلاص يا عم حسن روح انت چيب الاء وسلمي ونور وانا هاچي مع ايهاب روح انت .
حسن : حاضر يابنتي مع الف سلامه
وترجلت من السياره ودخلت الا الشركة وكانت تلقي السلام علي العاملين فيها مع كل خطوة فهي محبوبه بينهم .
ركبت المصعد واختارت الدور الذي يوجد به مكتبها ومكتب ايهاب
وصلت وترجلت من المصعد وهي في طريقها الا مكتبها سمعت احد يوناديها

باشمهندسة شروق
ف استدارت وابتسمت : نعم يا باشمهندس زياد
زياد : معلش كنت محتاج اتكلم معاكي ف موضوع مهم .
شروق باستغراب : موضوع مهم ؟! خير يا باشمهندس في اي قلقتني .
زياد : لالا ابدا متقلقيش كله خير ...كنت عايز اقولك بس انه ....
شروق: اي يا بشمهندس قول اتفضل .
زياد : تتجوزيني .
شروق بصدمة: اي ؟؟!
زياد : بقولك تتجوزيني ...من ساعة مع اشتغالتي هنا معانا وانا معجب بيكي وعاوز اكلمك بس قولت استني شوية اتاكد ولما اتاكدت جيت اقولك دلوقت اهو عشان لو موافقة اجي اتقدملك رسمي .

بعد ان استوعبت شروق الكلام اخذت نفس عميق وتكلمت بهدوء وابتسامة: باشمهندس زياد ... انت شاب اي بنت ف الدنيا تتمناك لقطة بالنسبه لاي بنت ف الكون ... بس انا ..انا قلبي مش بايدي ، بحب حد تاني مقدرش اوافق عليك وانا قلبي مع حد تاني ، عارف لو كنت جتني قبل كدا كنت وافقت وملقتش احسن منك ... بس قلبي خلاص اختار صاحبه .
زياد بحزن : باشمعندس ايهاب مش كدا .
شروق بخجل هزت راسها مؤكده ان كلامه صحيح
زياد بابتسامة: كنت حاسس بس كنت بكدب نفسي .... انتي بني ادمة جميلة اوي يا باشمهندسة وتستاهلي كل خير وبتمنالك السعاده كلها مع باشمهندس ايهاب ، ولو تسمحيلي نبقا اصدقاء
ومد يده لكي يصافحها .
فنظرت له بابتسامة ومدت يدها وصافحته : وانت كمان ربنا يكتبلك السعاده مع واحده تبادلك نفس الشعور ، واكيد طبعا احنا اصدقاء .